Սահմանային կետ

Սահմանային կետ (խտացման կետ կամ կուտակման կետ) բազմության, $a$ կետը կոչվում է $E$ բազմության սահմանային կետ, եթե $E$-ում կան $a$-ին ցանկացած չափով մոտ կետեր, այսինքն՝ եթե $a$ կետի ցանկացած $\epsilon$ շրջակայքում, որքան էլ $\epsilon >0$ թիվը փոքր վերցնենք, կա $E$ բազմությանը պատկանող և $a$-ից տարբեր կետ, որից հետևում է, որ կան անվերջ շատ կետեր։ $a$ կետն ինքը կարող է պատկանել կամ չպատկանել $E$ բազմությանը։ Սահմանային կետ անվանում են նաև բազմության խտացման կետ կամ կուտակման կետ։ $E$-ն կարող է լինել թվերի կամ կետերի բազմություն՝ էվկլիդեսյան, որևէ մետրիկական կամ տոպոլոգիական տարածությունում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 145)։