Պելագեա Կետչերի տուն
Պելագեա Կետչերի տուն (ռուս.՝ Дом Пелагеи Кетчер), տեսարժանություն Մոսկվայում և Վասիլի Լվովիչ Պուշկինի տուն-թանգարանը (Ա. Ս. Պուշկինի անվան պետական թանգարանի մասնաճյուղ)։
 | |
|---|---|
 | |
| Տեսակ | հուշային թանգարան և պատմության հուշարձան |
| Երկիր |  Ռուսաստան |
| Տեղագրություն | Բասմաննի շրջան |
| Ճարտարապետական ոճ | կլասիցիզմ |
| Հիմնադրված է | 1819 |
| Ժառանգության կարգավիճակ | Ռուսաստանի դաշնային մշակութային ժառանգության օբյեկտ[1] |
 | |
 | |
| Պաշտոնական կայք | |
_by_shakko_01.jpg)
Գտնվում է Ստարայա Բասմաննայա փողոց, տուն 36 հասցեով։
Պատմություն խմբագրել
Շենքը 1819 թվականին կառուցել է Պելագեա Վասիլևնա Կետչերը։ Նա վիրաբուժական գործիքների գործարանի տեր Խրիստոֆոր Յակովլևիչ Կետչերի կինն էր։ Նրանց որդին էր Շեքսպիրի պիեսների թարգմանիչ Նիկոլայ Խրիստոֆորիչ Կետչերը[2]։
Այնուհետև տունն օգտագործվել է վարձակալությամբ հանձնելու նպատակով[2]։ 1822-1828 թվականներին տունը վարձակալել է բանաստեղծ, «Արզամաս» ընկերության ավագ Վասիլի Լվովիչ Պուշկինը։ Նա Ալեքսանդր Սերգեևիչ Պուշկինի հորեղբայրն էր[2][3]։ Տանը եղել են շատ անվանի մարդիկ` Ի. Ի. Դմիտրիևը, Դ. Վ. Դավիդովը, Ա. Ա. Դելվիգը[3]։
1828 թվականին տունը գնել է վաճառականի կին Ելիզավետա Կառլովնա Ցենկերը։ 1890-ական թվականներին տունը վերակառուցվել է[2]։
Խորհրդային Միության տարիներին շենքում տեղի է ունեցել նորոգում։ 2012 թվականին շենքը վերականգնվել է[2][3]։
2013 թվականի հունիսի 6-ին այստեղ բացվել է Վասիլի Լվովիչ Պուշկինի տուն-թանգարանը (Ա. Ս. Պուշկինի անվան պետական թանգարանի մասնաճյուղ)։
Ճարտարապետություն խմբագրել
Տունը կառուցված է փայտից։ Նրա պատին փակցված է հուշատախտակ հետևյալ գրությամբ. «Ալեքսանդր Սերգեևիչ Պուշկինը եղել է այս տանը իր բանաստեղծ հորեղբոր` Վ. Լ. Պուշկինի մոտ»[2]։
Ցուցադրություն խմբագրել
Լայնածավալ վերակառուցումից հետո, որն ընդգրկում էր ստորգետնյա հարկի ստեղծումը, շենքում 2013 թվականի հունիսի 6-ին բացվել է Վասիլի Լվովիչ Պուշկինի տուն-թանգարանը (Ա. Ս. Պուշկինի անվան պետական թանգարանի մասնաճյուղ)[2] [3]։
Ներկայում այն Պրեչիստենկայում գտնվող Պուշկինի թանգարանի մասնաճյուղն է և 1820-ական թվականների ամպիրային ինտերիերների վերակառուցման օրինակ է։
Թանգարանի ցուցանմուշների շարքում են Ա. Ա. Ռամենսկու կեղծիքները, որոնք նա 1974 թվականին հանձնել է թանգարանին` Պուշկինի «կնքաշապիկը» և «Արինա Ռոդիոնովնայի սրբիչը»[4]։
Պատկերասրահ խմբագրել
-
Ցուցասրահ -
Վ. Լ. Պուշկինի աշխատասենյակը -
Ճաշասենյակ` «Արզամաս» ընկերության ճաշի վերարտադրություն -
Վերին կիսահարկի տարածքը -
Սպասավորների սենյակը
_by_shakko_06.jpg)
_by_shakko_05.jpg)
_by_shakko_08.jpg)
_by_shakko_13.jpg)
_by_shakko_04.jpg)
Ծանոթագրություններ խմբագրել
- ↑ Постановление Совета Министров РСФСР № 624 от 04.12.1974
- ↑ 2,0 2,1 2,2 2,3 2,4 2,5 2,6 «Дом В.Л. Пушкина» (ռուսերեն). Վերցված է 2015 թ․ ապրիլի 12-ին.
- ↑ 3,0 3,1 3,2 3,3 «Дом П. В. Кетчер» (ռուսերեն). Վերցված է 2015 թ․ ապրիլի 12-ին.
- ↑ Невская В. А. Пушкинские мемории в собрании А. А. Раменского. Миф и реальность // Михайловская пушкиниана : сборник статей научных сотрудников Музея-заповедника А. С. Пушкина «Михайловское» / Вып. 37. 2005. С. 247—252