Վարդա (երգչուհի)
Անվան այլ կիրառումների համար տե՛ս՝ Վարդա (այլ կիրառումներ)
Վարդա (անգլ.՝ Varda, պաշտոնական անունը` Վարդանուշ Մարտիրոսյան, մականունը` սև հրեշտակ, մարտի 3, 1985, Կրիվոյ Ռոգ, Դնեպրոպետրովսկի մարզ, Ուկրաինական ԽՍՀ, ԽՍՀՄ), երգչուհի, դերասանուհի, պարուհի է պիլոնի վրա։ Ունի հայկական արմատներ։
| Վարդա | |
|---|---|
| Ծնվել է | մարտի 3, 1985 (39 տարեկան) |
| Ծննդավայր | Կրիվոյ Ռոգ, Դնեպրոպետրովսկի մարզ, Ուկրաինական ԽՍՀ, ԽՍՀՄ |
| Քաղաքացիություն |  ԽՍՀՄ,  Ուկրաինա և  Ռուսաստան |
| Կրթություն | Կիևի ազգային մշակույթի և արվեստի համալսարան |
| Մասնագիտություն | երգչուհի, դերասանուհի և պարուհի |
| Կայք | varda-show.com |
Կենսագրություն խմբագրել
Ծնվել է 1985 թվականի մարտի 3-ին Կրիվոյ Ռոգում` բազմազավակ ընտանիքում, վեցերորդ երեխան է։ Հայրը հայ ինժեներ էր, իսկ մայրը` մարի դերձակուհի։ Հայրը նորածին դստերն անվանել է հնագույն հայկական անունով` ի պատիվ իր մոր` Վարդանուշի։ Մայրը կրկեսային մարմնամարզության վարպետ էր և 7-ամյա Վարդային տվել է «Արենա» կրկեսային ստուդիա։ Ավելի ուշ Վարդան սկսել է երգել «Արծաթյա զանգեր» անսամբլում, խաղալ թատրոնում, «Արլեկին» ստուդիայում[1]։
Պարային գործունեություն խմբագրել
Ավելի քան տասը տարվա գործունեության ընթացքում հասցրել է դառնալ առաջինը և ամբողջ աշխարհով մեկ նվաճել ամենահեղինակավոր տիտղոսները (ներկայացել «Սև հրեշտակ» բեմական անունով)։
- Ուկրաինայի 2003-2004 թվականների մերկապարի առաջին չեմպիոն (ՍՏԲ հեռուստաընկերություն)
- 2005 թվականին կայացած միջազգային «Ոսկե պիլոն» մրցույթի հաղթող (Քիշնև, Մոլդովա)[2]։
- 2009 թվականին կայացած Մոսկվայի «Pole Dance Competition» մրցույթի հաղթող («SOHO ROOMS»)[3]:
- 2009 թվականին կայացած Ռուսաստանի «Միսս Pole-dance» մրցույթի հաղթող («World Pole Dance Federation», Մոսկվա)[4]։
- 2009 թվականին կայացած մերկապարի աշխարհի առաջնության ֆինալիստ (Ամստերդամ, Նիդերլանդներ)[5]։
Երաժշտական գործունեություն խմբագրել
Երգիչ Սերգեյ Զվերևը Վարդային առաջարկել է ձայնագրել զուգերգ՝ «Люди-ангелы», և 2011 թվականի փետրվարին երգիչները թողարկել են երգի տեսահոլովակը։ Ապա նրանք նկարահանվել են «XXL» տղամարդկանց ամսագրի համար։ Նրանց սկանդալային ֆոտոշարքը Ռուսաստանի և Ուկրաինայի «XXL» ամսագրի համար դարձել է լավագույն լուսանկարչական ֆոտոշարքի հավակնորդ[6]։
Հաջորդը Վարդան համագործակցել է Վիտալի Կոզլովսկիի հետ։ Ձայնագրվել է առաջին տեսահոլովակը` «Մի թող ինձ մենակ» («Не оставляй меня»), ռուսերենով և հայերենով։ Տեսահոլովակը ներկայացրել են Ուկրաինայում և Հայաստանում։ 2012 թվականին զույգը ձայնագրել է ևս մեկ համատեղ ամառային պարային երգ-տեսահոլովակ` «Потанцуй»։ Այդ ժամանակ Վարդան հանդես է եկել ոչ միայն որպես կատարող, այլև որպես բառերի և երաժշտության գրող-երգահան[7]։ 2012 թվականին Վարդան դարձել է խոշոր միջազգային երաժշտական նախագծի մասնակից։ Այս համագործակցությունը համախմբել է Ռուսաստանի, Ուկրաինայի, Հայաստանի, ԱՄՆ-ի և աշխարհի այլ մասերի` հայկական ծագում ունեցող արտիստների:։ Վարդան Դմիտրի Խառատյանի, Զառայի, Ալեքսեյ Չումակովի, Եվա Ռիվասի հետ ձայնագրել է հայրենասիրական երգ, որը կոչվում է «Армения»։ Այժմ Վարդան պատրաստվում է թողարկել իր առաջին անհատական ալբոմը՝ «Следуй за мечтой»։
Ծանոթագրություններ խմբագրել
- ↑ Биография VARDA. Արխիվացված 2019-08-20 Wayback Machine SEE.ua
- ↑ На международном чемпионате по стриптизу в кишиневе для создания эротических костюмов украинские… // Факты и комментарии.
- ↑ POLE DANCE COMPETITION. Արխիվացված 2019-08-20 Wayback Machine VIP Life.
- ↑ Россияне украли у нас лучшую стриптизершу — Чёрного ангела.
- ↑ «Miss Pole Dance Championship Russia — Видеоотчёт с финала Miss Pole Dance Russia 2011». Արխիվացված է օրիգինալից 2019 թ․ օգոստոսի 20-ին. Վերցված է 2019 թ․ օգոստոսի 20-ին.
- ↑ «Сергей Зверев и Varda — видео со съёмок для журнала XXL | XXL — Журнал с мужским характером». Արխիվացված է օրիգինալից 2019 թ․ սեպտեմբերի 25-ին. Վերցված է 2019 թ․ օգոստոսի 20-ին.
- ↑ Стриптизёрша Козловского оголила грудь — Певица и стриптизёрша Варда снялась в эротической фотосессии для журнала Luxury. Новая партнёрша по — Like.
Արտաքին հղումներ խմբագրել
- Պաշտոնական կայք Արխիվացված 2019-10-31 Wayback Machine
- Varda.Club