Ռոդրիգո Պալասիո

Ռոդրիգո Պալասիո (փետրվարի 5, 1982(1982-02-05)^[…], Բաիա Բլանկա, Բուենոս Այրես, Արգենտինա), արգենտինացի հարձակվող, որը հանդես է գալիս Ինտերի և Արգենտինայի ազգային հավաքականում։

Ռոդրիգո Պալասիո իսպ.՝ Rodrigo Palacio
Անձնական տվյալներ
Ամբողջական անուն	Ռոդրիգո Պալասիո
Ազգությունը	արգենտինացի
Քաղաքացիությունը	Արգենտինա
Ծննդյան ամսաթիվ	փետրվարի 5, 1982 (42 տարեկան)
Ծննդավայր	Բայա-Բլանկա, Արգենտինա
Հասակ	175 սմ
Քաշ	70 կիլոգրամ
Դիրք	Հարձակվող
Ակումբային տեղեկություններ
Ներկա ակումբ	Ինտեր
Համար	8
Մասնագիտական կարիերա*
Տարի	Ակումբ	Խաղ	(Գոլ)
2002-2003 2003-2004 2004-2009 2009-2012 2012	Տրես-Արրոյս Բանֆիլդ Բոկա Խունիորս Ջենովա Ինտեր	53(15) 66(11) 175(72) 90(35) 98(37)
Ազգային հավաքական
2005-	Արգենտինայի ՖԱՀ	44(13)
* Մասնագիտական կարիերայում ընդգրկված են միայն առաջնության խաղերը և գոլերը:

Կարիերա

Մանկապատանեկան կարիերա

Ռոդրիգոն փոքր տարիքից սկսել է իր ֆուտբոլային կարիերան հայրենի Բելյա Վիստա ակումբում, ապա 2002 թվականին նա տեղափոխվել է Տրես-Արրոյս թիմ։ Իսկ արդեն 2003 թվականից սկսվել է նրա պրոֆեսիոնալ կարիերան, նրա առաջին թիմը եղել է Բանֆիլդը որտեղ նա խաղացել է 2003-2005 թվականներին։

Բոկա Խունիորս

2005 թվականին Ռոդրիգոն Բանֆիլդից տեղափոխվում է երկրի ուժեղագույն թիմերից մեկը՝ Բոկա Խունիորսը։ Հենց այնտեղ խաղալու տարիներին նա հրավիրվում է նաև ազգային հավաքական, որտեղ իր դեբյուտը նշում է 2005 թվականի մարտին՝ խաղալով Մեքսիկայի ազգային հավաքականի դեմ։ Բոկա Խունիորսի հետ Ռոդրիգոն նվաճեց Ռեկոպան՝ 2005, 2006 և 2008 թվականներին, դարձավ Հարավամերիկյան գավաթի գավաթակիր՝ 2005 թվականին և նվաճեց երկրի չեմպիոն տիտղոսը 2005, 2006 և 2008 թվականներին։

Ջենովա

2009 թվականի հուլիսին Ռոդրիգոն դառնում է իտալական Ջենովայի ֆուտբոլիստ, որը արգենտինացու համար վճարել էր 5 միլիոն դոլլար։ Իր դեբյուտային հանդիպումը Ա սերիայում անցկացրել է 2009 թվականի օգոստոս 23-ին մրցելով իտալական Ռոմայի դեմ։ 2011 թվականի սեպտեմբերին նա երկարաձգեց իր պայմանագիրը Ջենովայի հետ մինչև 2014 թվականի հունիսի 30-ը։

Ինտեր

2012 թվականի ամռանը միլանյան Ինտերը 10.5 միլիոն եվրոյով գնեց Ռոդրիգոյի տրանսֆերը։ Նա իր առաջին հանդիպումը միլանյան ակումբի կազմում անցկացրեց 2012 թվականին խորվաթական Հայդուկայի դեմ։ Իսկ առաջին գոլը թիմի կազմում հեղինակել է ռումինական Վասլուայի դեմ խաղում։

Ազգային հավաքական

Պալասիոն մասնակցել է Գերմանիայում տեղի ունեցած 2006 թվականի աշխարհի առաջնությանը, որտեղ թիմը հասավ մինչև 1/4 եզրափակիչ։ Պալասիոն 2007 թվականին թիմի հետ դարձավ Լիբերտադորասի գավաթի հաղթող և նաև Ամերիկյան գավաթի փոխչեմպիոն։

Ձեռքբերումներ

Ռեկոպայի գավաթակիր 2005, 2006, 2008

Հարավամերիկյան գավաթի գավաթակիր 2005

Արգենտինայի չեմպիոն 2005, 2006, 2008

Լիբերտադորասի գավաթակիր 2007

Ամերիկյան գավաթի փոխչեմպիոն 2007

Արտաքին հղումներ

• Պալասիոյի պրոֆիլը Ինտերի պաշտոնական կայքում

Ծանոթագրություններ

Վիքիպահեստն ունի նյութեր, որոնք վերաբերում են «Ռոդրիգո Պալասիո» հոդվածին։