Չարտեր

Չարտեր ( անգլ.՝ charter, հուն․՝ χάρτηξ — թղթի (պապիրուսից) թերթ, նաև գրություն, հրովարտակ), միջազգային առևտրական ծովագնացությունում բեռների ծովային փոխադրման (նավավարձման) պայմանագիր, ըստ որի բեռ առաքողը վարձում է ամբողջ նավը կամ մի մասը։ Կիրառվում է բեռների մեծաքանակ փոխադրումների համար։

Չարտր, Լիբերիա՝ 1215 թվական

Չարտերի ձևերը բազմազան են (օրինակ, որոշակի ժամանակահատվածում նախատեսվող փոխադրումների համար կնքվող պայմանագիրը կոչվում է թայմ-Չարտեր)։ Բոլոր ձևերի համար կիրառվում են տիպային պայմանագրեր։ Չարտերի առկայությունը չի բացառում նավաբեռնագրի՝ կոնոսամենտի (անգլ.՝ connais- sement) ձևակերպումը, որը փաստաթուղթ է բեռի փոխադրման պայմանների, այն փոխադրողին հանձնելու մասին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 675)։

Վիքիպահեստն ունի նյութեր, որոնք վերաբերում են «Չարտեր» հոդվածին։