Սուրեն Գասպարյան
- Վիքիպեդիայում կան հոդվածներ Գասպարյան ազգանունով այլ մարդկանց մասին։
- Անվան այլ կիրառումների համար տե՛ս՝ Սուրեն Գասպարյան (այլ կիրառումներ)
Սուրեն Աշոտի Գասպարյան (փետրվարի 10, 1932[1], Մոսկվա, ԽՍՀՄ - նոյեմբերի 4, 2005[1], Մոսկվա, Ռուսաստան), հայ վիրաբույժ։ Բժշկական գիտությունների դոկտոր (1967), պրոֆեսոր (1968)։ ՌԴ գիտության վաստակավոր գործիչ։ ԽՍՀՄ-ում բժշկական և կենսաբանական կիբեռնետիկայի հիմնադիրն է։
Ծնվել է | փետրվարի 10, 1932[1] |
---|---|
Ծննդավայր | Մոսկվա, ԽՍՀՄ |
Մահացել է | նոյեմբերի 4, 2005[1] (73 տարեկան) |
Մահվան վայր | Մոսկվա, Ռուսաստան |
Քաղաքացիություն | ԽՍՀՄ և Ռուսաստան |
Կրթություն | Ռուսաստանի ազգային հետազոտական բժշկական համալսարան (1957) |
Մասնագիտություն | վիրաբույժ |
Կոչում | պրոֆեսոր |
Գիտական աստիճան | բժշկական գիտությունների դոկտոր |
Ծնողներ | հայր՝ Աշոտ Գասպարյան |
Պարգևներ |
Ուրոլոգ Աշոտ Գասպարյանի որդին։
Կենսագրություն խմբագրել
Սուրեն Գասպարյանը ծնվել է 1932 թվականին Մոսկվայում։ 1957 թվականին ավարտել է Մոսկվայի 2-րդ բժշկական ինստիտուտը։ 1963 թվականին պաշտպանել է թեկնածուական թեզ, 1967 թվականին՝ դոկտորական և դարձել Մոսկվայի 2-րդ բժշկական ինստիտուտի ուսումնական գծով պրոռեկտոր։ 1968 թվականին Մոսկվայի 2-րդ բժշկական ինստիտուտում ստեղծել է հաշվողական կենտրոն, 1969 թվականին Մոսկվայի 2-րդ բժշկական ինստիտուտում ստեղծել է կիբեռնետիկայի բաժին, 1973 թվականին՝ նույնանուն բաժանմունք։ 1974 թվականից՝ բժշկական և կենսաբանական կիբեռնետիկայի ամբիոնի հիմնադիր-վարիչ, 1974-1976 թվականներին՝ բժշկակենսաբանական ֆակուլտետի դեկան, 1974 թվականից՝ ՌԴ առողջապահության նախարարության գիտաբժշկական խորհրդին կից բժշկական կիբեռնետիկայի և հաշվողական տեխնիկայի խորհրդի նախագահ, 1977-1985 թվականներին՝ ՌԽՖՍՀ առողջապահության նախարարության Հանրապետական տեղեկատվական հաշվողական կենտրոնի տնօրեն, 1994 թվականից՝ Տեղեկատվայնացման միջազգային ակադեմիայի բժշկական տեղեկատվություն բաժանմունքի նախագահ[2]։
300 գիտական աշխատությունների, այդ թվում 5 մենագրության հեղինակ է։ Աշխատանքները վերաբերում են փորձարարական վիրաբուժության, ուռուցքաբանության և ուրոլոգիայի հարցերին[3]։
Մահացել է 2005 թվականի նոյեմբերի 4-ին երկարատև ծանր հիվանդությունից հետո։ Թաղված է Մոսկվայի Վվեդենսկոյե գերեզմանատան 18-րդ հատվածում[4]։
Ծանոթագրություններ խմբագրել
- ↑ 1,0 1,1 1,2 1,3 1,4 http://am.hayazg.info/index.php?curid=5863
- ↑ «РНИМУ им. Н.И. Пирогова - О кафедре». rsmu.ru. Վերցված է 2017 թ․ մայիսի 12-ին.(չաշխատող հղում)
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ «Могилы врачей _ Гаспарян Сурен Ашотович (1932-2005)основатель российской школы медицинской кибернетики,академик». mednecropol.ru. Վերցված է 2017 թ․ մայիսի 12-ին.