Տարիֆա
Տարիֆա (իսպ.՝ Tarifa), քաղաք և համայնք Իսպանիայի հարավում՝ Անդալուսիայի մաս հանդիսացող Կադիսի պրովինցիայի Կամպո դե Խիբրալթար շրջանում։ Զբաղեցնում է 419 կմ² տարածք։ Բնակչության թիվը 2010 թվականի տվյալներով եղել է 17 768 մարդ։ Պրովինցիայի վարչական կենտրոնից՝ Կադիս քաղաքից հեռավորությունը 101 կիլոմետր է։
| Տարիֆա | |
|---|---|
 | |
| Տեսակ | Իսպանիայի մունիցիպալիտետ |
| Երկիր |  Իսպանիա |
| Վարչատարածք | Կադիս |
| ԲԾՄ | 7 ± 1 մետր |
| Մակերես | 419,67 կմ² |
| Մասն է | Q100593619?[1], Q107553374?[2] և Campo de Gibraltar?[3] |
| Ջրլիցի ափին | Ատլանտյան օվկիանոս և Միջերկրական ծով |
| Անվանված է | Tarif ibn Malik? |
 | |
 | |
.svg) | |
Պատմություն խմբագրել
Ուսումնասիրողներից շատերի կարծիքով՝ Տարիֆայի տեղում ժամանակին եղել է հին հռոմեական Մելարիա բնակավայրը[4][5]։ Տարիֆայի մերձակա Բոլոնիա գյուղի տեղում նույնպես հին հռոմեական բնակավայր է եղել՝ Բաելո Կլաուդիան, որի ավերակները պահպանվել են գյուղի մոտ։ Իսկ Տարիֆան իր ներկայիս անվանումն ստացել է ի պատիվ արաբական Ումայադյան խալիֆայության զորահրամանատար Թարիֆ իբն Մալիքի[6], ով 710 թվականին գրոհել է այս բնակավայրը և համարվում է Իսպանիայի հողին ոտք դրած առաջին մուսուլմանը[7]։
XI դարում բնակավայրը գտնվել է նախ՝ Ալխեսիրասի, այնուհետև՝ Սևիլյայի թայֆայում։ 1292 թվականին Կաստիլիայի թագավոր Սանչո Չորրորդն ազատագրել է այն։ 1296-ին մավրերը փորձել են գրոհով տիրանալ ամրոցին, բայց պաշտպանները, Մեդինա-Սիդոնիա ազնվականական տոհմի հիմնադիր Գուսման Բարիի հրամանատարությամբ, ետ են շպրտել նրանց։ 1340 թվականին մավրերը Տարիֆան նվաճելու ևս մեկ փորձ են ձեռնարկել, սակայն դարձյալ անհաջողության են մատնվել։
XV—XVII դարերում Տարիֆայի տերերը Էնրիկեսների տոհմի մարկիզներն էին։ 1810—11 թվականներին այդ բնակավայրը հայտնվել է իսպանա-ֆրանսիական պատերազմի թեժ մարտերի կենտրոնում։
Տեսարժան վայրեր խմբագրել
Տարիֆայի միջնադարյան ամրոցը, որ կրում է Գուսմանի անունը, հիմնադրվել է դեռ Աբդ առ Ռահման Երրորդի օրոք և հետագայում վերակառուցվել։ Նրա պարիսպներից՝ Ջիբրալթարի նեղուցի մյուս կողմում երևում են Մարոկկոյի լեռները։
Քաղաքի միջնադարյան երեք դարպասներից պահպանվել է միայն մեկը։ Զբոսաշրջիկներին գրավում են նաև Կույս Մարիամի և Մատթեոս առաքյալի եկեղեցիները, որոնք կառուցվել են նախկին մզկիթների տեղում։
Անընդհատ փչող քամիների շնորհիվ Տարիֆայի ափամերձ ջրերում լավ պայմաններ են ստեղծված վինդսերֆինգով և օդապարուկային սերֆինգով զբաղվելու համար։ Քաղաքում մինչև անգամ կա օդապարուկային պարապմունքներ կազմակերպող դպրոց։
Լաստանավային կանոնավոր հաղորդակցություն է կազմակերպվում Տարիֆայի և աֆրիկյան ափին գտնվոր Տանժեր նավահանգստի միջև։ Սկսած 2004 թվականից՝ ամեն տարի Տարիֆայում անց է կացվում աֆրիկյան ֆիլմերի փառատոն։
Տարիֆայում է գտնվում մայրցամաքային Եվրոպայի ծայր հարավային կետը՝ Մարոկիի հրվանդանը։ Քաղաքի մերձակայքում են հին հռոմեական Բաելո Կլաուդիա բնակավայրի ավերակները, Մոլինո դե Գվադալմեզի (Molino de Guadalmesi) ինտերնացիոնալ համայնքը, որը Global Ecovillage Network նախագծի մաս է կազմում[8]։
Կլիմա խմբագրել
| Տարիֆա (1981-2010)ի կլիմայական տվյալները | |||||||||||||
|---|---|---|---|---|---|---|---|---|---|---|---|---|---|
| Ամիս | հունվ | փետ | մարտ | ապր | մայ | հուն | հուլ | օգոս | սեպ | հոկ | նոյ | դեկ | Տարի |
| Ռեկորդային բարձր °C (°F) | 22.4 (72.3) |
24.7 (76.5) |
24.3 (75.7) |
26.7 (80.1) |
31.9 (89.4) |
34.9 (94.8) |
35.3 (95.5) |
37.0 (98.6) |
37.4 (99.3) |
31.8 (89.2) |
27.1 (80.8) |
23.6 (74.5) |
37.4 (99.3) |
| Միջին բարձր °C (°F) | 15.2 (59.4) |
15.1 (59.2) |
16.3 (61.3) |
17.3 (63.1) |
19.4 (66.9) |
21.8 (71.2) |
23.9 (75) |
24.5 (76.1) |
23.1 (73.6) |
20.6 (69.1) |
17.9 (64.2) |
16.1 (61) |
19.3 (66.7) |
| Միջին օրական °C (°F) | 13.0 (55.4) |
13.0 (55.4) |
14.4 (57.9) |
15.2 (59.4) |
17.2 (63) |
19.8 (67.6) |
21.7 (71.1) |
22.3 (72.1) |
21.1 (70) |
18.6 (65.5) |
15.9 (60.6) |
14.1 (57.4) |
17.2 (63) |
| Միջին ցածր °C (°F) | 10.8 (51.4) |
10.9 (51.6) |
12.4 (54.3) |
13.0 (55.4) |
14.9 (58.8) |
17.8 (64) |
19.4 (66.9) |
20.0 (68) |
19.0 (66.2) |
16.7 (62.1) |
13.9 (57) |
12.1 (53.8) |
15.1 (59.2) |
| Ռեկորդային ցածր °C (°F) | −3.3 (26.1) |
−2.1 (28.2) |
1.2 (34.2) |
4.0 (39.2) |
7.4 (45.3) |
10.6 (51.1) |
11.9 (53.4) |
14.2 (57.6) |
5.0 (41) |
6.4 (43.5) |
2.4 (36.3) |
0.4 (32.7) |
−3.3 (26.1) |
| Տեղումներ մմ (դյույմ) | 70 (2.76) |
75 (2.95) |
48 (1.89) |
57 (2.24) |
28 (1.1) |
8 (0.31) |
2 (0.08) |
4 (0.16) |
16 (0.63) |
80 (3.15) |
86 (3.39) |
118 (4.65) |
592 (23.31) |
| Միջ. տեղումների օրեր (≥ 1 mm) | 7 | 8 | 5 | 7 | 4 | 1 | 0 | 0 | 2 | 6 | 8 | 10 | 58 |
| % խոնավություն | 77 | 79 | 78 | 77 | 78 | 79 | 80 | 81 | 81 | 81 | 79 | 78 | 79 |
| Միջին ամսական արևային ժամ | 153 | 161 | 199 | 218 | 264 | 284 | 307 | 297 | 233 | 202 | 170 | 142 | 2630 |
| աղբյուր: Agencia Estatal de Meteorología[9] | |||||||||||||
Գրականության մեջ խմբագրել
Տարիֆա քաղաքը գեղարվեստորեն նկարագրված է անվանի գրող Պաուլո Կոելիոյի «Ալքիմիկոսը» վեպում, որը 1986 թվականին աշխարհում լայնորեն հրատարակված բեսթսելլերներից է։
Տես նաև խմբագրել
Ծանոթագրություններ խմբագրել
- ↑ Andalusian Notaries Association https://andalucia.notariado.org/liferay/c/document_library/get_file?=11510482&folderId=15173850&name=DLFE-1486391.pdf — 2020.
- ↑ Register of Local Entities — Ministry of Finance and Public Administration.
- ↑ ORDEN de 14 de marzo de 2003, por la que se aprueba el mapa de comarcas de Andalucía a efectos de la planificación de la oferta turística y deportiva. // Boletín Oficial de la Junta de Andalucía, Boletín oficial (իսպ.) — Junta de Andalucía, 2003. — Iss. 59. — ISSN 2253-802X; 0212-5803
- ↑ Gozalbes Cravioto, Enrique (December 1996). «La ubicación de la Mellaria romana». Revista de Estudios Tarifeños. VI (23 Fourth Quarter). Արխիվացված է օրիգինալից 2019 թ․ հունիսի 27-ին. Վերցված է 2013 թ․ մարտի 20-ին.
- ↑ Gozalbes Cravioto, Enrique (1995). «Aspectos de la crisis del Bajo Imperio romano en la comarca del Campo de Gibraltar» (PDF). Almoraima (Spanish) (13). ISSN 1133-5319. Արխիվացված է օրիգինալից (PDF) 2012 թ․ հունվարի 19-ին.
{{cite journal}}: CS1 սպաս․ չճանաչված լեզու (link) - ↑ Gibbon, Edward (1776). The History of the Decline and Fall of the Roman Empire, vol. 9.
- ↑ Naturalis Historia, 3,7
- ↑ «Molino de Guadalmesí | GEN sites». sites.ecovillage.org. Արխիվացված է օրիգինալից 2016 թ․ հունիսի 10-ին. Վերցված է 2016 թ․ մայիսի 11-ին.
- ↑ «Valores Climatológicos Normales. Tarifa».
Պատկերասրահ խմբագրել
-
Տարիֆայի ծովափը գիշերով -
Ջիբրալթարի նեղուցում դիտում են կետերին -
Բաելոյի բազիլիկ եկեղեցու ավերակները -
Ամրոցը -
Սանտա Կատալինա ամրոցը -
Հին քաղաքամասի փողոցներից մեկը -
-
Տարիֆայի նավահանգստի համայնապատկերը -
Միջնադարից պահպանված դարպասը -
Սան Ֆրանսիսկո եկեղեցին -
Ամարգուրաս թաղամասի համայնապատկերը -
Սան Մատեոյի դուռը -
Կադիս-Մալագա ավտոմայրուղու եզրին գտնվող շենքերից մի քանիսը -
Բալեո Կլաուդիայի արևային ժամացույցը
.jpg){kind=small}
.jpg)
.jpg){kind=small}
.jpg){kind=small}
..jpg)
_01.jpg)
Արտաքին հղումներ խմբագրել
| Վիքիճամփորդն ունի Tarifaին առնչվող զբոսաշրջային տեղեկատվություն։ |
- Official website (Իսպաներեն)
- Estrecho Natural Park (Իսպաներեն)
- Lances Beach Natural Paraje (Իսպաներեն)
- «Тарифа». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ. 1890–1907.
{{cite book}}: CS1 սպաս․ location missing publisher (link)
 | Վիքիպահեստն ունի նյութեր, որոնք վերաբերում են «Տարիֆա» հոդվածին։ |