Վորմսի տաճար

Վորմսի տաճար (գերմ.՝ Wormser Dom, լրիվ անվանումը` Սուրբ Պետրոսի տաճար գերմ.՝ Der Dom St. Peter), տաճար գերմանական Վորմս քաղաքում։ Կառուցված է ռոմանական ոճով։ Հռենոսի կայսերական երեք տաճարներից ամենափոքրն է։

Վորմսի տաճար
Հիմնական տվյալներ
Տեսակ	կաթոլիկ տաճար և Կայսերական տաճարներ
Երկիր	Գերմանիա
Տեղագրություն	Վորմս
Դավանանք	կաթոլիկություն
Թեմ	Roman Catholic Diocese of Mainz?
Հիմնական ամսաթվերը	12-րդ դար
Ժառանգության կարգավիճակ	մշակութային հուշարձան
Նվիրված	Պետրոս առաքյալ
Անվանված	Պետրոս առաքյալ
Ճարտարապետական ոճ	Ռոմանական ճարտարապետություն
Հիմնադրված	12-րդ դար
St. Peter's Cathedral (Worms) Վիքիպահեստում
pg-dom-st-peter-worms.bistummainz.de/index.html

Եկեղեցում տեղի ունեցած պատմական իրադարձություններից են Հռոմի Լև IX պապի ընտրությունը (1048) և Վորմսի ռեյխստագը (1521), որի ժամանակ Մարտին Լյութերը հանդես է եկել Կառլոս V կայսրի առաջ։

Վորմսի տաճարը կառուցվել է 1130-1181 թվականներին, որի պատճառով քանդվել է 11-րդ դարի սկզբին կառուցված ռոմանական բազիլիկը։ Կանգնած է բլրի վրա, որը քաղաքի ամենաբարձր կետն է, ուր նախապես բնակություն էին հաստատել կելտերը և հռոմեացիները, քանի որ տեղանքը պաշտպանված էր հեղեղումներից։ Մոտ 600 թվականին կառուցվել է եկեղեցի, որ նախորդել է տաճարին։ Ներկայումս Վորմսի տաճարը կաթոլիկ տաճար է։ Խորանին կից սենյակում ամփոփված են Կոնրադ II կայսեր հարազատների մնացորդները, որոնք մահացել են 10-11-րդ դարերում։

Վորմսի տաճար և նիբելունգներ

Տաճարը 1904 թվականին

«Նիբելունգների երգը» գերմանական էպոսի հիմնական դրվագներից մեկը տեղի է ունենում Վորմսի տաճարի մոտ։ Այդ դրվագում Կրիմհիլդան և Բրյունհիլդան վիճում են այն բանի առթիվ, թե ում ամուսինն է ավելի բարձր դիրք գրավում, և հետևաբար ով պետք է առաջինը տաճար մտնի։ Այս վեճի պատմական փաստարկներ չկան։ Հնարավոր է, որ «Նիբելունգների երգը» էպոսը պատմողները տաճարն ուղղակի օգտագործել են որպես գործողությունների կատարման վայր։

Արտաքին հղումներ

• Պաշտոնական կայք
• Վորմսի տաճարի պատկերասրահ

Վիքիպահեստն ունի նյութեր, որոնք վերաբերում են «Վորմսի տաճար» հոդվածին։