Նորիջ

Նորիջ
Քաղաք
	Նորիջ
	անգլ.՝ Norwich
	Զինանշան
Երկիր	Միացյալ Թագավորություն
Հիմնադրված է	1004 թ.
Մակերես	52,6 կմ²
ԲԾՄ	15 մետր
Պաշտոնական լեզու	անգլերեն
Բնակչություն	129 500 մարդ մարդ
Ժամային գոտի	ECG
Հեռախոսային կոդ	1603
Փոստային դասիչ	NR1–NR16
Պաշտոնական կայք	norwich.gov.uk(անգլ.)
	Նորիջ (Միացյալ Թագավորություն)
	Նորիջ (Միացյալ Թագավորություն)
	Նորիջ Վիքիպահեստում

Նորիջ (անգլ.՝ Norwich, (/ˈnɒɹɪdʒ/ կամ /ˈnɒɹɪdʒ/^[1]), Նորլֆոլկ կոմսության գլխավոր քաղաքը (Արևելյան Անգլիա)։ Տեղակայված է մոտավորապես 160 կմ հյուսիս-արևելք Լոնդոնից Ուենսամ գետի վրա։ Բնակչությունը՝ 129 500 մարդ (2006)։

Ոչ մի տեղեկություն չկա այն մասին, որ քաղաքի տարածքը բնակեցված է եղել մինչև սաքսերի ներխուժումը, ովքեր 7-րդ դարում հիմնադրեցին Նորվիչ ( արևելյան բնակավայր) գյուղը, որն ավերվեց 1004 թվականին դանիացիների կողմից։ Առաջին քաղաքային կանոնադրությունը վերաբերում է 1158 թվականին։

Դարի կեսերին Նորիջը համարվում էր նահանգային Անգլիայի ամենածաղկուն քաղաքներից մեկը։ Այն տեղակայված էր Բրիստոլ և Իյորք քաղաքների երկայնքով։ Քաղաքում և շրջակայքում մեծ մասամբ բրդի գործարաններ էին, որտեղ աշխատում էին ֆլամանդացիները, որոնք եկել էին նորֆոլկ 1336 թվականին Էդուարդ 3-րդ թագավորի հրամանով։ Իսպանական հեղափոխության ժամանակ ավելացավ տարագիր իսպանացիների մուտքը Իսպանական Նիդերլանդներից, այդ պատճառով 1579 թվականին Նորիջի 16 հազար բնակչությունից յուրաքանչյուր երրորդը օտարերկրացի էր։

Այդ տարիներին տնտեսական հզոր սյուներ էին համարվում բազմաթիվ հինավուրց եկեղեցինրը (նրանցից պահպանվել են մոտավորապես երեսունը) և նախադռները, որոնք կառուցվել են 15-րդ դարում Ֆլանդրիայի նմանատիպ կառույցների նմանողությամբ։ Նորիջի Սուրբ Երրորդության տաճարը կառուցվել է նորմանների գրավումից անմիջապես հետո, ինչի մասին վկայում են ճարտարապետական որոշ հորինվածքներ, որոնք շատ նման են Արևելյան Ֆրանսիայի հռոմեական տաճատներին։ Պարզ Արկադային-կուլատրը (ամենամեծը երկրում) և 16-րդ դարի քարե ծայրաձողը (ամենամեծը Անգլիայում, բարձրությունը 96 մ) գոթական ոճի ցայտուն արտահայտությունն են։ 12-րդ դարում Նորվիչի պալատում տեղակայված տեղական թանգարանը, հատկապես հարուստ էր Նորիջյան դպրոցի նկարչների նկարներով (19-րդ դարի սկիզբ)։

Քաղաքի կարևորությունն անկում ապրեց 18-րդ դարում՝ կապված Մանչեստրի, Գլազգոյի և ուրիշ արդյունաբերական կենտրոնների տնտեսական վերելքի հետ։ Ներկայումս Նորիջը զարգացած է կոշիկի արդյունաբերության ոլորտում։ 1964 թվականին հիմնադրվեց Արևելյան Անգլիայի Համալսարանը։ Նորիջի մշակութային հաստատություններից է ոչ այնքան մեծ թատրոնը։