Ուոլտեր Լասալի
Ուոլտեր Լասալի (անգլ.՝ Walter Lassally, դեկտեմբերի 18, 1926[1][2][3], Բեռլին, Վայմարյան Հանրապետություն[1] - հոկտեմբերի 23, 2017[4][1][2][…], Կրետե, Կրետեի շրջան, Կրետեի ապակենտրոնացված վարչական շրջան, Հունաստան[1]), անգլիացի կինոօպերատոր, «Օսկար» մրցանակի դափնեկիր «Լավագույն օպերատորական աշխատանք» անվանակարգում «Հույն Զորբան» (1964) ֆիլմի համար։
| Ուոլտեր Լասալի | |
|---|---|
 | |
| Ծննդյան թիվ՝ | դեկտեմբերի 18, 1926[1][2][3] |
| Ծննդավայր՝ | Բեռլին, Վայմարյան Հանրապետություն[1] |
| Վախճանի թիվ՝ | հոկտեմբերի 23, 2017[4][1][2][…] (90 տարեկան) |
| Վախճանի վայր՝ | Կրետե, Կրետեի շրջան, Կրետեի ապակենտրոնացված վարչական շրջան, Հունաստան[1] |
| Քաղաքացիություն՝ |  Գերմանիա.svg){kind=small} Միացյալ Թագավորություն Մեծ Բրիտանիայի և Իռլանդիայի միացյալ թագավորություն |
| Մասնագիտություն՝ | օպերատոր-բեմադրիչ |
| Պարգևներ՝ | |
| IMDb։ | ID 0007178 |
Կենսագրություն խմբագրել
Ուոլտեր Լասալին ծնվել է 1926 թվականի դեկտեմբերի 18-ին Բեռլինում։ Լինելով բողոքական, բայց ունենալով հրեական ծագում[5]՝ նրա ընտանիքն ստիպված է եղել 1939 թվականին Գերմանիայից փախչել Մեծ Բրիտանիա[6]։ Լասալին սերտորեն կապված է 1950-ականների Ազատ կինո շարժման և 1960-ականների սկզբի բրիտանական Նոր ալիքի հետ։ 1960-ական թվականների սկաբին նա աշխատել է ռեժիսոր Թոնի Ռիչարդսոնի հետ «Մեղրի համը» (1961), «Երկար տարածությունների վազորդի մենակությունը» (1962) և «Թոմ Ջոնս» (1963) ֆիլմերի վրա։
Լասալին աշխատել է նաև հույն ռեժիսոր Միխալիս Կակոյանիսի հետ 1956-1967 թվականներին, ինչպես նաև Ջեյմս Այվորիի հետ 1970-ական թվականներին և 1980-ական թվականներին։ 1990-ականներին նա տեղափոխվել է Ստավրոս (Կրետե կղզում՝ Խանիայից ոչ հեռու), որտեղ 1963 թվականին նկարահանել է «Հույն Զորբան»։
Լասալիի «Թափառող օպերատոր» ինքնակենսագրությունը հրապարակվել է 1987 թվականին։ Այն ներկայացվել է Դևիդ Էլիսի «Զրույցներ կինեմատոգրաֆիստների հետ» գրքում, որը հրատարակվել է 2011 թվականին Scarecrow Press հրատարակչության կողմից։
Որպես դերասան՝ Լասալին իր նորամուտը կատարել է Ռիչարդ Լինքլեյթերի «Նախքան կեսգիշեր» (2013) ֆիլմում, որտեղ կատարել է Հունաստանում բնակություն հաստատած բրիտանացի տարեց գրողի դերը։
Լասալին մահացել է 2017 թվականի հոկտեմբերի 23-ին, 90 տարեկան հասակում Կրետեում (Հունաստան)[7][8][9][10][11]։
Ընտրյալ ֆիլմագրություն խմբագրել
- Սև հագուստով աղջիկը (1956, Միխալիս Կակոյանիս)
- Վերջին սուտը (1957, Միխալիս Կակոյանիս)
- Էրոիկա (1960, Միխալիս Կակոյանիս))
- Մեղրի համ (1961, Թոնի Ռիչարդսոն)
- Էլեկտրա (1962, Միխալիս Կակոյանիս)
- Երկար տարածությունների վազորդի մենակությունը (1962, Թոնի Ռիչարդսոն)
- Թոմ Ջոնս (1963, Թոնի Ռիչարդսոն)
- Հույն Զորբան (1964, Միխալիս Կակոյանիս)
- Այն օրը, երբ դուրս լողաց ձուկը (1967, Միխալիս Կակոյանիս)
- Արքայադստեր ինքնակենսագրությունը (1975, Ջեյմս Այվորի)
- Վայրի երեկույթ (1975, Ջեյմս Այվորի)
- Փոշի և տոթ (1983, Ջեյմս Այվորի, ներկայացվել է BAFTA մրցանակի)
- Բոստոնցիներ (1984, Ջեյմս Այվորի, ներկայացվել է Կինեմատոգրաֆիստների բրիտանական միության մրցանակի)
- Բալլադ ուրախ դդմիկի մասին (1991, Սայմոն Քոլլոու)
Ինքնակենսագրություն խմբագրել
- Itinerant cameraman (1987)
Ճանաչում խմբագրել
Ուոլտեր Լասալին արժանացել է «Օսկար» մրցանակի «Հույն Զորբան» (1964) ֆիլմի համար։ Ստացել է Ամերիկյան կինոօպերատորների միության մրցանակ (2008)։
Ծանոթագրություններ խմբագրել
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 Genzlinger N. Walter Lassally, Cinematographer Who Won Oscar for ‘Zorba,’ Dies at 90 — The New York Times, 2017.
- ↑ 2,0 2,1 2,2 2,3 2,4 filmportal.de — 2005.
- ↑ 3,0 3,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 4,0 4,1 4,2 https://www.usnews.com/news/entertainment/articles/2017-10-23/oscar-winning-cinematographer-walter-lassally-dies-in-greece
- ↑ https://www.webofstories.com/play/walter.lassally/2
- ↑ http://www.filmreference.com/film/65/Walter-Lassally.html
- ↑ Συλλυπητήρια Βάμβουκα για την απώλεια κινηματογραφιστή Walter Lassaly
- ↑ https://www.nytimes.com/2017/10/27/obituaries/walter-lassally-oscar-winning-cinematographer-dies-at-90.html
- ↑ «Oscar-winning cinematographer Walter Lassally dies in Greece». New York Daily News. 2017 թ․ հոկտեմբերի 23. Արխիվացված է օրիգինալից 2017 թ․ հոկտեմբերի 24-ին. Վերցված է 2017 թ․ հոկտեմբերի 23-ին.
- ↑ Ronald Bergan (2017 թ․ հոկտեմբերի 24). «Walter Lassally obituary». the Guardian. Վերցված է 2018 թ․ հունվարի 20-ին.
- ↑ Mike Barnes (10/24/2017). «Cinematographer Walter Lassally, Oscar Winner for 'Zorba the Greek,' Dies at 90». The Hollywood Reporter (անգլերեն). Վերցված է 2018 թ․ հունվարի 20-ին.
Արտաքին հղումներ խմբագրել
- Կինոօպերատորների օնլայն հանրագիտարանում Արխիվացված 2020-02-20 Wayback Machine(անգլ.)
- Lassally, Walter (1926—2017)(անգլ.)
- Walter Lassally — Writer(անգլ.)
 | Վիքիպահեստն ունի նյութեր, որոնք վերաբերում են «Ուոլտեր Լասալի» հոդվածին։ |