Սոֆիայի տեխնիկական համալսարան
Սոֆիայի տեխնիկական համալսարան, ՍՏՀ (բուլղար․՝ Технически университет, (քաղաքի անունը չի մտնում պաշտոնական անվանման մեջ, բայց ավելանում է տարբերման համար), Բուլղարիայի խոշորագույն տեխնիկական համալսարան։ Մասնաճյուղեր ունի Պլովդիվում և Սլիվենում[3]։
Սոֆիայի տեխնիկական համալսարան | |
---|---|
Տեսակ | համալսարան |
Հիմնադրված է | հոկտեմբերի 15, 1945 |
Անդամակցություն | Եվրոպայի համալսարանների միություն[1] և Ֆրանկոֆոնիայի համալսարանական գործակալություն[2] |
Երկիր | Բուլղարիա |
Տեղագրություն | Ստուդենտսկի |
Կայք | tu-sofia.bg |
Technical University of Sofia Վիքիպահեստում |
Համալսարանում ուսանում են մոտավորապես 18 000 ուսանող, որոնցից գրեթե 10 %-ը կազմում են օտաերկրացիները։ Համալսարանը ընդգրկվում է Բուլղարիայի խոշորագույն ինը տեխնիկական բուհերի միավորման մեջ։
Պատմություն խմբագրել
Համալսարանը հիմնադրվել է 1953 թվականին որպես Մեքենա-էլեկտրատեխնիկական ինստիտուտ, երբ Պետական պոլիտեխնիկումը (1942-1953) բաժանվել է 4 բարձրագույն ինժեներական ինստիտուտի՝
- Մեքենա-էլեկտրատեխնիկական ինստիտուտ (այսօր՝ Տեխնիկական համալսարան),
- Ինժեներա-շինարարական ինստիտուտ (այսօր՝ Ճարտարապետության, շինարարության և երկրաբաշխության համալսարան),
- Քիմիա-տեխնոլոգիական ինստիուտ (այսօր՝ Քիմիական տեխնոլոգիայի և մետաղագործության համալսարան),
- Լեռնա-երկրաբանական ինստիտուտ։
ՄԷԻ 1965 թվականին անվանափոխվել է Բարձրագույն Մեքենա-էլեկտրատեխնիկական ինստիտուտ։ Հետո նրան շնորհվել է Լենինի անունը և այն մինչև 1990-ական թվականների սկիզբը կոչվել է Վ. Ի. Լենինի անվան բարձրագույն Մեքենա-էլեկտրատեխնիկական ինստիտուտ։ 1995 թվականի հուլիսի 21-ի Բուլղարիայի ազգային խորհրդի որոշմամբ ստացել է համալսարանի կարգավիճակ և անվանափոխվել է Տեխնիկական համալսարան։
Ուսումնական կառուցվածք խմբագրել
Համալսարանի կրթական նախագիծը միավորում է՝
- ֆակուլտետներ՝
- Սոֆիայում, 11 հիմնական և 3 գործառական ֆակուլտետ (գերմաներեն, անգլերեն, ֆրանսերեն դասավանդմամբ),
- Պլովդիվում, 2 հիմնական ֆակուլտետ,
- Սլիվենում, 1 հիմնական ֆակուլտետ,
- քոլեջներ (բուհեր), Սոֆիայում և Սլիվենում,
- միջին մասնագիտացված ուսումնարաններ, Սոֆիայում և Պրավեցում,
- դեպարտամենտներ և կենտրոններ։
Գիտական կառուցվածք խմբագրել
Գիտական և կիրառական գործունեությունը կազմակերպվում է հետևյալ ստորաբաժանումներում՝
- Գիտահետազոտական սեկտոր, որն իր մեջ ներառում է 15 գիտահետազոտական և գիտակիրառական լաբորատորիա
- 5 փոքր ձեռնարկություններ՝ ԵՖՏՈՄ-ՅՈՆ, ԵՖՏՈՄ-ԽԻՄ, ՄՈԴ-ՄԱՆ, ՄՈՒՍԱՏ, ԵՄՆՄ
- Ուսումնական-փորձառական ձեռնարկություն (Ուսումնական գործարան)
Ծանոթագրություններ խմբագրել
Արտաքին հղումներ խմբագրել
Վիքիպահեստն ունի նյութեր, որոնք վերաբերում են «Սոֆիայի տեխնիկական համալսարան» հոդվածին։ |