Վիքիպեդիա

Սերդար Ազմուն

Սերդար Խալիլ Ազմուն (պարս.՝ سردار آزمون, հունվարի 1, 1995(1995-01-01)[1], Գոմբեդե Կավուս, Մազանդարան, Իրան), իրանցի ֆուտբոլիստ, Սանկտ Պետերբուրգի «Զենիթ» ակումբի և Իրանի հավաքականի հարձակվող։

Սերդար Ազմուն
պարս.՝ سردار آزمون
Անձնական տվյալներ
Քաղաքացիությունը  Իրան
Ծննդյան ամսաթիվ հունվարի 1, 1995(1995-01-01)[1] (29 տարեկան)
Ծննդավայր Գոմբեդե Կավուս, Մազանդարան, Իրան
Հասակ 183 սանտիմետր
Քաշ 79 կիլոգրամ
Դիրք հարձակվող
Ակումբային տեղեկություններ
Ներկա ակումբ Ռուսաստան Զենիթ (Սանկտ Պետերբուրգ)
Համար 7
Պատանեկան կարիերա
2004-2008 Իրան Օգաբ Գոմբեդե
2008-2009 Իրան Շամուշակ Գորգան
2009-2010 Իրան Էտկա Գորգան
2010-2012 Իրան Սեպահան
2013 Ռուսաստան Ռուբին
Մասնագիտական կարիերա*
Տարի Ակումբ Խաղ (Գոլ)
2013-2016 Ռուսաստան Ռուբին 27 (5)
2015-2016 → Ռուսաստան Ռոստով 36 (13)
2016-2017 Ռուսաստան Ռոստով 27 (7)
2017-2018 Ռուսաստան Ռուբին 40 (9)
2019—մ.հ. Ռուսաստան Զենիթ (Սանկտ Պետերբուրգ) 12 (9)
Ազգային հավաքական‡
2009-2011 Իրան Իրան (մինչև 17) 9 (6)
2011-2013 Իրան Իրան (մինչև 20) 18 (19)
2012 Իրան Իրան (մինչև 21) 6 (7)
2015-2018 Իրան Իրան (մինչև 23) 4 (4)
2014—մ.հ. Իրան Իրան 46 (28)

* Մասնագիտական կարիերայում ընդգրկված են միայն առաջնության խաղերը և գոլերը 
ըստ 27.05.2019:

‡ Ազգային հավաքականի խաղերն ու գոլերը ըստ 28.01.2019

Ակումբային կարիերա խմբագրել

 
Ազմունը «Ռոստովի» կազմում

Ֆուտբոլով զբաղվել սկսել է ինը տարեկանում։ 11 տարեկան հասակում առաջին անգամ հրավիրվել է Իրանի մինչև 12 տարեկանների հավաքական։

Ազմունը 15 տարեկանում սկսել է խաղալ Սպահանի «Սեպահան» ակումբում, որը հանդես էր գալիս Իրանի առաջնության բարձրագույն լիգայում։ 2012 թվականի դեկտեմբերին 17-ամյա Ազմունը տեղափոխվել է Կազանի «Ռուբինի» կազմ՝ դառնալով ակումբի երկրորդ իրանցին նույն թվականի հունվարին ակումբի հետ պայմանագիր կնքած դարպասապահ Ալիրեզա Հագիգիից հետո[2]։ Ազմունը դարձել է իրանցի ամենաերիտասարդ խաղացողը պատմության մեջ, որ հանդես է եկել արտասահմանյան ակումբի կազմում[3]։

Առաջին պաշտոնական խաղը «Ռուբինի» կազմում անցկացրել է 2013 թվականի հուլիսի 25-ին՝ մասնակցելով Եվրոպայի լիգայի շրջանակներում անցկացված խաղին ընդդեմ Սերբիայի «Յագոդինա» ակումբի։ Օգոստոսի 29-ին Եվրոպայի Լիգայի՝ «Մոլդե» ակումբի դեմ խաղում դուրս է եկել փոխարինման և 84-րդ րոպեին աչքի է ընկել գոլով[4]։ 2013 թվականի հոկտեմբերի 6-ին կատարել է իր նորամուտը Ռուսաստանի առաջնությունում՝ դուրս գալով փոխարիման «Անժիի» դեմ տնային խաղի 73-րդ րոպեին[5] և երկրորդ խաղակեսի ավելացված ժամանակի երկրորդ րոպեին խփել իր առաջին գոլը «Ռուբինի» կազմում անցկացրած պաշտոնական խաղերում, ինչպես նաև վաստակել 11 մետրանոց[6][7]։

 
Ազմունը «Ռոստովի» կազմում

2015 թվականի փետրվարին մինչև մրցաշրջանի ավարտը վարձավճարով տեղափոխվել է «Ռոստով»[8], որտեղ իր նորամուտը կատարել է մարտի 8-ին «Լոկոմոտիվի» դեմ խաղում[9]։ Մարտի 16-ին խփել է առաջին գոլը «Ռոստովի» կազմում, որը դարձել է հաղթական «Կուբանի» դեմ խաղում[10]։ 2015 թվականի հուլիսին վարձավճարային նոր պայմանագիր է կնքել «Ռոստովի» հետ, որը նախատեսվել է մինչև 2015/16 մրցաշրջանի ավարտը[11]։ 2015/16 մրցաշրջանում թիմի հետ միասին նվաճել է Ռուսաստանի առաջնության արծաթե մեդալ։ Անցկացնելով 25 խաղ՝ խփել է 9 գնդակ[12]։

2016 թվականի ամռանը ինքնակամ հեռացել է «Ռուբինից» և մասնակցել է փորձնական խաղի «Ռոստովի» կազմում։ Հուլիսի 22-ին Լոզանի Մարզական ալբիտրաժային դատարանը որոշում է կայացրել «Ռոստովի» ակումբի և Ազմունի բողոքի հիման վրա ՌՖՄ-ի և ՌՖՊԼ-ի դեմ ժամանակավոր միջոցներ ձեռք առնելու վերաբերյալ ֆուտբոլիստին Ռոստովի ակումբի կազմում հայտագրելը մերժելու պատճառով։ Դատարանը «Ռոստովին» թույլ է տվել ֆուտբոլիստին ընդգրկել ընթացիկ մրցաշրջանի իր հայտացուցակում[13]։ Հուլիսի 25-ին Ազմունն ընդգրկվել է «Ռոստովի» հայտացուցակում՝ մասնակցելու Չեմպիոնների Լիգային[14]։

 
Սերդար Ազմունը «Զենիթի» կազմում, 2019 թվականի փետրվար

2019 թվականի փետրվարի 1-ին Ազմունը 3,5 տարով պայմանագիր է կնքել «Զենիթի» հետ. տրանսֆերի արժեքը կազմել է 12 միլիոն եվրո[15][16][17][18]։ «Զենիթի» կազմում իր նորամուտը կատարել է փետրվարի 12-ին՝ դուրս գալով փոխարինման Եվրոպայի Լիգայի 1/16 եզրափակչի առաջին խաղում ընդդեմ «Ֆեներբահչեի» (0:1)։ 2019 թվականի փետրվարի 21-ին պատասխան խաղում (3:1) առաջին անգամ խաղադաշտ է դուրս եկել հիմնական կազմում՝ կատարելով գոլային փոխանցում Մագոմեդ Օզդոևին և խփելով երկու գոլ[19][20]։ Փետրվարի 22-ին ճանաչվել է շաբաթվա ֆուտբոլիստ Եվրոպայի Լիգայում[21]։ Մարտի 2-ին ՊՖԼում նորամուտային՝ «Ուրալի» դեմ արտագնա խաղում Ազմունը խաղադաշտ է դուրս եկել մեկնարկային կազմում և խփել հաղթական գնդակը (1:0)[22]։ Մարտի 7-ին Եվրոպայի Լիգայի 1/8 եզրափակչի տնային խաղում ընդդեմ «Վիլյառեալի» աչքի է ընկել գոլով (1:3)։ Ապրիլի 24-ին Ռուսաստանի առաջնության խաղում Ազմունը գրավել է «Դինամոյի» դարպասը (2:0)։ Ապրիլի 28-ին Սամարայի «Կռիլյա Սովետով» ակումբի դեմ խաղում ձևակերպել է դուբլ և օգնել թիմին հաղթել (4:2)։

Կարիերան հավաքականում խմբագրել

 
Սերդար Ազմունն Իրանի հավաքականի կազմում

Հանդես է եկել (մինչև 20 տարեկան) Իրանի հավաքականում։ Նրա կազմում 2012 թվականին դարձել է Համագործակցության գավաթի լավագույն ռմբարկու (7 գոլ վեց խաղում)[2]։

2013 թվականի հոկտեմբերին առջին անգամ հրավիրվել է Իրանի ազգային հավաքական[23], որտեղ նորամուտը կատարել է 2014 թվականի մայիսի 26-ին Չեռնոգորիայի հավաքականի դեմ ընկերական խաղում՝ դուրս գալով փոխարինման հանդիպման 60-րդ րոպեին[24]։ 2014 թվականի նոյեմբերի 18-ին Կորեայի Հանրապետության դեմ ընկերական խաղի 68-րդ րոպեին խփել է առաջին գոլը հավաքականում[25]։

2015 թվականի հունվարին ընդգրկվել է հավաքականի հայտացուցակում՝ մասնակցելու 2015 թվականի Ասիայի գավաթի խաղարկությանը։ Բահրեյնի հավաքականի դեմ առաջին խաղում Ազմունը դուրս է եկել փոխարինման հանդիպման 75-րդ րոպեին և չի հասցրել ցույց տալ իրեն, բայց Իրանի հավաքականը հաղթել է 2:0 հաշվով[26]։ Իր խաղով ֆուտբոլիստը իրավունք է ստացել դուրս գալ Կատարի հավաքականի դեմ խաղի մեկնարկային կազմում, որտեղ գոլ է խփել 52-րդ րոպեին[27]՝ թիմին օգնելով դուրս գալ առաջնության փլեյ-օֆֆ[28][29]։

2018 թվականի հունիսի 28-ին Ազմունն Ինստագրամի իր էջում նշել է, որ դադարեցնում է ելույթները ազգային հավաքականում՝ հայտարարելով, թե քննադատությունը, որին ինքը ենթարկվում է, վատ է ազդում իր հիվանդ մոր վրա։ Սակայն 2018 թվականի աշնանը Ազմունը մեկնել է Իրանի հավաքականի մարզական ճամբար[30]։

2018 թվականի դեկտեմբերին ընդգրկվել է 2019 թվականի Ասիայի գավաթի խաղարկության հայտացուցակում։ Հունվարի 7-ին խմբային փուլի առաջին՝ Եմենի դեմ խաղում (5:0) աչքի է ընկել գոլով հանդիպման 53-րդ րոպեին։ Խմբային փուլի՝ Վիետնամի հավաքականի դեմ խաղի 38-րդ և 69-րդ րոպեներԱզմունի խփած գոլերը հաղթանակ են բերել թիմին «2:0»: 1/4 եզրափակչի՝ Չինաստանի դեմ խաղում (3:0) Ազմունը խփել է երկրորդ գոլը։

Ձեռքբերումներ խմբագրել

Ակումբային

  «Ռոստով»
  «Զենիթ»
  Իրանի հավաքական

Անձնական

  • Ընդգրկվել է Ռուսաստանի առաջնության 33 լավագույն ֆուտբոլիստների ցանկում – 2015/16

Ակումբային վիճակագրություն խմբագրել

2019 թվականի մայիսի 12-ի տվյալներով

Ելույթներ Առաջնություն Գավաթ[31] Եվրագավաթներ[32] Այլ[33] Ընդհանուր
Ակումբ Լիգա Մրցաշրջան Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր
  Ռուբին Պրեմիեր Լիգա 2013/14 14 4 1 0 2 1 0 0 17 5
2014/15 13 1 2 1 0 0 0 0 15 2
Ընդհանուր 27 5 3 1 2 1 0 0 32 7
  Ռոստով Պրեմիեր Լիգա 2014/15 11 3 0 0 0 0 1 1 12 4
2015/16 24 9 0 0 0 0 0 0 24 9
2016/17 27 7 0 0 14 5 0 0 41 12
Ընդհանուր 62 19 0 0 14 5 1 1 77 25
  Ռուբին Պրեմիեր Լիգա 2017/18 26 5 2 0 0 0 0 0 28 5
2018/19 14 4 3 1 0 0 0 0 17 5
Ընդհանուր 40 9 5 1 0 0 0 0 45 10
  Զենիթ Պրեմիեր Լիգա 2018/19 11 8 0 0 4 3 0 0 15 11
Ընդհանուր 11 8 0 0 4 3 0 0 15 11
Ամբողջ կարիերա 140 41 8 2 20 9 1 1 169 53

Ելույթներ հավաքականում խմբագրել

Ընդհանուր՝ 46 խաղ / 28 գոլ, 30 հաղթանակ, 12 ոչ-ոքի, 4 պարտություն

Անձնական կյանք խմբագրել

Ծնվել է վոլեյբոլիստների ընտանիքում։ Հայրը՝ վոլեյբոլիստ Խալիլ Ազմունը, հանդես է եկել Իրանի հավաքականում, քույրը նույնպես խաղացել է Իրանի վոլեյբոլի հավաքականում, մայրը եղել է վոլեյբոլի մարզիչ[34]։ Ունի թուրքմենական արմատներ[35]։

Ծանոթագրություններ խմբագրել

  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 «Рубин подписал Сердара Азмуна». Sport.ua. 2012 թ․ դեկտեմբերի 12. Արխիվացված է օրիգինալից 2013 թ․ սեպտեմբերի 6-ին. Վերցված է 2013 թ․ օգոստոսի 13-ին.
  3. ↑ «Inter Milan, Benfica and Rubin Kazan are waiting for the youngest Legionnaire of Iran's Football». Persian League. 2012 թ․ դեկտեմբերի 7. Արխիվացված է օրիգինալից 2013 թ․ սեպտեմբերի 6-ին. Վերցված է 2013 թ․ օգոստոսի 13-ին.
  4. ↑ «Рубин-Мольде 3:0 — онлайн трансляция матча». Чемпионат.com. 2013 թ․ օգոստոսի 29. Արխիվացված է օրիգինալից 2013 թ․ սեպտեմբերի 15-ին. Վերցված է 2013 թ․ օգոստոսի 29-ին.
  5. ↑ «Рубин — Анжи». Արխիվացված է օրիգինալից 2018 թ․ հուլիսի 1-ին. Վերցված է 2019 թ․ հունիսի 14-ին.
  6. ↑ «Рубин — Анжи». Արխիվացված է օրիգինալից 2013 թ․ հոկտեմբերի 9-ին. Վերցված է 2019 թ․ հունիսի 14-ին.
  7. ↑ «Пять залпов по «Анжи»». Արխիվացված է օրիգինալից 2014 թ․ մարտի 1-ին. Վերցված է 2019 թ․ հունիսի 14-ին.
  8. ↑ Нападающий ФК «Рубин» Азмун перешел в «Ростов» на правах аренды
  9. ↑ «Ростов-Локомотив». Արխիվացված է օրիգինալից 2018 թ․ հուլիսի 1-ին. Վերցված է 2019 թ․ հունիսի 14-ին.
  10. ↑ «Ростов» одержал первую победу под руководством Бердыева, выиграв у «Кубани»
  11. ↑ ««Ростов» взял Азмуна в аренду с правом выкупа».
  12. ↑ «Ростов» победил «Урал» и выступит в Лиге чемпионов
  13. ↑ «CAS разрешил Ростову заявить Азмуна».
  14. ↑ «Курбан Бердыев, Азмун и Ковалев внесены в заявку команды на Лигу чемпионов». Արխիվացված է օրիգինալից 2019 թ․ հունիսի 19-ին. Վերցված է 2019 թ․ հունիսի 14-ին.
  15. ↑ «Спасибо за всё, Сердар! Азмун покидает «Рубин»». Официальный сайт ФК «Рубин» (Казань). 1.02.2019. Վերցված է 2019 թ․ փետրվարի 2-ին.
  16. ↑ «Сердар Азмун переходит в «Зенит»!». Официальный сайт ФК «Зенит» (Санкт-Петербург). 1.02.2019. Վերցված է 2019 թ․ փետրվարի 2-ին.
  17. ↑ «Почти 3 млн подписчиков в инстаграме и 8 очков по системе «гол+пас». Всё что нужно знать о Сердаре Азмуне». Официальный сайт ФК «Зенит» (Санкт-Петербург). 2.02.2019. Վերցված է 2019 թ․ փետրվարի 2-ին.
  18. ↑ «Лидерство в сборной Ирана, карьера под руководством Бердыева и другие факты о Сердаре Азмуне». Официальный сайт ФК «Зенит» (Санкт-Петербург). 2.02.2019. Վերցված է 2019 թ․ փետրվարի 2-ին.
  19. ↑ ««Зенит» — «Фенербахче»: петербуржцы побеждают и выходят в следующий раунд Лиги Европы УЕФА». Официальный сайт ФК «Зенит» (Санкт-Петербург). 21.02.2019. Վերցված է 2019 թ․ փետրվարի 22-ին.
  20. ↑ «Сердар Азмун стал лучшим игроком недели в Лиге Европы УЕФА». Официальный сайт ФК «Зенит» (Санкт-Петербург). 22.02.2019. Վերցված է 2019 թ․ փետրվարի 22-ին.
  21. ↑ «Азмун признан лучшим игроком недели в Лиге Европы». Чемпионат. 2019 թ․ փետրվարի 22. Վերցված է 2019 թ․ մարտի 14-ին.
  22. ↑ «Футбольный матч Урал - Зенит, 02 марта 2019, Российская Премьер-Лига обзор, счет, видео голов футбольного матча Урал - Зенит» (ռուսերեն). fc-zenit.ru. Վերցված է 2019 թ․ մարտի 2-ին.
  23. ↑ Форвард «Рубина» впервые вызван в сборную Ирана
  24. ↑ Черногория-Иран
  25. ↑ Первый гол Азмуна за сборную Ирана стал победным в матче с Южной Кореей
  26. ↑ Азмун поучаствовал в победе сборной Ирана над Бахрейном на Кубке Азии
  27. ↑ Кейруш: в эпизоде с голом Азмун действовал на уровне лучших форвардов мира
  28. ↑ Гол Сердара Азмуна принёс победу сборной Ирана над Катаром
  29. ↑ Нападающий «Рубина» Азмун принес победу сборной Ирана на Кубке Азии
  30. ↑ Азмун вернулся в сборную Ирана
  31. ↑ Ռուսաստանի գավաթ
  32. ↑ ՈՒԵՖԱ Եվրոպայի լիգա, ՈՒԵՖԱ Չեմպիոնների լիգա։
  33. ↑ ՌՖՊԼ-ՖԱԼ փլեյ-օֆֆի խաղեր։
  34. ↑ Дар Сердара Արխիվացված 2013-10-19 Wayback Machine
  35. ↑ Курбан Бердыев: «Вы задаете вопросов больше, чем следователь вчера…» Часть 2-я
 Վիքիպահեստն ունի նյութեր, որոնք վերաբերում են «Սերդար Ազմուն» հոդվածին։
Ստացված է «https://hy.wikipedia.org/w/index.php?title=Սերդար_Ազմուն&oldid=9618481» էջից