Սյունյաց թեմ
Հայ առաքելական եկեղեցու թեմ
Հայ Առաքելական Եկեղեցու Սյունյաց թեմ, Հայ Առաքելական Եկեղեցու գործող թեմերից մեկն, որը ընդգրկում է Հայաստանի Սյունիքի մարզի տարածքը։
| Սյունյաց թեմ | |
|---|---|
 | |
| Երկիր |  Հայաստան |
| Մարզ | Սյունիքի մարզ |
| Վարչկենտրոն | Գորիս |
| Առաջնորդ | Տեր Մակար վարդապետ Հակոբյան |
Պատմություն խմբագրել
Վայոց թեմի առանձնացում խմբագրել
Գարեգին Բ Կաթողիկոսի օրհնությամբ 2010 թվականի դեկտեմբերի 10-ին Հայաստանում հիմնվել են երկու նոր թեմեր՝ Վայոց թեմը և Տավուշի թեմը[1]։
Այս կապակցությամբ, Հայրապետական կոնդակում, մասնավորապես, ասվում է.
|
Այսօր, երբ Հայրենի մեր երկրում վեր են հառնում խոնարհված աղոթավայրերը, կառուցվում են նոր եկեղեցիներ, ստեղծվել են նոր համայնքներ ու ծուխեր, հրամայական է դառնում նաև եկեղեցավարչական նոր կառույցների հաստատումը։ Հայրապետական այս Կոնդակով Վայոց ձորի մարզի եկեղեցական համայնքներն առանձնացնում ենք Սյունյաց թեմի կազմից, Տավուշի մարզի եկեղեցական համայնքները` Գուգարաց թեմի կազմից և հռչակում ենք ստեղծումը Վայոց թեմի` առաջնորդանիստ Եղեգնաձոր քաղաքով, և Տավուշի թեմի` առաջնորդանիստ Իջևան քաղաքով[1] | 
|
Վայոց թեմի առաջնորդի պաշտոնում ծառայության է կոչվել Տ. Աբրահամ եպիսկոպոս Մկրտչյանը՝ ազատվելով Սյունյաց թեմի առաջնորդի պաշտոնից։ Սյունյաց թեմի Սյունիքի փոխառաջնորդ Տ. Զավեն աբեղա Յազիչյանը, ազատվելով իր պաշտոնից, նշանակվել է նույն թեմի Առաջնորդական տեղապահ։ Իսկ Գուգարաց թեմի Տավուշի փոխառաջնորդ Տ. Թորգոմ վարդապետ Տոնիկյանը ծառայության է կոչվել Տավուշի թեմում՝ որպես Առաջնորդական տեղապահ[1]։