Վարշավայի հնագիտական թանգարան

Վարշավայի հնագիտական թանգարան (լեհ.՝ Państwowe Muzeum Archeologiczne), Վարշավայի պետական թանգարան (Լեհաստան), նվիրված է, մասնավորապես, հին և միջին դարերի լեհական պատմությանը։ Թանգարանը սկսած 1958 թվականից գտնվել է վարշավյան Արսենալի շենքում, որն էլ գտնվում է վարշավյան Սրոդմիսիե շրջանի Դլուգա փողոցի 52 (ulica Długa 52) հասցեում։ Թանգարանը գրանցված է Լեհաստանի թանգարանների գրանցամատյանում։

Վարշավայի հնագիտական թանգարան
Տեսակ	հնագիտական թանգարան
Երկիր	Լեհաստան
Տեղագրություն	Դլուգայի փողոց 52, 00-241 Վարշավա
Վայր	Długa Street?
Հիմնադրվել է	մարտի 22, 1928
Տնօրեն	Վոյցեհ Բժեզինսկի
Կայք	pma.pl

Պատմություն

1923 թվականին Լեհաստանի կրոնական հարցերով կազմակերպությունը և ազգային կրթության նախարարությունը որոշում կայացրին ստեղծել Ազգային հնագիտական թանգարան։ 1928 թվականին նրան դարձրին լեհական հին պատմության գիտա-հետազոտական նշանակություն ունեցող կենտրոն։

Թանգարանի հավաքածուն համալրվել է բազմաթիվ հնագույն ցուցանմուշներով, որոնք նույնիսկ չէին գտնվել արդյունաբերական և գյուղատնտեսական թանգարանում, հիմնական հավաքածուն այստեղ հայտնվել է ի շնորհիվ Զիգմունտ Գլոգերի։ Հավաքածուի ավելի քան 95 %-ը հայտնաբերվել են դաշտային հնագիտական պեղումների արդյունքում։

1945 թվականից հետո թանգարանին տվեցին, գիտական հասարակության, Էրազմա Մաևսկի անվան Վարշավայի Հնագիտական թանգարանի և Բիսկուպինի քաղաքի, անվանում։ 1958 թվականին թանգարանը համարվել է Բիսկուպին քաղաքի հիմնական թանգարան։

Հավաքածու

Թանգարանում հավաքված են այնպիսի ցուցանմուշներ, որոնք սերտ կապ ունեն Լեհաստանի, Եվրոպայի, Ասիայի, Ամերիկայի և Աֆրիկայի հնագույն պատմության հետ։ Առավել նկատելի են «Լեհական աշխարհի նախապատմական ժամանակաշրջանի զարգացմանը», «Ռոմանական ճարտարապետության հիմնադրմանը» և «Գոթական ճարտարապետության այբենարանին» նվիրված ցուցանմուշները։ Թանգարանում կազմակերպվել են հատուկ դասընթացներ, որտեղ ցանկացողները կարող են փորձել սովորել հյուսել ծաղկային ժապավեններ, ավանդական տեխնիկայով պատրաստել խեցեղեն և սարքել հին գծագրերի համար ապակենման զարդարանք։

Աղբյուրներ

• Թանգարանի էջը(լեհ.)
• Հնագիտական թանգարանը Բիսկուպինայում(լեհ.)