Վահե Ստեփանյան

Վիքիպեդիայում կան հոդվածներ Ստեփանյան ազգանունով այլ մարդկանց մասին։

Վահե Վարդանի Ստեփանյան (ապրիլի 6, 1948(1948-04-06), Ստեփանակերտ, Ադրբեջանական ԽՍՀ, ԽՍՀՄ), Հայ իրավաբան, ՀՀ պետական գործիչ, ՀՀ Արդարադատության խորհրդի անդամ։

Վահե Ստեփանյան
Գիտական աստիճան՝	իրավաբանական գիտությունների դոկտոր
Մասնագիտություն՝	պետական ծառայող
Ազգություն	հայ
Ծննդյան օր	ապրիլի 6, 1948(1948-04-06) (76 տարեկան)
Ծննդավայր	Ստեփանակերտ, Ադրբեջանական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան

Կրթություն

• 1955-1966 թթ. - սովորել և ավարտել է Պուշկինի անվան միջնակարգ դպրոցը։
• 1966-1972 թթ. - սովորել և ավարտել է ԵՊՀ իրավաբանական ֆակուլտետը։
• 1973-1977 թթ. - ավարտել է Խորհրդային օրենսդրության համամիութենական գիտահետազոտական ինստիտուտի ասպիրանտուրան։ Իրավաբանական գիտությունների թեկնածու։
• 1988 թ. - ավարտել է Խորհրդային օրենսդրության համամիութենական գիտահետազոտական ինստիտուտի դոկտորանտուրան։ Իրավաբանական գիտությունների դոկտոր։ 6 մենագրություն և 30-ից ավելի հոդվածների հեղինակ։

Աշխատանքային գործունեություն

• 1972-1973 թթ. - ծառայել է Խորհրդային բանակում։
• 1977-1990 թթ. - Հայկական ԽՍՀ գիտությունների ակադեմիայի փիլիսոփայության և իրավունքի ինստիտուտի պետաիրավական հետազոտությունների բաժնի կրտսեր, ավագ, ապա՝ առաջատար գիտաշխատող։
• 1990 թ. - ՀՀ Գերագույն խորհրդի որոշմամբ նշանակվել է Հայաստանի արդարադատության նախարար։
• 1990-1995 թթ. - Սահմանադրական հանձնաժողովի նախագահի տեղակալ։
• 1991, 1992, 1993 թթ. Հայաստանի Նախագահի հրամանագրերով վերանշանակվել է Հայաստանի արդարադատության նախարարի պաշտոնում։
• 1996 թ. փետրվարի 5-ին ՀՀ Ազգային ժողովի որոշմամբ նշանակվել է Հայաստանի Հանրապետության Սահմանադրական դատարանի անդամ։
• 1996 թ. - Հայաստանի Հանրապետության Սահմանադրական դատարանի որոշմամբ ընտրվել է Հայաստանի Հանրապետության Սահմանադրական դատարանի նախագահի տեղակալ։
• 1997 թ. հրաժարական է ներկայացրել Հայաստանի Հանրապետության Սահմանադրական դատարանի նախագահի տեղակալի պաշտոնից։
• 1997-1998 թթ. - «Հրաչյա Աճառյան» համալսարանի միջազգային և ազգային իրավունքի ամբիոնի վարիչ։
• 1998-2005 թթ. - ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտի պետաիրավական հետազոտությունների բաժնի վարիչ։
• 1999-2004 թթ. - Հայաստանի բանկերի միության մշտապես գործող միջնորդ դատարանի նախագահ։
• 1999-2000 թթ. - «Կաբինետ մերլին» ընկերության «Խմելու ջրի և կոյուղաջրերի ազգային սեկտորի ուսումնասիրություն» ծրագրի իրավախորհուրդատու։
• 2002 թ. - «Անհատական տվյալների մասին» և «Բնակչության ռեգիստրի մասին» ՀՀ օրենքների նախագծերի համահեղինակ։
• 2002-2003 թթ. - Հայաստանի Հանրապետության պետական կառավարման ակադեմիայի տեղական ինքնակառավարման ամբիոնի վարիչ։
• 2003-2006 թթ. - Հայաստանի Հանրապետության պետական կառավարման ակադեմիայի պրոռեկտոր։
• 2003-2006 թթ. - ՄԱԿ-ի զարգացման ծրագրի «Տեղական ինքնակառավարման հզորացում» ծրագրի ազգային փորձագետ։
• 2006-2011 թթ. - Հայաստանի Հանրապետության Մարդու իրավունքների պաշտպանի աշխատակազմի ղեկավար։
• 2011 թ. ապրիլից - Խ. Աբովյանի անվան Հայկական պետական մանկավարժական համալսարանի ամբիոնի վարիչ։
• 2013 թ. հուլիսի 22-ին ՀՀ նախագահի հրամանագրով նշանակվել է ՀՀ արդարադատության խորհրդի իրավաբան գիտնական անդամ։

Պարգևներ և կոչումներ

• Իրավաբանական գիտությունների դոկտոր, պրոֆեսոր։
• Որակավորման բարձրագույն դասի դատավոր (1996)։

Անկուսակցական է։

Ծանոթագրություններ

Վիքիպահեստն ունի նյութեր, որոնք վերաբերում են «Վահե Ստեփանյան» հոդվածին։

Նախորդող պաշտոնը հիմնադրվել է, Արմեն Աշրաֆյանը որպես ՀԽՍՀ արդարադատության մինիստր

ՀՀ Արդարադատության նախարար Վահե Ստեփանյան 1990 թ. - 6 փետրվարի 1996 թ.

Հաջորդող Մարատ Ալեքսանյան

Նախորդող պաշտոնը հիմնադրվել է

ՀՀ Սահմանադրական դատարանի նախագահի տեղակալ Վահե Ստեփանյան 6 փետրվարի 1996 թ. - 1997 թ.

Հաջորդող Վոլոդյա Հովհաննիսյան