Սպիտակ շոկոլադ
Սպիտակ շոկոլադ, շոկոլադ, որը արտադրվում է կակաոյի յուղից, շաքարից, կաթի փոշուց և վանիլից, առանց կակաոյի փոշի ավելացնելու, որի պատճառով այն ունի փղոսկրի գույն (հաճախ դեղնավուն երանգով) և պարունակում է մինիմում անտիօքսիդանտ, ինչպիսիք են տեոբրոմինը և կոֆեինը[1]։
 | |
|---|---|
 | |
| Տեսակ | շոկոլադե սալիկներ |
| Ենթատեսակ | Շաքարավազով քաղցրեղեն (որը պարունակում է սպիտակ շոկոլադ), որը չի պարունակում կակաո և շոկոլադ |
| Արտադրման վայր | Շվեյցարիա |
| Ստեղծման տարեթիվ | 1930 |
| Բաղադրամասեր | |
| Հիմնական |
|
 White chocolate Վիքիպահեստում | |
Իր յուրահատուկ համի համար այդ սնունդը պարտական է կաթի փոշուն, որը ունի կարամելային համ, և որպես բուրմունք հիմնականում օգտագործվում է վանիլինը։
ԱՄՆ-ում և Եվրոպական երկրներում այդ սննդի պատրաստման համար իրականացնում են լուրջ պահանջներ։ Մասնավորապես, հիմնավորված է, որ կակաոյի յուղը բաղադրության մեջ չի կարող 20%-ից ցածր լինել[2]։ Ի տաբերություն դասական շոկոլադի, սպիտակ շոկոլադը չի պարունակում կակաոյի փոշի[3]։
Առաջին սպիտակ շոկոլադը արտադրել է 1930 թվականին շվեյցարական «Nestlé» կոնցեռնը, փորձելով այդ եղանակով օգտագործել կակաոյի յուղի ավելցուկը[4]։ Սպիտակ շոկոլադը մեծ ճանաչում ունեցավ կես դար հետո՝ 1980-ական թվականներին[1]։
Տնային պայմաններում սպիտակ շոկոլադից և կոկոսի ձողիկներից կարելի է պատրաստել նմանատիպ կոնֆետ՝ «Ռաֆաելլո»[5]։ Հրուշակեղենի ժամանակակից արտարությունում օգտագործվում են զանազան մթերքներ, որոնք արտաքուստ հիշեցնում են սպիտակ շոկոլադը, բայց իրականում պատրաստված են հիդրոգենացված ճարպից` առանց կակաոյի[6]։