Նիկոլայ Սուկոյան
Նիկոլայ Պետրոսի Սուկոյան (Սուքոյան, 1915, սեպտեմբերի 12, Բաթում - 2009, դեկտեմբերի 26, Մոսկվա[1]), հայ ճարտարապետ, գեղանկարիչ։ Ռուսաստանի վաստակավոր ճարտարապետ (1991 թ.)։ ՄՃԱ պատվավոր անդամ, Մոսկվայի վաստակավոր շինարար, նկարիչների միության անդամ։
| Նիկոլայ Սուկոյան | |
|---|---|
 | |
| Ծնվել է | սեպտեմբերի 12, 1915 |
| Ծննդավայր | Բաթում, Ռուսական կայսրություն |
| Մահացել է | դեկտեմբերի 27, 2009 (94 տարեկան) |
| Վախճանի վայր | Մոսկվա, Ռուսաստան |
| Ոճ(եր) | բնանկար, դիմապատկեր և նատյուրմորտ |
| Կրթություն | Մոսկվայի ճարտարապետության ինստիտուտ |
| Աշխատավայր | Մոսկվայի ճարտարապետության ինստիտուտ |
| Ուշագրավ աշխատանքներ | Նկարչի կենտրոնական տուն |
| Պարգևներ |    և  |
Կենսագրություն խմբագրել
1937-1943 թվականներին և 1946-1954 թվականներին սովորել և աշխատել է Մոսկվայի ճարտարապետության ինստիտուտում։ 1942 թվականին Տաշքենդում աշխատել է հայտնի ճարտարապետներ Մ. Բարշի և Վ. Կրինսկու մոտ՝ որպես ասիստենտ։ 1943-1945 թվականներին մասնակցել է Երկրորդ համաշխարհային պատերազմին։ Եղել է Մոսկվայի պաշտպանության, Բեռլինի գրավման. Պրահայի ազատագրման մասնակից։
1946 թվականին վերադարձել է Մոսկվա և զբաղվել մանկավարժական գործունեությամբ, զուգահեռ սովորել ասպիրանտուրայում։ 1945-1954 թվականներին եղել է Մոսկվայի ճարտարապետության ինստիտուտի դասախոս։
Իր ղեկավարի՝ Ի. Ժոլտովսկու հետ աշխատել է մի շարք հայտնի նախագծերի շուրջ՝ Խորհրդարանի տուն, Պանթեոն, բնակելի տներ, շենքեր, թաղամասեր, կինոթատրոններ Մոսկվայում և այլն։ Նախագծել և իրականացրել է Լվովի գյուղատնտեսական ինստիտուտը։ 1957 թվականից մի քանի ռուս ճարտարապետների հետ համատեղ նախագծել և կյանքի է կոչել Մոսկվայի Տրետյակովյան պատկերասրահի և Նկարիչների Տան շենքերը։ 1972-1990 թվականներին եղել է Մոսկվայի Կրիմսկի առափնյակի նախագծման և կառուցապատման պատասխանատու, 1990-ականներից՝ «Մոսպրոեկտ 2» շենքերի կառուցման և հասարակական շենքերի նախածերի վարչության ղեկավարը և գլխավոր ճարտարապետը։ Նախագծել է Մոսկվայի Կարմիր Դարպասների պողոտան, Պակրովկայի և Մոդեռն թատրոնների շենքերը, Արվեստների այգին և այլն։
Հեղինակել է նաև նատյուրմորտներ, դիմանկարներ, գեղանկարչական այլ աշխատանքներ, որոնց հիմնական թեմաներն են Հայաստանը, Վրաստանը, Իտալիան, Ֆրանսիան, Անգլիան, Հունաստանը, Բայկալ ծովը, եկեղեցիներ, հետպատերազմյան գործեր։ 1950 թվականից մասնակցել է ցուցահանդեսների, ունեցել անհատական ցուցահանդեսներ Մոսկվայում։ 1952-2005 թվականներին հեղինակել է բազմաթիվ մասնագիտական հրապարակումներ, հոդվածներ[2][3]։
Պարգևներ խմբագրել
- Կարմիր աստղի մեդալ
- Պատերազմի 2-րդ կարգի մեդալ
- Ռուսաստանի վաստակավոր ճարտարապետ, 1991 թ.
Ծանոթագրություններ խմբագրել
- ↑ Մոսկվայում վախճանվել է ճարտարապետ Նիկոլայ Սուկոյանը
- ↑ Նիկոլայ Սուկոյանի կենսագրությունը avproduction.am կայքում(չաշխատող հղում)
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.