Վիլմոշ Լազար
Այս հոդվածը Վիլմոշ Լազարի (Լազարյան) մասին է։ Այլ գործածությունների համար այցելեք Լազարյան (այլ կիրառումներ)։
Վիլմոշ Հովհաննեսի Լազար կամ Լազարյան, Ղազարյան (հոկտեմբերի 24, 1817, Զրենյանին, Սերբիա - հոկտեմբերի 6, 1849, Արադ (Ռումինիա), Ռումինիա), հունգարական հեղափոխության (1848-1849) հերոս էր, հայազգի զորապետ[1]։
| Վիլմոշ Լազար Վիլմոշ Հովհաննեսի Լազարյան | |
|---|---|
 | |
| Ծնվել է | հոկտեմբերի 6 1815 |
| Ծննդավայր | Նադպեչկերեկ, Բանատ (այժմ Սերբիա) |
| Մահացել է | հոկտեմբերի 6 1849 |
| Մահվան վայր | Արադ, (Ռումինիա)  |
| Քաղաքացիություն |  Հունգարիա |
| Մասնագիտություն | զինվոր |
 Vilmos Lázár Վիքիպահեստում | |
Կենսագրություն խմբագրել
Լազարի նախնիները Բանատ են տեղափոխվել Եղիսաբեթուպոլսից և ստացել ազնվականության տիտղոս։ Մինչև 1844 թ. Լազարը ծառայության մեջ է եղել ավստրո-հունգարական կայսերական բանակում։ 1848-1849 թթ. հունգարական հեղափոխության հենց սկզբից անցել է հեղափոխական բանակի կողմը՝ հրաժարվելով զինվորական նախկին աստիճանից։ Գլխավորել է IX հեծելազորային գումարտակը, մասնակցել Սենյի, Տիմիշվարի, Կարանսեբեշի, Օրշովայի մարտերին, ղեկավարել Լուգոժի պաշտպանությունը։ 1849 թ. օգոստոսի 12-ին ստացել է հեղափոխական բանակի գնդապետի աստիճան։ 1849 թ. օգոստոսի 13-ին՝ հունգարական հեղափոխական բանակի հանձնվելուց հետո Լազարը ևս իր գումարտակով ստիպված հանձնվել է (օգոստոսի 19-ին) կայսերական զորքերին։ Հակառակ խոստացված ներման՝ գնդակահարվել է հեղափոխական այլ զորապետների (հայազգի գեներալ Էռնո Քիշ և ուրիշներ) հետ։ Հետագայում Լազարի դին տեղափոխվել և թաղվել է Մաչայում[2]։
Շիրիմին կանգնեցված է դամբարան։ Արադում կառուցվել է հուշարձան՝ ի պատիվ Լազարի և մյուս 12 զորապետների։ Բուդապեշտի և այլ քաղաքների չորս փողոցներ կոչվում են Լազարի անունով։
Ծանոթագրություններ խմբագրել
- ↑ Hermann Róbert. «Az 1849-1850. évi kivégzések». Aetas. 2000 (1–2). Արխիվացված է օրիգինալից 2011 թ․ նոյեմբերի 30-ին. Վերցված է 2009 թ․ հոկտեմբերի 5-ին.
- ↑ «Október 6». oktober6.kormany.hu. Վերցված է 2020 թ․ հուլիսի 23-ին.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 468)։ 
|