Նատալյա Բեսպալովա
Նատալյա Եվգենևնա Բեսպալովա (Ռաչևսկայա, հուլիսի 25, 1950, ԽՍՀՄ), թատրոնի և կինոյի ռուս դերասանուհի, մանկավարժ, Ռուսաստանի Դաշնության վաստակավոր արտիստ։
| Նատալյա Բեսպալովա | |
|---|---|
| Ծնվել է | հուլիսի 25, 1950 (73 տարեկան) |
| Ծննդավայր | ԽՍՀՄ |
| Քաղաքացիություն |  ԽՍՀՄ և  Ռուսաստան |
| Մասնագիտություն | դերասանուհի |
| Պարգևներ և մրցանակներ |  |
Կենսագրություն խմբագրել
Նատալյա Եվգենևնա Բեսպալովան (ամուսնական ազգանունը Ռաչևսկայա) ծնվել է 1950 թվականի հուլիսի 25-ին՝ Մոսկվայի շրջանի Վասկրեսենսկե քաղաքում՝ պաշտոնաթող զինվորականի ընտանիքում։ Ավարտել է №11 միջնակարգ դպրոցը։ Գրել է ոտանավորներ, հաճախել է թատերական խմբակ։ Մի քանի անգամ փորձել է ընդունվել Մոսկվայի թատերական ինստիտուտը։
1970 թվականին ավարտել է Կենտրոնական մանկական թատրոնին կից ստուդիան ( ներկայումս՝ Ռուսաստանի երիտասարդական ակադեմիական թատրոն)։ 1975 թվականից 1980 թվականին եղել է Կազանի Վ. Ի. Կաչալովի անվան ռուսական ակադեմիական մեծ դրամատիկական թատրոնի խմբում։
1980-2007 թվականներին աշխատել է Մոսկվայի նոր դրամատիկական թատրոնում։
Կինոյում առաջին դերակատարումը եղել է 1971 թվականին՝ « Հավատում ես, չես հավատում» ֆիլմում, ռեժիսոր Եվգենի Վասիլև, Անատոլի Դուդորով, որտեղ խաղացել է գլխավոր հերոսուհու՝ Տոնյայի դերը։
Դասավանդել է Գ. Ր. Դերժավինի անվան միջազգային սլավոնական համալսարանում՝ դերասանական բաժնում։
Ընտանիք խմբագրել
Ամուսինը № 548 կրթական կենտրոնի տնօրեն, Ռուսաստանի վաստակավոր մանկավարժ Եֆիմ Լազարևիչ Ռաչևսկին է։
Մրցանակներ խմբագրել
- Թաթարստանի վաստակավոր դերասանուհի։
- ՌԴ վաստակավոր դերասանուհի (1997)։
Աշխատանքներ թատրոնում խմբագրել
- Ա. Ն. Օստրովսկու՝ «Մոլեգին փողեր»՝ Լիլիա Յուրևնա
Ֆիլմագրություն խմբագրել
- 1971 թվական՝ հավատում ես, չես հավատում (ֆիլմ)՝ Տոնյա Տերեբիլովա
- 1971 թվական՝ Մեզ մոտ գործարանում (ֆիլմ)՝ Նինա Բորզունովա
- 1972 թվական՝ Գարնանային երեկո (ֆիլմ)
- 1972 թվական՝ Կռիվ ստվերի հետ (ֆիլմ, 1972)՝ Նատաշա
- 1972 թվական՝ Հինգեորդ «Բ»-ի խենթը՝ Նատաշա, № 70 դպրոցի քարտուղարուհի
- 1973 թվական՝ Ալլայի երգերը՝ Ալկա Ուրալովա
- 1973 թվական՝ Կար չկար երեք ամուրի՝ Նաստյա Կովալյովա, ուսանողուհի
- 1973 թվական՝ Մեկ ժամ արևածագից առաջ՝ Լենա
- 1975 թվական՝ Հոգեվարք՝ Մատրյոնա, Ռասպուտինի աղջիկ
- 1975 թվական՝ Հարսնացու հյուսիսից՝ Վալյա[1][2][3]
- 1983 թվական՝ Վաղը սկսվում է այսօրը՝ դրվագ
Ծանոթագրություններ խմբագրել
- ↑ «Արա Բաբաջանյան և Նատալյա Բեսպալովա. հանդիպում Ներսես Հովհաննիսյանի «Հարսնացու հյուսիսից» ֆիլմի նկար». Բազմաբնույթ նյութեր (անգլերեն). 2017 թ․ դեկտեմբերի 16. Վերցված է 2019 թ․ նոյեմբերի 15-ին.
- ↑ «07. Արա Բաբաջանյան, Նատալյա Բեսպալովա, Եղիշե Պետրոսյան,». www.ardzagank.com. Վերցված է 2019 թ․ նոյեմբերի 15-ին.
- ↑ Studio, Sargssyan. «Times.am | Հարսնացու հյուսիսից». blog.times.am. Վերցված է 2019 թ․ նոյեմբերի 15-ին.