Մուշեղ Մովսիսյան
- Վիքիպեդիայում կան հոդվածներ Մովսիսյան ազգանունով այլ մարդկանց մասին։
Մուշեղ Աբրահամի Մովսիսյան (դեկտեմբերի 26, 1956, Վաղարշապատ, Հայկական ԽՍՀ, ԽՍՀՄ - սեպտեմբերի 20, 2004, Երևան, Հայաստան), քաղաքական գործիչ, Հայաստանի Ազգային ժողովի նախկին պատգամավոր։
| Մուշեղ Մովսիսյան | |
|---|---|
| Ծնվել է | դեկտեմբերի 26, 1956 |
| Ծննդավայր | Վաղարշապատ, Հայկական ԽՍՀ, ԽՍՀՄ |
| Մահացել է | սեպտեմբերի 20, 2004 (47 տարեկան) |
| Մահվան վայր | Երևան, Հայաստան |
| Քաղաքացիություն |  ԽՍՀՄ և  Հայաստան |
| Մասնագիտություն | քաղաքական գործիչ |
| Զբաղեցրած պաշտոններ | Հայաստանի Ազգային ժողովի պատգամավոր և պառլամենտի անդամ |
Կենսագրություն խմբագրել
Մուշեղ Մովսիսյանը ծնվել է 1956 թվականի դեկտեմբերի 26-ին Էջմիածնի շրջանի Այգեկ գյուղում[1]։ 1974 թվականին ավարտել է Այգեկի միջնակարգ դպրոցը[2]։ 1975-1977 թվականներին ծառայել է խորհրդային բանակում[3]։ 1978-1980 թվականներին Էջմիածնի շրջանի «Կարմիր դրոշ» պետտնտեսությունում աշխատել է ֆիզկուլտուրայի հրահանգիչ։ 1988-1991 թվականներին Լեռնային Ղարաբաղում եղել է պարտիզանական ջոկատի մարտիկ, կամավորական, հրամանատար, 1991-1993 թվականներին՝ Էջմիածնի շրջանի և Այգեկ գյուղի շրջանային ու տեղական խորհուրդների պատգամավոր, 1993 թվականին՝ զորամասի շտաբի պետի շարային մասով օգնական, իսկ 1993-1995 թվականներին եղել է նույն զորամասի շտաբի պետի տեղակալ, պետի պաշտոնակատար։ 1994-1996 թվականներին եղել է Այգեկի գյուղխորհրդի նախագահ, իսկ 1996-1999 թվականներին՝ Այգեկի գյուղապետ։ 1999-2003 թվականներին եղել է Ազգային Ժողովի պատգամավոր (թիվ 36 ընտրատարածք)։ Եղել է Ազգային Ժողովի պաշտպանության, ազգային անվտանգության և ներքին գործերի մշտական հանձնաժողովի անդամ։ Խմբակցություններում և պատգամավորական խմբերում չի ընդգրկվել։ Եղել է «Կայունություն», այնուհետև Ագրարային-արդյունաբերական ժողովրդական միավորում պատգամավորական խմբի անդամ։ Ոչ մի կուսակցության չի պատկանել։ Մահացել է 2004 թվականի սեպտեմբերի 20-ին, 47 տարեկան հասակում[4]։
Անձնական կյանք խմբագրել
Ամուրի է։
Ծանոթագրություններ խմբագրել
- ↑ «National Assembly of Armenia | Official Web Site | parliament.am». www.parliament.am. Վերցված է 2021 թ․ հունիսի 24-ին.
- ↑ «Мовсисян Мушег Абраамович — Энциклопедия фонда «Хайазг»». ru.hayazg.info. Վերցված է 2021 թ․ հունիսի 24-ին.
- ↑ Эчмиадзин, Мушег Абраамович Мовсисян арм Մուշեղ Մովսիսյան Армянский депутат Дата рождения: 26 декабря 1956Место рождения:; Ереван, Армянская ССР Дата смерти: 20 сентября 2004Место смерти:; Армения. «Мовсисян, Мушег Абраамович - это... Что такое Мовсисян, Мушег Абраамович?». Словари и энциклопедии на Академике (ռուսերեն). Վերցված է 2021 թ․ հունիսի 24-ին.
{{cite web}}: CS1 սպաս․ թվային անուններ: authors list (link) CS1 սպաս․ հավելյալ կետադրություն (link) - ↑ «ՎԱԽՃԱՆՎԵՑ ՄՈՒՇԵՂ ՄՈՎՍԻՍՅԱՆԸ». A1Plus. Վերցված է 2021 թ․ հունիսի 24-ին.