Ջաննի Ինֆանտինո
Ջաննի Ինֆանտինո (իտալ.՝ Gianni Infantino, մարտի 23, 1970, Բրիգ Գլիս, Վալե, Շվեյցարիա), շվեյցարացի մարզական ֆունկցիոներ, ՖԻՖԱ-ի 9-րդ նախագահը 2016 թվականի փետրվարի 26-ից։ Մասնագիտությամբ իրավաբան է։
| Ջաննի Ինֆանտինո | |
|---|---|
 | |
| Ծնվել է | մարտի 23, 1970 (54 տարեկան) |
| Ծննդավայր | Բրիգ Գլիս, Վալե, Շվեյցարիա |
| Քաղաքացիություն |  Շվեյցարիա և  Իտալիա |
| Մայրենի լեզու | շվեյցարական գերմաներեն, իտալերեն և ֆրանսերեն |
| Կրթություն | Ֆրիբուրգի համալսարան[1] և Նյոշատելի համալսարան |
| Մասնագիտություն | մարզական պաշտոնյա |
| Զբաղեցրած պաշտոններ | ՖԻՖԱ-ի նախագահ և ՈՒԵՖԱ գլխավոր քարտուղար |
| Պարգևներ և մրցանակներ | |
| Անդամություն | Միջազգային օլիմպիական կոմիտե |
Ստորագրություն | |
 Gianni Infantino Վիքիպահեստում | |
Կենսագրություն խմբագրել
Ջաննի Ինֆանտինոն ծնվել է Շվեյցարիայում, ունի իտալական ծագում։ Ունի փաստաբանի դիպլոմ, տիրապետում է մի քանի լեզուների, ամուսնացած է, ունի երեք երեխա։
Մինչև ՈՒԵՖԱ տեղափոխվելն աշխատել է Նևշատելի համալսարանին կից Սպորտի ուսումնասիրության միջազգային կենտրոնի (CIES) գլխավոր քարտուղար, իսկ ավելի վաղ զբաղեցրել է խորհրդականի պաշտոն ֆուտբոլային տարբեր կազմակերպություններում, այդ թվում՝ Իտալիայի, Իսպանիայի և Շվեյցարիայի պրոֆեսիոնալ լիգաներում։
Եվրոպական ֆուտբոլային միությունում Ինֆանտինոն աշխատում է 2000 թվականի օգոստոսից։ Նրա իրավասության մեջ մտնում էին պրոֆեսիոնալ ֆուտբոլի իրավաբանական և կոմերցիոն խնդիրները։ 2009 թվականի հոկտեմբերի 1-ից և մինչև ՖԻՖԱ-ի նախագահի պաշտոնում ընտրվելը զբաղեցրել է ՈՒԵՖԱ-ի գլխավոր քարտուղարի պաշտոնը։ Ավելի վաղ նա եղել է ՈՒԵՖԱ-ի գլխավոր քարտուղարի տեղակալ և իրավական հարցերով վարչության նախագահը (2007-2009), ՈՒԵՖԱ-ի կարգադրիչ-տնօրենի պաշտոնակատար (2007 թվականի փետրվար-մայիս), ՈՒԵՖԱ-ի իրավագիտության և լիցենզավորման բաժնի ղեկավար (2004-2007 թվականներ)։
2016 թվականի փետրվարի 26-ին ընտրվել է ՖԻՖԱ-ի նախագահ՝ քվեարկության երկրորդ փուլում հավաքելով 115 ձայն 207 հնարավորից[3]։
Ծանոթագրություններ խմբագրել
- ↑ Gianni Infantino / FIFA — 2016.
- ↑ https://www.sport1.de/news/internationaler-fussball/2019/05/wladimir-putin-zeichnet-fifa-boss-gianni-infantino-mit-freundschaftsorden-aus
- ↑ «Gianni Infantino elected FIFA President». Արխիվացված է օրիգինալից 2016 թ․ ապրիլի 30-ին. Վերցված է 2016 թ․ փետրվարի 26-ին.
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Ջաննի Ինֆանտինո» հոդվածին։ |