Յուրիկ Աբովյան (անասնաբույժ)

Անվան այլ կիրառումների համար տե՛ս՝ Յուրի Աբովյան (այլ կիրառումներ)

Վիքիպեդիայում կան հոդվածներ Աբովյան ազգանունով այլ մարդկանց մասին։

Յուրիկ Հրաչիկի Աբովյան (նոյեմբերի 1, 1941(1941-11-01), Կարզախ, Վրաստան - դեկտեմբերի 3, 2005(2005-12-03), Երևան, Հայաստան), հայ անասնաբույժ։ Կենսաբանական գիտությունների դոկտոր (1993), պրոֆեսոր (1994), ՀՀ ԳԱԱ թղթակից անդամ (1998)։

Յուրիկ Աբովյան
Ծնվել է	նոյեմբերի 1, 1941(1941-11-01) Կարզախ, Վրաստան
Մահացել է	դեկտեմբերի 3, 2005(2005-12-03) (64 տարեկան) Երևան, Հայաստան
Քաղաքացիություն	ԽՍՀՄ և  Հայաստան
Մասնագիտություն	անասնաբույժ
Հաստատություն(ներ)	Երևանի անասնաբուծական-անասնաբուժական ինստիտուտ
Անդամակցություն	ՀՀ ԳԱԱ
Ալմա մատեր	Երևանի անասնաբուծական-անասնաբուժական ինստիտուտ (1965)
Կոչում	պրոֆեսոր և թղթակից անդամ
Գիտական աստիճան	կենսաբանական գիտությունների դոկտոր (1993)

Կենսագրություն

1965 թվականին ավարտել է Երևանի անասնաբուծական-անասնաբուժական ինստիտուտը։ 1965 թվականից աշխատել է Երևանի անասնաբուծական-անասնաբուժական ինստիտուտում, 1974-1978 թվականներին եղել է ԳՀ բաժանմունքի ղեկավար, 1994-2002 թվականներին՝ ՀԳԱ անասնաբուժական սանիտարական փորձաքննության, զոոհիգիենայի և անասնաբուժության ամբիոնի վարիչ, 2002-2005 թվականներին՝ անասնաբուժական բժշկագիտության և անասնաբուծության ֆակուլտետի դեկան։

Աշխատանքները վերաբերում են գյուղատնտեսական կենդանիների բնական դիմադրողականության բարձրացման հարցերին։ Ուսումնասիրել է միջավայր-գենոտիպ փոխազդեցության դերը տավարի օրգանիզմի բնական դիմադրողականության վրա։