Ջուհի Չավլա

Ջուհի Չավլա (հինդի՝ जूही चावला, ծնվ. նոյեմբերի 13, 1967(1967-11-13), Ամբալա, Հարյանա, Հնդկաստան), հնդիկ դերասանուհի, մոդել, պրոդյուսեր և պարուհի։ Նկարահանվում է հինդի, փենջաբի, մալայալամ, կաննադա, թամիլերեն, տելուգու և բենգալերեն լեզուներով ֆիլմերում։

Ջուհի Չավլա
Ծնվել է	նոյեմբերի 13, 1967(1967-11-13) (56 տարեկան)
Ծննդավայր	Ամբալա, Հարյանա, Հնդկաստան
Կրթություն	Ֆոնտ Կոնվենտ դպրոց և Սիդենհամ քոլեջ
Քաղաքացիություն	Հնդկաստան
Կրոն	հինդուիզմ
Մասնագիտություն	դերասանուհի, մոդել, կինոպրոդյուսեր, գեղեցկության մրցույթի մասնակից և կինոդերասանուհի
Ամուսին(ներ)	Ջայ Մեհտա
Պարգևներ և մրցանակներ	Filmfare Awards

Կենսագրություն

Ջուհի Չավլան ծնվել է Հարյանա նահանգում գտնվող Ամբալա քաղաքում։ Նրա ծնողները պետական ծառայողներ էին։ Նախնական կրթությունն ստացել է Հիսուսի և Մարիամի վանական համալիրին կից J.J. Montessori դպրոցում, իսկ հետո ավարտել է Մումբայի Sydenham College քոլեջը։ Մանկուց երազել է դերասանուհի դառնալու մասին։

1984 թվականին Ջուհի Չավլան արժանացել է «Միս Հնդկաստան» տիտղոսին։ Այնուհետև մասնակցել է «Միս Տիեզերք» մրցույթին և արժանացել հատուկ մրցանակի։ Հետագայում աշխատել է որպես մոդել և նկարահանվել մի քանի ֆիլմերում։ Առաջին իսկ` «Սուլթանի տիրույթները» (1986թ.) կինոնկարում նկարահանվելով, ստացել է Filmfare Awards` լավագույն դեբյուտի համար։ Սակայն իրականում նա ճանաչում ձեռք բերեց «Սիրոն ընդառաջ» (1993թ.) կինոնկարից հետո։

2002 թվականին Շահրուխ Խանի և իր ամուսնու` Ջայ Մեհտայի հետ միասին հիմնել է Dreamz Unlimited կինոընկերությունը։ Ամուսնու հետ հանդիսանում է Red Chillies Entertainment-ի և Kolkata Knight Riders կրիկետի թիմի համասեփականատերը։

Ջուհի Չավլան մասնակցում է զանազան հեռուստաշոուների, ինչպես նաև Filmfare Award և Zee Cine Award մրցանակաբաշխություններին` որպես հաղորդավարուհի։ Զբաղվում է նաև բարեգործությամբ։

Անձնական կյանք

1995 թվականին Ջուհի Չավլան ամուսնացել է գործարար Ջայ Մեհտայի հետ։ 2001 թվականին ծնվել է նրանց դուստրը, իսկ 2003 թվականին՝ Լոնդոնում, ծնվել է որդին։ Ջուհի Չավլան հարազատական կապ ունի դերասանուհի Կիարա Ադվանիի հետ։

Ֆիլմագրության ընտրանին

Թվական	Անվանում	Բնօրինակ անվանում	Կերպար
1986	Սուլթանի տիրույթները	Sultanat	Զարինա
1988	Դատավճիռ	Qayamat Se Qayamat Tak	Ռաշմի Սինգհ
1989	Սեր, սեր, սեր	Love Love Love	Ռիմա Գոսվամի
1989	Չանդնի	Chandni	Դևիկա
1989	Դու իմն ես	Tum Mere Ho	Պարո
1990	Դրախտ	Swarg	Ջյոթհի
1990	Քրեական հետախուզության տեսուչը	C.I.D.	տեսուչ Ռակշա Մեհրա
1991	Անանուն թագավորը	Benaam Badsha	Ջյոթհի
1992	Երգիր Ռադհա, երգիր	Bol Radha Bol	Ռադհա, Ռիտա
1993	Սիրոն ընդառաջ	Hum Hain Rahi Pyar Ke	Վիջայանթհի Այեր
1993	Սիրային եռանկյունի	Aaina	Ռիմա Մաթհուր
1993	Կյանք` վախի ներքո	Darr	Կիրան Ավաստի
1994	Փրկվեք` ով կարող է	Eena Meena Deeka	Մինա
1994	Երջանիկ մարդը	Bhagyawan	Գիտա
1995	Աստված գիտի	Ram Jaane	Բելա
1996	Ճաք	Daraar	Պրիյա Բհատիա
1997	Կիրք	Ishq	Մադհու
1997	Սիրո տառապանքները	Deewana Mastana	դոկ. Նեհա Շարմա
1998	Նմանակը	Duplicate	Սոնիա Կապուր
1998	Մի կռավիր	Jhooth Bole Kauwa Kaate	Ուրմիլա Աբհյանկար
2000	Չորս հուսահատներ	Gang	Սանամ
2001	Երբ մնում ես մենակ	One 2 Ka 4	Գիտա Չոուդհարի
2001	Ախ, այդ կանայք	Aamdani Atthani Kharcha Rupaiyaa	Ջհումրի
2001	Սիրո կապանքները	Ek Rishtaa: The Bond of Love	Պրիտի Կապուր
2003	Ճակատագրական հանգամանքներ	3 Deewarein	Չանդրիկա
2003	Սիրելի մեղեդին	Jhankaar Beats	Շանտի
2004	Օտարացած հայրենիք	Des Hoyaa Pardes	Ջասի
2005	Գիշերային վկայի լռությունը	Khamoshh... Khauff Ki Raat	դոկ. Սաքսի Սագար
2007	Բարև, սեր	Salaam-e-Ishq: A Tribute To Love	Սիմա Մալհոտրա
2008	Նաթհերի ամառանոցի ուրվականը	Bhootnath	Անջալի Շարմա
2010	Իմ անունը	I Am	Մեգհա
2012	Սարդարի որդին	Son of Sardaar	Պարմիտ «Պամմի» Կաուր
2013	Ես Կրիշնան եմ	Main Krishna Hoon	Կանտաբեն
2014	Վարդագույն եղբայրություն	Gulaab Gang	Սումիտրա Դևի
2014	Համեմունքներ և կրքեր	The Hundred-Foot Journey	Մայր
2016	Կավիճ և ջնջոց	Chalk N Duster	Ջյոթհի

Ծանոթագրություններ

Վիքիպահեստն ունի նյութեր, որոնք վերաբերում են «Ջուհի Չավլա» հոդվածին։