Նիկշիչ
Նիկշիչ (չեռնոգոր.՝ Никшић/Nikšić), քաղաք Չեռնոգորիայում։ Տեղակայված է Նիկշիչյան հարթավայրի վրա, Տրեբիեսա լեռան ստորոտին։
| Քաղաք | |||||
|---|---|---|---|---|---|
| Նիկշիչ | |||||
| չեռնոգոր.՝ Никшић, Nikšić | |||||
| |||||
 | |||||
| Երկիր |  Չեռնոգորիա | ||||
| Ղեկավար | քաղաքապետ | ||||
| Առաջին հիշատակում | Ք.ա IV դար | ||||
| Մակերես | 2065 կմ² | ||||
| ԲԾՄ | 649 մ | ||||
| Բնակչություն | 58212 մարդ | ||||
| Ժամային գոտի | UTC+1, ամառը UTC+2 | ||||
| Փոստային դասիչ | 81400 | ||||
| Պաշտոնական կայք | niksic.me | ||||
| |||||
Պատմություն խմբագրել
Քաղաքի տեղում 4-րդ դարում տեղակայված է եղել Անդերբա (լատին․՝ Castrum Anderba) ռազմական ճամբարը, որը համարվել է ռազմա-ստրատեգիական նշանակություն ունեցող ճանապարհ։ Նույն դարի 459 թվականին օստրոգոտները սկսեցին կառուցել ամրոց, որն էլ ստացավ Անագոստում անվանումը։
Հետագայում այս շրջան եկան սլավոններն, ովքեր քաղաքն անվանեցին Օնոգոշտ։ Օսմանյան կայսրության նվաճումից հետո՝ Նիկշիչը դարձավ թուրքական կարևորագույն ամրոց։
1877 թվականին՝ Նիկոլա I Պետրովիչ-Նեգոշի իշխանության օրոք, թուրքերը վտարվեցին և Նիկշիչն ազատագրվեց նրանց լծից։ Սա մեծ ազդակ եղավ քաղաքի հետագա զարգացման և վերաբնակեցման համար։
1883 թվականին մշակվեց քաղաքի ճարտարապետական հատակագիծը, որը սկսեց իրականացնել այն ժամանակների հայտնի ճարտարապետ Իոսիպ Սլադը Տրոգիրից։ Քաղաքը ծաղկում ապրեց, մեծ թափ առան արդյունաբերությունն ու առևտուրը, քաղաքում հիմնվեցին կրթական և մշակութային օջախներ։ 1900 թվականին քաղաքում կառուցվեցին կարևորագույն շինություններ` Սուրբ Վասիլի Օստրոժսկու եկեղեցին, Թագավորական կամուրջը, թագավորական պալատը, քաղաքի գլխավոր հրապարակը, որը միավորում էր վեց գլխավոր ճանապարհները, ինչպես նաև մի քանի զբոսայգիներ։ Երկրորդ համաշխարհային պատերազմն իր տխուր հետևանքները թողեց քաղաքի վրա. ավերվեց և ռմբակոծությունների ենթարկվեց քաղաքը, կաթվածահար եղավ արդյունաբերությունը։ Սակայն պատերազմից հետո ավելի մեծ թափով սկսվեցին վերանորոգման աշխատանքները, որոնց արդյունքում քաղաքը շատ ավելի գեղեցկացավ ու հզորացավ՝ դառնալով Չեռնոգորիայի կարևորագույն արդյունաբերական կենտրոններից մեկը։
Կլիմա խմբագրել
 Ջերմաստիճանի և տեղումների տարեկան միջին ցուցանիշները Նիկշիչ
| |||||||||||||
|---|---|---|---|---|---|---|---|---|---|---|---|---|---|
| Ամիս | հունվ | փետ | մարտ | ապր | մայ | հուն | հուլ | օգոս | սեպ | հոկ | նոյ | դեկ | տարին |
| բացարձակ առավելագույնը (°C) | 16 | 21 | 22 | 22 | 27 | 31 | 36 | 35 | 35 | 27 | 21 | 18 | 36 |
| միջին առավելագույնը (°C) | 5 | 6 | 9 | 12 | 17 | 21 | 26 | 26 | 22 | 16 | 10 | 5 | 15 |
| միջին ջերմաստիճանը (°C) | 2 | 2 | 6 | 10 | 14 | 17 | 21 | 21 | 17 | 12 | 6 | 2 | 11 |
| միջին նվազագույնը (°C) | −1 | −1 | 2 | 6 | 10 | 13 | 16 | 16 | 12 | 8 | 3 | 0 | 7 |
| բացարձակ նվազագույնը (°C) | −16 | −12 | −10 | −2 | 2 | 6 | 8 | 8 | 0 | −2 | −5 | −11 | −16 |
| Աղբյուր՝ Weatherbase | |||||||||||||
Ծանոթագրություններ խմբագրել
- ↑ «Пеко тражи да се гађа Никшић». // novosti.rs. Արխիվացված է օրիգինալից 2015 թ․ հունվարի 21-ին. Վերցված է 2015 թ․ մայիսի 16-ին.
Արտաքին հղումներ խմբագրել
- Քաղաքի պաշտոնական կայք Արխիվացված 2018-04-25 Wayback Machine
 | Վիքիպահեստն ունի նյութեր, որոնք վերաբերում են «Նիկշիչ» հոդվածին։ |