Վանուատուի մշակութային կենտրոն
Վանուատուի մշակութային կենտրոն[1], VKS; ֆր.՝ Centre Culturel du Vanuatu), Վանուատուի ազգային մշակութային կենտրոն, որը գտնվում է պետության մայրաքաղաքում` Պորտ Վիլեում։ Կենտրոնը հիմնադրվել է 1955 թվականին[2]։ 1995 թվականից մինչև 2006 թվականը այն ղեկավարել է Ռալֆ Ռենգենվանը։ 2007 թվականից մինչև 2014 թվականը տնօրենը եղել է Աբոնգ Մարսելին, Ամբոն Թոմփսոնը ներկայումս տնօրենի պաշտոնակատարն է[3]։
Տեսակ | ազգային թանգարան |
---|---|
Երկիր | Վանուատու |
Տեղագրություն | Շեֆա |
Հիմնադրված է | 1955 |
Պաշտոնական կայք |
Կառուցվածք խմբագրել
Ներկայացնելով որպես կազմակերպություն, որը զբաղվում է Վանատուի բազմազան մշակույթների ցուցակագրմամբ՝ կենտրոնը ազգային մարմնի դեր է իրականացնում` պահպանելու և խրախուսելու կղզեխմբի զանազան մշակույթների տարբեր հայեցակետերը։ Մշակութային կենտրոնը հանդիսանում է կառուցվածքային մարմին, որը ներառում է հետևյալ հաստատությունները.
- Վանուատուի ազգային թանգարան
- Կինոյի և ձայնագրության ազգային բաժին
- Վանուատուի մշակութային և պատմական օբյեկտների վերահսկողություն
- Ազգային արխիվ
- Ազգային գրադարան
- Հանրային գրադարան
- Դաշտային աշխատակիցների խումբ
- Մշակութային կենտրոն Տաֆեա
- Մշակութային կենտրոն Մալեկուլա
- Մշակութային կենտրոն E-press
Կենտրոնի գործունեության նպատակն է Վանուատուի բնիկ ժողովուրդների ավանդական մշակույթի ձայնագրությունը, պահպանումն ու զարգացումը տարբեր տեսանկյուններից ՝ ավազով նկարելուց մինչև երաժշտություն, ցամաքային Դայվինգ, այլ սովորույթներ և բնիկ ժողովուրդների գիտելիքներ[4]։ 1976 թվականից սկսած` կենտրոնի նախագծերում է բանավոր ավանդույթների հավաքածուն։ Այն անկասկած համարվում է ամենահաջողված ծրագիրը խաղաղօվկիանոսյան շրջանի մշակութային փաստաթղթերից[5]։
Կենտրոնը թողարկում է ռադիոծրագրեր և տեսասկավառակներ` միտված բնիկ ժողովուրդների մշակույթի խրախուսմանը, պահպանմանը և վերածնմանը։ 1996 թվականին Կենտրոնի հավաքածուն ներառում էր 2500 ժամ աուդիո և 2300 ժամ տեսաձայնագրություն, 23 ժամ 16 միլիմետրանոց ժապավեն, երեսուն ժամանոց ութ միլիմետրանոց տեսաժապավեններ։ 3000 վաղ (մինչև 1950-ական թվականներ) սև-սպիտակ լուսանկարներ, ինչպես նաև շուրջ 4000 գունավոր սլայդներ, գունավոր նեգատիվներ և սև-սպիտակ նեգատիվներ։ Որոշ նյութերի հասանելիությունը սահմանափակ է։ Որոշ նյութերից կարող են օգտվել միայն տղամարդիկ, որոշներից՝ բացառապես կանայք, իսկ որոշ նյութեր էլ հասանելի են միայն տեղական առանձին մշակութային խմբերի անդամների[5]։
Ծանոթագրություններ խմբագրել
- ↑ «"Rev.John Williams artifacts showcased in Canada"». Vanuatu Daily Post. 11 февраля 2011. Արխիվացված է օրիգինալից 2022 թ․ փետրվարի 9-ին. Վերցված է 2019 թ․ դեկտեմբերի 22-ին.
- ↑ «"Vanuatu Cultural Centre | History"». Vanuatu Cultural Centre. Արխիվացված է օրիգինալից 2016 թ․ հոկտեմբերի 25-ին. Վերցված է 2018 թ․ սեպտեմբերի 10-ին.
- ↑ «"Home | Vanuatu Cultural Centre"». Vanuatu Cultural Centre. Արխիվացված է օրիգինալից 2014 թ․ դեկտեմբերի 18-ին. Վերցված է 2019 թ․ դեկտեմբերի 22-ին.
- ↑ «"Vanuatu Cultural Centre website"». Vanuatu Cultural Centre. Արխիվացված է օրիգինալից 2009 թ․ ապրիլի 18-ին. Վերցված է 2019 թ․ դեկտեմբերի 22-ին.
- ↑ 5,0 5,1 Joël Bonnemaison, Kirk Huffman, Christian Kaufmann, Darrell Tryon The Fieldworkers of the Vanuatu Cultural Centre and their Contribution to the Audiovisual Collections // Arts of Vanuatu. — Гонолулу: University of Hawaii Press, 1996. — 338 с.