Սերժանտ Ջոյս Կիլմերի եռանկյունի
Սերժանտ Ջոյս Կիլմերի եռանկյունի (անգլ.՝ Sgt. Joyce Kilmer Triangle), հասարակական այգի Բրուքլինում։ Տարածքը կազմում է 4 մ². Նյու Յորքի ամենափոքր այգին է Լյուկ Լանգ Սքվերի հետ միասին[1][2]:
Սերժանտ Ջոյս Կիլմերի եռանկյունի
անգլ.՝ Sgt. Joyce Kilmer Triangle | |
---|---|
Տեսակ | հասարակական այգի |
Երկիր | ԱՄՆ |
Վարչատարածք | Բրուքլին |
Հիմնվել է | 1934 թվական |
Մակերես | 4 ± 1 քառակուսի մետր |
Կոչվել է ի պատիվ ամերիկացի գրող Ջոյս Կիլմերի (անգլ.՝ Joyce Kilmer), որը զոհվել է Առաջին համաշխարհային պատերազմում[3]:
Ջոյս Կիլմեր խմբագրել
Ալֆրեդ Ջոյս Կիլմերը ծնվել է Նյու Ջերսի նահանգի Նյու Բրանսուիկ քաղաքում։ Ռատգերսի նաապատրաստական դպրոցն ապարտելուց հետո ընդունվել է Ռատգերսի քոլեջ (ներկայում՝ Ռատգերս համալսարան), որտեղից հետագայում տեղափոխվել է Կոլումբիայի համալսարան, որտեղ 1908 թվականին ստացել է արվեստի բակալավրի կոչում։ 1909 թվականին Ջոյս Կիլմերն աշխատանքի է տեղավորվել որպես բառարանի խմբագիր։ Երեք տարի անց նա դարձել է անգլիկան եկեղեցու կողմից հրատարակվող The Churchman թերթի գրական խմբագիր։ Դրանից մեկ տարիա անց՝ 1913 թվականին, Ջոյս Կիլմերն իր կարիերան աշխատանքի է անցել The New York Times-ում։ Նույն թվականին նա գրել է «Ծառեր» (անգլ.՝ Trees) քնարական պոեմը, որ նրան մեծ ճանաչում է բերել երկրում։
1917 թվականին Ջոյս Կիլմերը, լինելով ընտանիքի միակ կերակրողը և իրավունք ունենալով չզորակոչվել, կամավոր դարձել է հետևակ զինվոր։ Ռազմաճակատում նա կարճ ժամանակ անց ստացել է սերժանտի կոչում։ Կիլմերը տեղափոխվել է ծառայելու ռազմական հետախուզությունում, բայց շարունակել է գրական գործունեությունը և պարբերաբար հոդվածներ է գրել Stars and Stripes ռազմական շաբաթաթերթի համար։ 1918 թվականի հուլիսի 30-ին Մառնի ճակատամարտում Ջոյս Կիլմերը զոհվել է դիպուկահարի կրակոցից։ Ըստ այդ ժամանակվա մի շարք պարբերականների՝ Ջոյս Կիլմերը եղել է 20-րդ դարի սկզբի լավագույն հրապարակախոսների շարքում[4]:
Այգու պատմություն խմբագրել
Սքվերն առաջացել է նրա շուրջը գտնվող փողոցների վերանախագծման արդյունքում։ Այն Ջոյս Կիլմերի պատվին կոչելու գաղափարը եղել է դեռ 1920 թվականին։ Այգու կարգավիճակ տարածքին տրվել է 1934 թվականին։ Մեկ տարի անց այն ստացել է իր ներկայիս անվանումը։ Եռանկյունու արևմտյան կողմում՝ արևմտյան 12-րդ փողոցի կողմից, տեղակայված է դրոշաձող։ Նստարանների շարքերի երկայքով տնկվել են կաղնիներ, որոնք իր պոեմում գովերգել է Կիլմերը։ Սքվերի մյուս կողմում տնկված են ծաղիկներ ու թփեր[5]:
Ծանոթագրություններ խմբագրել
- ↑ Tatiana Schlossberg (2015 թ․ ապրիլի 7). «New York Today: Striving for Success» (անգլերեն). The New York Times. Վերցված է 2016 թ․ հոկտեմբերի 25-ին.
- ↑ «New York City's 20 tiniest parks, mapped - Joyce Kilmer Triangle» (անգլերեն). Curbed NY. Վերցված է 2016 թ․ հոկտեմբերի 22-ին.
- ↑ Robert Schmuhl Ireland's Exiled Children: America and the Easter Rising. — Oxford University Press, 2016. — P. 72. — 224 p. — ISBN 0190224290
- ↑ Михаил Соболев. «Треугольник Джойса Килмера». Русский базар. Վերցված է 2016 թ․ հոկտեմբերի 24-ին.
- ↑ «Sgt. Joyce Kilmer Triangle» (անգլերեն). New York City Department of Parks & Recreation. Վերցված է 2016 թ․ հոկտեմբերի 24-ին.
Գրականություն խմբագրել
- Leonard Benardo, Jennifer Weiss Brooklyn by Name: How the Neighborhoods, Streets, Parks, Bridges, and More Got Their Names. — NYU Press, 2006. — P. 172. — 209 p. — ISBN 0814799450