Քարե խաչ (ֆիլմ)
«Քարե խաչ» (ռուս.՝ «Каменный крест»), խորհրդային գեղարվեստական ֆիլմ[1], որը նկարահանել է ռեժիսոր Լեոնիդ Օսիկան Վասիլի Ստեֆանիկի «Դատ» և «Քարե խաչ» նովելների հիման վրա։
Երկիր | ԽՍՀՄ |
---|---|
Ժանր | դրամա |
Թվական | 1968 |
Լեզու | ռուսերեն |
Ռեժիսոր | Լեոնիդ Օսիկա |
Սցենարի հեղինակ | Իվան Դրաչ և Վասիլի Ստեֆանիկ |
Դերակատարներ | Դանիիլ Իլչենկո և Բորիսլավ Բրոնդուկով |
Կինոընկերություն | Կիևի Ալեքսանդր Դովժենկոյի անվան կինոստուդիա |
Տևողություն | 81 րոպե |
Սյուժե խմբագրել
Գիշերը գյուղացու խրճիթ է մտնում գող, և տանտերը նրան բռնում է։ Գյուղացիական համայնքի օրենքներով՝ գողին պետք է դատել մարդկանց առաջ, իսկ թալանված տերը պետք է սպանի նրան։
Գիշերը սկսվում է գողի հետ զրույցը, թե ինչպես պետք է սպանել նրան։ Ինչպես ընդհանրապես պետք է ճիշտ սպանել տարբեր մարդկանց՝ կախված ազգությունից և նրանց զբաղմունքից։ Զրույցի մասնակիցները խմում են, խմեցնում գողին։ Առավոտյան Իվան Դիդուխը, որըհավերժական գյուղական աշխատանքից հոգնած ծերունի է, չի հասկանում, թե ինչու ինքը պետք է սպանի իր նման աղքատի։ Գողին կսպանեն համագյուղացիները, և Դիդուխը կդադարի նրանցից մեկը լինելուց։
Ֆիլմի երկրորդ կեսին Դիդուխը հրաժեշտ է տալիս հողին, գյուղին, հայրենակիցներին, տանը։ Նա մեկնում է Կանադա՝ ավելի լավ բախտ գտնելու։Ոչ միայն նրա, այլև մնացած բնակիչների համար այս մեկնումը մահվան պես է, իսկ ճանապարհելը` հողարկավորության։ Նա նույնիսկ կնոջն է հրաժեշտ տալիս, չնայած նա գնում է իր հետ։ Նրա վարած հողն ասես գերեզման է դառնում Իվանի համար։ Վերջինս բարձրանում է նրա ամենաբարձր կետը, ինչպես Քրիստոսը Գողգոթայի վրա, և տեղադրում է վաղուց պատրաստած քարե խաչը։
Ամբողջ գյուղով նրանց ուղեկցում են մինչև ցանկապարիսպի, իսկ հետո եկեղեցում կատարում են հուղարկավորության ծես ինչպես իսկական հանգուցյալների համար։
Դերերում խմբագրել
- Դանիիլ Իլչենկո - Իվան Դիդուխ
- Բորիսլավ Բրոնդուկով - գող
- Իվան Միկոլայչուկ - Միկոլա
- Անտոնինա Լաֆտիյ
- Կոնստանտին Ստեպանկով - Միխայլո
- Վասիլի Սիմչիչ - Գեորգի
Նկարահանող խումբ խմբագրել
- Սցենարի հեղինակ՝ Իվան Դրաչ
- Ռեժիսոր` Լեոնիդ Օսիկ
- Օպերատոր` Վալերի Կվաս
- Նկարիչ` Նիկոլայ Ռեզնիկ
- Կոմպոզիտոր` Վ. Գուբա
Մրցանակներ խմբագրել
- 1968 – Համամիութենական կինոփառատոնի մրցանակ ֆիլմի օպերատորին (Վ. Կվաս)
Ծանոթագրություններ խմբագրել
- ↑ «Քարե խաչ» ֆիլմը kino-teatr.ru կայքում
Արտաքին հղումներ խմբագրել
- «Каменный крест» «Энциклопедия отечественного кино» կայքում