Սամարսկիտ

Սամարսկիտ, օքսիդների խմբի միներալ, տանտալանիոբատային հազվագյուտ հողային տարր, մոտավոր քիմիական բանաձևը՝ (Y, Ս, Fe)2 (Nb, Ti, Ta)2 06։ Հանդիպում է մի շարք տարբերակներով։ Բյուրեղային համակարգը ռոմբային է։ Առաջացնում է զուգահեռանիստ բյուրեղներ, անկանոն հատիկներ ու կուտակումներ։ Գույնը՝ թավշային սև, վառ ձյութային փայլով։ Կարծրությունը՝ 5-6, խտությունը՝ 5600—5800 կգ/մ3։ Սամարսկիտի ուղեկիցներն են մոնացիտը, ցիրկոնը, ուրանինիտը, կոլումբիտը, մագնետիտը, տոպազը բերիլը և այլն։ Ուրանի հանքանյութ է։ Սովորաբար տարածված է գրանիտային պեգմատիտներում։

Սամարսկիտ
Ընդհանուր
Կատեգորիա	միներալների տեսակ
Բանաձև (կրկնվող միավորը)	(Y,Ce,U,Fe,Nb)(Nb,Ta,Ti)O₄
Նիկել-Շտրունցի դասակարգում	4.DB.25
Շերտի գույն	շագանակագույն
Բյուրեղային համակարգ	շեղանկյուն բյուրեղային համակարգ
Ենթակատեգորիա	samarskite mineral group?

Ծանոթագրություններ

Վիքիպահեստն ունի նյութեր, որոնք վերաբերում են «Սամարսկիտ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 156)։