Ստանիսլավսկու փողոց (Դոնի Ռոստով)

Ստանիսլավսկու փողոց
Երկիր	Ռուսաստան
Գտնվում է	Դոնի Ռոստով
Երկարություն	3,5 կմ

Ստանիսլավսկու փողոց (ռուս.՝ Улица Станиславского), Ռուսաստանի Դոնի Ռոստով քաղաքի հիմնական փողոցներից մեկը։

Տեղակայված է քաղաքի կենտրոնում և նրա հնագույն փողոցներից մեկն է։ Այն սկսվում է Դոնի 5-րդ կորպուսի հրապարակում և ավարտվում Թատերական պողոտայի հետ խաչմերուկում՝ հատելով քաղաքի 23 փողոց։ Ստանիսլավսկու փողոցում անցկացված է տրամվայի գիծ։

Փողոցն անվանվել է ռուս մեծանուն դերասան, ռեժիսոր, թատրոնի ռեֆորմիստ, ռեալիզմի ներկայացուցիչ Կոնստանտին Սերգեևիչ Ստանիսլավսկու (1863-1938) անունով։

Պատմություն խմբագրել

19-րդ դարի սկզբում սա քաղաքի կենտրոնական փողոցն էր։ Սկզբում այն կոչվում էր Պոչտովայա փողոց^[1]։ Սա ամենաաշխույժ երկայնական փողոցներից մեկն էր, որտեղ գտնվում էր առաջին քաղաքային փոստային կայանը։ Ուղևորների և այլ մարդկանց կուտակումները, բազմաթիվ փոստային և ուղևորատար կառքերը, ինչպես նաև ծածկասահնակերը փողոցին յուրահատուկ գունեղություն էին հաղորդում։ Հետագայում փողոցը կոչվել է Ստարոպոչտովայա, իսկ 1938 թվականին անվանվել է ռուս մեծանուն դերասան, ռեժիսոր Կոնստանտին Սերգեևիչ Ստանիսլավսկու (1863-1938) անունով^[2]։

2017 թվականին սկսվել և 2018 թվականին ավարտվել է Ստանիսլավսկու փողոցի լայնածավալ վերակառուցումը^[3]։