Յուրգիս Կուբիլյուս
Յուրգիս Կուբիլյուս (լիտ.՝ Jurgis Kubilius, ապրիլի 27, 1890, Biržai District Municipality, Լիտվա - նոյեմբերի 4, 1942, Եկատերինբուրգ, ՌԽՖՍՀ, ԽՍՀՄ), լիտվացի պետական և հասարակական գործիչ, մասնագիտությամբ՝ իրավաբան։ Եղել է Կլայպեդոսի երկրամասի նահանգապետը։
| Յուրգիս Կուբիլյուս Jurgis Kubilius | |
|---|---|
 | |
| Ծնվել է | ապրիլի 27, 1890 |
| Ծննդավայր | Biržai District Municipality, Լիտվա |
| Մահացել է | նոյեմբերի 4, 1942 (52 տարեկան) |
| Մահվան վայր | Եկատերինբուրգ, ՌԽՖՍՀ, ԽՍՀՄ |
| Քաղաքացիություն |  Լիտվա |
| Կրթություն | Վիտովտ Մեծի համալսարան |
| Մասնագիտություն | իրավաբան |
| Պարգևներ և մրցանակներ |   և  |
Կենսագրություն խմբագրել
Յուրգիս Կուբիլյուսը ծնվել է 1890 թվականի ապրիլի 27-ին Լիտվայի Գրիմժլիայ գյուղում։ 1911 թվականին ավարտել է Պանևեժիս քաղաքի ճեմարանը։
Առաջին համաշխարհային պատերազմի ընթացքում նա զորակոչվել է Ռուսաստանի կայսերական բանակ և ապա ուղարկվել է ուսանելու Մոսկվայի ռազմական ակադեմիա։
1919 թվականին Յուրգիսը զորակոչվել է նորանկախ Լիտվայի զինված ուժեր։ Զինվորական ծառայությունն ավարտելուց հետո աշխատել է Լիտվայի պաշտպանության նախարարությունում։
1927 թվականին ավարտել է Վիտովտ Մեծի անվան համալսարանի իրավագիտության ֆակուլտետը։ 1930-1933 թվականներին եղել է Շյաուլյայի կառավարիչը։
1936 թվականի հոկտեմբերից մինչև 1938 թվականի դեկտեմբերը Յուրգիսը ղեկավարել է Կլայպեդոսի երկրամասը։ 1938 թվականի նոյեմբերին դարձել է Լիտվայի խորհրդի անդամ։
Խորհրդային իշխանությունների օրոք՝ 1941 թվականին ձերբակալվել և արտաքսվել է ԽՍՀՄ Սվերդլովսկի երկրամաս։ 1942 թվականի հոկտեմբերին դատապարտվել է մահվան և նոյեմբերի 4-ին մահապատժի ենթարկվել։