Ներքին Կարմիրաղբյուր
Ներքին Կարմիրաղբյուր, գյուղ Հայաստանի Հանրապետության Տավուշի մարզում` նախկին Շամշադինի շրջանում, Բերդ քաղաքից մոտ 6 կմ հյուսիս-արևելք` Տավուշ գետի ձախափնյակում։ Հեռավորությունը Երևանից՝ 192 կմ, մարզկենտրոնից՝ 59 կմ, Հայաստանի պետական սահմանից՝ 1.5 կմ։
| Գյուղ | ||
|---|---|---|
| Ներքին Կարմիրաղբյուր | ||
| Երկիր |  Հայաստան | |
| Մարզ | Տավուշ | |
| Գյուղապետ | Մանվել Կամենդատյան | |
| ԲԾՄ | 850 մ | |
| Կլիմայի տեսակ | մերձարևադարձային | |
| Պաշտոնական լեզու | Հայերեն | |
| Բնակչություն | 1072 մարդ (2012) | |
| Ազգային կազմ | Հայեր | |
| Կրոնական կազմ | Հայ Առաքելական եկեղեցի | |
| Տեղաբնականուն | Ներքին կարմիաղբյուրեցի (բարբ.՝ ներքին կարմրըխպրեցի) | |
| Ժամային գոտի | UTC+4 | |
| ||
Պատմություն խմբագրել
Ընկած է Տավուշի լեռնաշղթայի հարավում, մոտակայքում է Շիշթափա գագաթը՝ 926 մ բարձրությամբ։ Գյուղի ծագումը սկսվում է XVI դարից և ունեցել է Վարդաշեն անունը։ Փոքր բնակավայրն ունեցել է երկու թաղամաս՝ մեծ և փոքր, որը գտնվում է Մարցալու ձորի աջ և ձախ կողմերում։ Վարդաշենի բնակիչների նախնիները եկելն են Ղարաբաղից, Վարդաշեն, Բարդա և այլ բնակավայրերից։ Գյուղը սահմանամերձ է, առանձնատների մեծ մասն ավերվել է ադրբեջանցիների հրետակոծություններից։ Բնակչությունը նվազել է։ 1965 թվականին սկսել է գործել միջնակարգ դպրոցը[1]։ Գյուղից 5 կմ հյուսիս արևմուտք գտնվում են Շենատեղեր գյուղատեղին և 10-15 դդ. խաչքարերով գերեզմանոցը։
Կլիմա խմբագրել
Գյուղը գտնվում է կլիմայական բարեխառն գոտում, ամռանը միջին ջերմաստիճանը + 30 C է, ձմռանը՝ -2 C։ Գյուղը գտնվում է ծովի մակերևույթից 850 մ բարձրության վրա։
Բնակչություն խմբագրել
Ըստ Հայաստանի 2011 թ. մարդահամարի արդյունքների՝ Ներքին Կարմիրաղբյուրի մշտական բնակչությունը կազմել է 904, առկա բնակչությունը՝ 841 մարդ[2], բնակչության փոփոխությունը ժամանակի ընթացքում` ստորև[3]
| Տարի | 1908 | 1926 | 1939 | 1959 | 1970 | 1979 | 1989 | 2001 | 2011 | 2012 |
|---|---|---|---|---|---|---|---|---|---|---|
| Բնակիչ | 374 | 893 | 1175 | 1221 | 1348 | 1214 | 1241 | 1061 | 904[2] | 1072 |
Տնտեսություն խմբագրել
Բնակչությունը զբաղվում է անասնապահությամբ, այգեգործությամբ, բուսաբուծությամբ։
Համայնքն ունի դպրոց, բուժկետ, մանկապարտեզ։
Հայտնի անձինք խմբագրել
- Արսեն Գալստյան, 2012 թվականի ամառային օլիմպիական խաղերի չեմպիոն (Ռուսաստանի ներկայացուցիչ)։
Ծանոթագրություններ խմբագրել
- ↑ «Տավուշի մարզպետարան, Ներքին Կարմիրաղբյուր». Արխիվացված է օրիգինալից 2014 թ․ սեպտեմբերի 16-ին. Վերցված է 2014 թ․ մայիսի 21-ին.
- ↑ 2,0 2,1 2011 թ Հայաստանի մարդահամարի արդյունքները
- ↑ «Հայաստանի հանրապետության բնակավայրերի բառարան, էջ 145» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2014 Մայիսի 20-ին.
