Մրգօղի
Մրգօղի, քաղցր մրգահատապտղային ոգելից խմիչք։ Թնդությունը՝ 18-20 %, շաքարի պարունակությունը՝ 28-40 %: Պատրաստվում է ալկոհոլային հյութերից, շաքարային օշարակից, ռեկտիֆիկացված սպիրտից, կիտրոնաթթվից և փափկեցված ջրից։
Կախված պատրաստման եղանակից՝ մրգօղու հասունացման ժամկետը կազմում է մեկ ամսից մինչև կես տարի։ Տարբերակում են ուշահաս, միջինահաս և արագահաս մրգօղիներ[1]։
Ուշահաս մրգօղիներ պատրաստելիս հիմնականում, բայց ոչ միշտ, օգտագործում են երկար պահպանման ժամկետ ունեցող միրգ, մասնավորապես՝ հունդավորներ և որոշ կորիզավորներ։ Օրինակ՝ խնձոր, տանձ, արոս, սերկևիլ և այլն։ Ուշահաս մրգօղի պատրաստելու համար օգտագործվում է կոկռոշ[1], որն ունի պահպանման սահմանափակ ժամկետ (10-15 օր՝ 0 °C[2]): Ուշահաս մրգօղիները հասունանում են 3-6 ամսվա ընթացքում[1]։
Միջինահաս մրգօղիները պատրաստվում են միակորիզավորներից (բալ, սալոր) և հատապտուղներից, որոնց պահպանման ժամկետը մոտ 10-15 օր է՝ 0 °C ջերմաստիճանի պայմաններում[2] (հաղարջ, հապալաս)։ Այդպիսի մրգօղիները հասունանում են 1,5-2,5 ամիս անց[1]։
Պահպանման կարճ ժամկետ ունեցող հատապտուղները (մոտավորապես 3-5 օր՝ 0 °C ջերմաստիճանի պայմաններում), ինչպես օրինակ՝ ազնվամորին և իծամորին[2], օգտագործվում են արագահաս մրգօղիների պատրաստման համար, որոնք հասունանում են մեկ ամսվա ընթացքում[1]։
Սննդի արդյունաբերության մեջ մրգօղիները պատրաստվում են լիկյոր-օղի արտադրող գործարաններում։ Արտադրության ծավալները՝ օղու հետ կապված, մեծ չեն, իսկ տեխնոլոգիական տեսանկյունից պատրաստումն ավելի բարդ է, քանի որ բացի հիմնական հումքից՝ սպիրտից և ջրից, պահանջվում են սպիրտային հյութերի, շաքարային օշարակի, բուրումնավետ սպիրտի կիսաֆաբրիկատներ, ներկանյութեր և այլ բաղադրիչներ։
Ծանոթագրություններ խմբագրել
- ↑ 1,0 1,1 1,2 1,3 1,4 «Наливки». Sochi.Org.Ru. Արխիվացված օրիգինալից 2012 թ․ փետրվարի 8-ին. Վերցված է 12.01.2010-ին.
- ↑ 2,0 2,1 2,2 «Хранение урожая». Библиотекарь.Ру. Արխիվացված օրիգինալից 2012 թ․ փետրվարի 8-ին. Վերցված է 12.01.2010-ին.
Գրականություն խմբագրել
- Багриновский Г. Ю. Энциклопедический словарь спиртных напитков. — М.: Астрель:АСТ, 2008. — 1342 с. — ISBN 978-5-17-016166-9, 978-5-271-06543-9
- Рецептуры ликёро-водочных изделий и водок / под. ред. А. И. Ковалевской. — М.: Московская типография № 8 Союзполиграфпрома при Государственном комитете СССР по делам издательств, полиграфии и книжной торговли, 1981. — 352 с.
- Каталог ликёро-водочных изделий. — М.: ПРОДОФОРМЛЕНИЕ пищепромиздата МППТ СССР, 1957. — 99 с.
Արտաքին հղումներ խմբագրել
- Наливка // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- Наливка // Малый энциклопедический словарь Брокгауза и Ефрона : в 4 т. — СПб., 1907—1909.