«Սոչի», ռուսական համանուն քաղաքի ֆուտբոլային ակումբ։ Ստեղծվել է 2018թ. հուլիսի 4-ին։ Տնային հանդիպումները անց է կացնում «Ֆիշտ» մարզադաշտում։ 2019թ. հուլիսից հանդես է գալիս ռուսական Պրեմիեր լիգայում։
Ակումբը ստեղծվել է 2018թ. հուլիսի 4-ին[1]։ 2017/2018 մրցաշրջանի ավարտից հետո հայտնվեց ինֆորմացիա՝ Սանկտ-Պետերբուրգի «Դինամո» ակումբի հնարավոր Սոչի տեղափոխման մասին։ Հունիսի 15-ին «Դինամո»-ի խաղացողները սկսեցին վերակնքել պայմանագրերը նորաստեղծ «Սոչի»-ի հետ։
Մինչև դեբյուտային մրցաշրջանի սկսվելը ակումբը անց է կացրել 5 ընկերական խաղ՝ Ռուստաստանի, Ղազախստանի և Ուզբեկստանի ակումբների հետ։ Առաջին մրցակիցը ԱԳՄԿ Ալմալիկն էր (1:0)[2]։
Առաջին պաշտոնական խաղերը ակումբն անց էր կացնում Սլավա Մարտելի անվան Կենտրոնական մարզադաշտում, որովհետև «Ֆիշտ» մարզադաշտը 2018թ. Աշխարհի Առաջնությունից հետո դեռևս պատրաստ չէր ընդունել խաղեր[3]։
Հուլիսի 17-ին մրցաշրջանի առաջին խաղում ՖԱ «Սոչի»-ին տան դաշտում պարտվեց մոսկովյան «Սպարտակ 2»-ին 1:0 հաշվով[4]։ Երկրորդ խաղաշրջանում ակումբին հաջողվեց տանել առաջին հաղթանակը պաշտոնական խաղերում՝ 2:1 հաշվով առավելության հասնելով «Ֆակել»-ի նկատմամբ[5][6]։ Առաջին երեք հյուրընկալված խաղերում «Սոչի»-ն պարտություն չկրեց և վաստակեց 5 միավոր։ Ձմեռային դադարից հետո թիմը սկսեց հաջող հանդես գալ և նույնիսկ հայտնվեց Ֆուտբոլի Ազգային Լիգայի առաջին հորիզոնականում, իսկ «Շիննիկ»-ի հետ խաղում ոչ-ոքիից հետո հայտնվելով երկրորդ հորիզոնականում ակումբը ապահովեց տեղը Պրեմյեր-Լիգայում 2019-2020 մրցաշրջանի համար։ Մրցաշրջանի ավարտից հետո մի քանի ֆուտբոլիստ տեղափոխվեցին «Սոչի»` «Զենիթ»-ում քիչ խաղաժամանակ ստանալու պատճառով։ Պատմության մեջ Պրեմիեր-Լիգայի շրջանակներում իր առաջին հանդիպման ժամանակ ակումբը պարտվեց մոսկովյան «Սպարտակ»-ին՝ գնդակ բաց թողնելով միակ գոլը մրցավարի կողմից ավելացված ժամանակում։ Ակումբի առաջին գոլը Պրեմիեր-Լիգայում խփել է Դմիտրի Պոլոզը։ Մրցակցի դաշտում առաջին հաղթանակը թիմը տարել է 8-րդ խաղաշրջանում «Ռուբին»-ի նկատմամբ՝ 3:0 հաշվով։ Իսկ տան դաշում առաջին հաղթանակը տարել է «Ախմատ»-ի նկատմամբ 2:0 հաշվով՝ 11-րդ տուրում։
Խորհրդանիշը ընտրվել է 2018թ. հուլիսի 4-ին ՝ «Վկոնտակտե» սոցցանցում՝ պաշտոնական քվեարկությամբ։ Այն իրենից ներկայացնում է եռանկյունաձև սուրանկյուն մուգ կապույտ վահան՝ դեղնա-մոխրագույն եզրավորումով, որի վերևի մասում գտնվում է գտնվում է ակումբի խորհրդանիշը՝ հովազը։ Կենտրոնում գտնվում է «ՖՈՒՏԲՈԼԱՅԻՆ ԱԿՈՒՄԲ Սոչի» գրառումը, իսկ ներքևում արծաթագույն ֆուտբոլային գնդակն է։ Խորհրդանիշը նման է «Սոչի» հոկեյի ակումբի խորհրդանիշին։
Սոչի
Երկրորդ տեղ
Nike
Վլադիմիր Ֆեդոտով - գլխավոր մարզիչ