Սոճազգիներ

Սոճազգիներ
Գիտական դասակարգում
Թագավորություն Բույսեր
Լատիներեն անվանում
Pinaceae
Դասակարգումը Վիքիցեղերում Պատկերներ Վիքիպահեստում

Սոճազգիներ (լատին․՝ Pinaceae), բույսերի ասեղնատերևավորների կարգի ընտանիք՝ մշտադալար ծառեր և հազվագյուտ թփեր։ Կոները ունեն թեփուկներ, որոնք դասավորված են պարուրաձև, իգական կոներում սերմային և ծաղկող թեփուկները առանձնացված են և լավ արտահայտված։ Փոշեհատիկները օդային պարկեր ունեն, տերևները ասեղանման են։

Տեսակներ

Սոճազգիների ընտանիքը չափազանց հարուստ է տեսակներով։ Նրա կազմի մեջ են մտնում 9 ցեղ, 227 տեսակ, որից՝ 100 սոճի, 45 եղևնի, 20 խեժափիճի, 4 մայրի, 2 կեթելերիա, 6 կեղծթսուգա և 1 կեղծխեժափիճի։

Սոճազգիների ընտանիքի ներկայացուցիչները կարող են բաժանվել երկու խմբի։ Մի խմբին պատկանում են այն ցեղերը, որոնք ունեն միայն երկարացված ընձյուղներ և ասեղնատերևներ, որոնք դասավորված են մեկական։ Այս խմբին են պատկանում՝

• Եղևնին,
• Եղևինը։

Երկրորդ խմբին են պատկանում այն ցեղերը, որոնք սովորական ընձյուղներից բացի ունեն նաև կարճացած ընձյուղներ, իսկ ասեղնատերևները դասավորված են մեկական, զույգերով, փնջերով՝ կարճացած ընձյուղների վրա։ Այս խմբին են պատկանում՝

• Սոճին,
• Խեժափիճին,
• Մայրին։

Տարածված են

Այս ընտանիքի ցեղերն ու տեսակները ասեղնատերև անտառներ են առաջացնում հյուսիսային կիսագնդում և բոլորովին չեն հանդիպում հարավային կիսագնդում։ Դրանցից մի քանիսը հանդիպում են արևադարձային շրջանների բարձրլեռնային գոտիներում։