Յոհաննա Հելենա Հերոլտ
Յոհաննա Հելենա Հերոլտ (հոլ.՝ Johanna Helena Herolt, օրիորդական ազգանունը՝ Գրաֆֆ (հոլ.՝ Graff, հունվարի 5, 1668[1][2], Ֆրանկֆուրտ, Սրբազան Հռոմեական կայսրություն[3] - 1723[4][5][2][…] կամ հոկտեմբերի 9, 1730[6], Պարամարիբո, Surinam, Նիդերլանդներ[6]), գերմանական ծագմամբ հոլանդացի նկարիչ, հոլանդական նկարչության «Ոսկե դարի» ներկայացուցիչ, դիզայներ և նկարազարդող։
 | |
| Ծնվել է | հունվարի 5, 1668[1][2] |
| Ծննդավայր | Ֆրանկֆուրտ, Սրբազան Հռոմեական կայսրություն[3] |
| Վախճանվել է | 1723[4][5][2][…] կամ հոկտեմբերի 9, 1730[6] (62 տարեկան) |
| Մահվան վայր | Պարամարիբո, Surinam, Նիդերլանդներ[6] |
| Քաղաքացիություն |  Միացյալ պրովինցիաների հանրապետություն |
| Մասնագիտություն | ծաղիկներ պատկերազարդող և նկարչուհի |
| Ժանր | նատյուրմորտ և ծաղկային նատյուրմորտ |
| Հայր | Յոհան Անդրեաս Գրաֆ |
| Մայր | Մարիա Սիբիլլա Մերիա |
 Johanna Helena Herolt Վիքիպահեստում | |
Կենսագրություն խմբագրել
Յոհաննա Հելենան ծնվել է Ֆրանկֆուրտ քաղաքում 1668 թվականի հունվարի 5-ին։ Նկարիչ Յոհան Անդրեաս Գրաֆի (1637-1701) ավագ դուստրն է, նկարչուհի Մարիա Սիբիլլա Մերիանի (1647-1717), նկարիչ Դորոթեա Մարիա Հենրիետայի (1678-1743) քույրը։ Երկու դուստրերն էլ նկարելու արվեստը սովորեցրել է իրենց մայրը։
1670 թվականին ընտանիքը տեղափոխվել է Նյուրնբերգ[7]՝ քաղաք, որտեղ ծնվել է նրա հայրը։ 1681 թվականին մայրն ու դուստրերը վերադարձել են Ֆրանկֆուրտ՝ ծեր մոր մոտ։ Նրա ամուսինը՝ նկարիչ Յակոբ Մարելը, մահացել էր։ Հետագայում հայրը միացել է ընտանիքին։ Այնուամենայնիվ, 1686 թվականին մայրը կրկին լքել է ամուսնուն և դուստրերի հետ տեղափոխվել Վյուվերտի (Ֆրանսիա) բողոքական լաբադիստական համայնք։ Հաշտեցման անօգուտ փորձերից հետո հայրը վերադարձել է Նյուրնբերգ։ 1691 թվականին՝ համայնքի վերացումից հետո, Յոհաննա Հելենան տատի, մոր ու քրոջ հետ տեղափոխվել է Ամստերդամ։ Այստեղ 1692 թվականի հունիսի 28-ին նա ամուսնացել է ծագումով Վյուվերտից նախկին վաճառական Յակոբ Հենդրիկի Հերոլտի հետ (ծնված 1660 թվականին), որն առևտրային հետաքրքրություններ ուներ Նիդեռլանդների Գվիանայում։ Այս ամուսնության ընթացքում ծնվել է մեկ կամ երկու երեխա։
Ամստերդամում Յոհաննա Հելենան իր քրոջ՝ Դորոթի Մարիայի հետ աշխատել է Աննա Մարիա Սիբիլլա Մերիանի մոր ստուդիայում։ Նկարչուհիները նկարում էին բույսեր, թռչուններ և միջատներ։ Նրանք ստեղծել են ջրանկարներ «Թրթուր գիրք»-ի համար, որտեղ թրթուրներ և թիթեռներ են պատկերված իրենց զարգացման բոլոր փուլերում։
Ագնես Բլոկի պատվերով նկարչուհին մայրիկի հետ նկարել է հաճախորդի պարտեզից բույսեր պատկերող նկարների շարք։ Բացի այդ, նրան առաջարկել են Ամստերդամի բուսաբանական այգուց էկզոտիկ և հազվագյուտ բույսեր նկարել։ Նրա աշխատանքներին բնորոշ է քանդակագործական տեսքը, որն ընդգծում է շինարարության պատրանքը։ 1711 թվականին նա մեկնել է Նիդերլանդական Գվիանա՝ տեղական ֆաունան ուսումնասիրելու և «Թրթուր գրքի» երրորդ հատորի համար ջրանկարներ անելու։ Գիրքը պարունակում է նրա մոր աշխատանքների շուրջ կես հարյուրյակը։ Եվրոպացի կոլեկցիոներների պատվերով ստեղծել են տեղի միջատների, ձկների և սողունների մի շարք պատկերներ։ Երբ 1714 թվականինին մայրը կաթվածահար է եղել, Յոհաննա Հելենան կարճ ժամանակով վերադարձել է Ամստերդամ, որտեղ մի քանի նկար է ստեղծել Աննա Մարիա Սիբիլի Մերանի անվան տակ։ Որոշ աշխատանքներ պարունակում են երկուսի ստորագրությունը։ Նկարչուհու մահվան ճշգրիտ ժամանակը և վայրը հայտնի չէ։ Նա, հավանաբար, մահացել Է Նիդեռլանդների Գվիանայում 1723 թվականին։
Պատկերասրահ խմբագրել
,_two_bluebells_(Scilla_non-scripta),_and_insects.jpg)
Ծանոթագրություններ խմբագրել
- ↑ 1,0 1,1 RKDartists (նիդերլ.)
- ↑ 2,0 2,1 2,2 2,3 2,4 Biografisch Portaal — 2009.
- ↑ 3,0 3,1 3,2 Union List of Artist Names — 2017.
- ↑ 4,0 4,1 4,2 The Stuttgart Database of Scientific Illustrators 1450–1950
- ↑ 5,0 5,1 5,2 RKDartists (նիդերլ.)
- ↑ 6,0 6,1 6,2 6,3 6,4 6,5 https://resources.huygens.knaw.nl/vrouwenlexicon/lemmata/data/graff
- ↑ Johanna Helena Herolt
Արտաքին հղումներ խմբագրել
- Graff, Johanna Helena (1668-na 1723) // Nederlandse Geschiedenis (նիդեր.)
- Maria Sibylla Merian & Daughters: Women of Art and Science // The Getty (անգլ.)
 | Վիքիպահեստն ունի նյութեր, որոնք վերաբերում են «Յոհաննա Հելենա Հերոլտ» հոդվածին։ |