Չարլի Մանգեր
Չարլզ Թոմաս Մանգեր (անգլ.՝ Charlie Munger, հունվարի 1, 1924[1], Օմահա, Նեբրասկա, ԱՄՆ[1] - նոյեմբերի 28, 2023[2], Սանտա Բարբարա, Կալիֆոռնիա, ԱՄՆ[3]), ամերիկացի գործարար, իրավաբան, ներդրող և բարերար։ Եղել է Ուորեն Բաֆեթի կառավարած Բերքշիր Հեթուեյ ընկերության փոխնախագահը։ Բաֆեթը Մանգերին անվանել է «իմ գործընկեր»։ Մանգերը 1984-2011 թթ. աշխատել է որպես Wesco Financial Corporation-ի տնօրեն (Wesco-ի 80%-ն այդ ժամանակ պատկանում էր Բերքշիր Հեթուեյին)։ Նա նաև Լոս Անջելեսում տեղակայված Daily Journal Corporation-ի նախագահն էր և Costco Wholesale Corporation-ի տնօրենը։
| Չարլի Մանգեր անգլ.՝ Charles Thomas Munger | |
|---|---|
.jpg) | |
| Ծնվել է | հունվարի 1, 1924[1] |
| Ծննդավայր | Օմահա, Նեբրասկա, ԱՄՆ[1] |
| Մահացել է | նոյեմբերի 28, 2023[2] (99 տարեկան) |
| Մահվան վայր | Սանտա Բարբարա, Կալիֆոռնիա, ԱՄՆ[3] |
| Քաղաքացիություն |  ԱՄՆ |
| Կրթություն | Միչիգանի համալսարանի գրականության, գիտության և արվեստի քոլեջ, Հարվարդի իրավունքի դպրոց (1948), Կալիֆոռնիայի տեխնոլոգիական ինստիտուտ և Omaha Central High School? |
| Մասնագիտություն | ներդրող |
| Աշխատավայր | Բերքշիր Հեթուեյ |
| Ծնողներ | հայր՝ Alfred Case Munger?[4] |
| Զբաղեցրած պաշտոններ | board of directors member? և board of directors member? |
Ստորագրություն | |
 Charlie Munger Վիքիպահեստում | |
Ֆորբս ամսագիրը 2015 թվականին նրա կարողությունը գնահատել է 1,3 միլիարդ դոլար[5]։
Մանգերը ծնվել է Օմահայում, Նեբրասկա։ Որպես պատանի աշխատել է Ուորեն Բաֆեթի պապին պատկանող Buffett & Son խանութում։ Միչիգանի համալսարան ընդունվելուց հետո, որտեղ նա սովորել է մաթեմատիկա, այցելություններից բացի այլևս չի վերադարձել Օմահա[6]։ 1943 թվականին նա դուրս է եկել քոլեջից՝ ծառայության անցնելով ԱՄՆ ռազմաօդային ուժերում։ Պատերազմից հետո ավարտել է Հարվարդի Իրավունքի դպրոցը և սկսել իրավաբանությամբ զբաղվել Լոս Անջելեսում։
1962 թվականին Մանգերը ստեղծել է իր ներդրումային ընկերությունը, որը նման էր Բաֆեթի ընկերությանը։ 1962-1975 թվականներին նրա ընկերությունը ունեցել է տարեկան միջինը 19.8 տոկոսի եկամուտ, ինչը գրեթե չորս անգամ ավելի է եղել շուկայի ցուցանիշներից։
1976 թվականին տեղի է ունեցել Բերքշիր Հեթուեյի և Blue Chip Stamps ընկերությունների միաձուլումը, որտեղ Մանգերը զբաղեցնում էր տնօրենների խորհրդի փոխնախագահի պաշտոնը։
Ծանոթագրություններ խմբագրել
- ↑ 1,0 1,1 1,2 1,3 1,4 Deutsche Nationalbibliothek Record #143363689 // Gemeinsame Normdatei (գերմ.) — 2012—2016.
- ↑ 2,0 2,1 2,2 Charlie Munger, investing genius and Warren Buffett’s right-hand man, dies at age 99 — CNBC.
- ↑ 3,0 3,1 3,2 Charles T. Munger, Much More Than Warren Buffett's No. 2, Dies at 99 — The New York Times.
- ↑ 4,0 4,1 Geni(բազմ․) — 2006.
- ↑ http://www.forbes.com/profile/charles-munger/&list=billionaires(չաշխատող հղում)
- ↑ Janet Lowe. Damn Right!: Behind the Scenes with Berkshire Hathaway Billionaire Charlie Munger (2000). John Wiley and Sons.
 | Վիքիպահեստն ունի նյութեր, որոնք վերաբերում են «Չարլի Մանգեր» հոդվածին։ |