Մոնլյուսոն

Անվան այլ կիրառումների համար տե՛ս՝ Մոնլյուսոն (այլ կիրառումներ)

Մոնլյուսոն (ֆր.՝ Montluçon), համայնք Ֆրանսիայում, ամենամեծ քաղաքը Ալյե դեպարտամենտում՝ Օվերն մարզում։ Քաղաքի կազմի մեջ են մտնում 12 կանտոններ։

Բնակավայր
Մոնլյուսոն
ֆր.՝ Montluçon
Դրոշ Զինանշան
Երկիր	Ֆրանսիա
Մակերես	20,67 կմ²
ԲԾՄ	207 մետր
Բնակչություն	▼33 342 մարդ (հունվարի 1, 2021)
Ժամային գոտի	UTC+1 և UTC+2
Փոստային դասիչ	03100
Պաշտոնական կայք	montlucon.com​(ֆր.)
Մոնլյուսոն (Ֆրանսիա)
Մոնլյուսոն Վիքիպահեստում

Բուրբոնի հերցոգների դղյակը

Սուրբ Պետրոսի եկեղեցին

Համայնքի INSEE կոդ՝ 03185։

Բնակչություն

Համայնքի բնակչությունը 2008 թվականին կազմում էր 39 492 մարդ։

Բնակչության թվաքանակը
(Աղբյուր: INSEE)

1962	1968	1975	1982	1990	1999	2006	2008
55 184	57 871	56 468	49 912	44 248	41 362	39 889	39 492

Աշխարհագրություն

Մոնլյուսոնը գտնվում է Ֆրանսիայի կենտրանական մասում՝ Ալյե դեպարտամենտի հյուսիս-արևմուտքում։ Քաղաքն ընկած է Շեր գետի վերին հոսանքում՝ բլրի վրա։

Պատմություն

Մոնլյուսոնը, որը նախկինում Բուրբոնների հերցոգության կազմում էր, 1171 թվականին գրավվեց անգլիացիների կողմից, իսկ այնուհետ Ֆիլիպ II Օգոստոսի կողմից՝ 1181 թվականին։

XIV դարում Լուի II Բուրբոն Կոնդեն կառուցեց ամրոց և պատնեշ։ 1529 թվականին Մոնլյուսոնը և Բուրգունդիայի քաղաքները անցան ֆրանսիական տիրապետության ներքո իսկ Հենրի IV արքան ամրացնում է այն։

1791 թվականին քաղաքը դառնում է վարչական կենտրոն իսկ այնուհետ Բարրի ջրանցքի և երկաթուղու շնորհիվ՝ արդյունաբերական կենտրոն։

Երկրորդ համաշխարհային պատերազմի ժամանակ գերմանացիրները օկուպացրին անվադողերի գործարանը՝ Dunlop Tyres-ը և կառուցեցին սինթետիկ կաուչուկի ստացման լաբորատորիա։ Քաղաքը բազմիցս ռմբակոծվել է խորհրդային զորքերի կողմից՝ արդյունաբերական պոտենցիալը վերացնելու նպատակներով։

Տնտեսություն

Քաղաքը արդյունաբերական կենտրոն է։ Քաղաքի ինդուստրացումը վերելք ապրեց Բերրիի ջրանցքի կառուցումից հետո՝ 1841 թվականին։

Քաղաքում կան մեքենաշինական, քիմիական, էլեկտրոտեխնիկական և կահույքի գործարաններ։

Տրանսպորտ

• Օդային՝ փոքր օդանավակայանը գտնվում է Մոնլյուսոնից 30 կմ հեռավորության վրա։ Կատարվում է ուղիղ թռիչք դեպի Փարիզ։ Իսկ միջազգային թռիչքներն իրականացվում են Կլերմոն Ֆերրանի օդակայանից։
• Ցամաքային՝ երկաթուղային և ավտոմոբիլային տրանսպորտի առկայություն։

Հայտնի մարդիկ

• Անդրե Մեսսաժե՝ ֆրանսիացի կոմպոզիտոր
• Ռոբեր Սոետան՝ ֆրանսիացի ջութակահար
• Օդրի Տոտու՝ ֆրանսիացի կինոդերասանուհի

Քույր քաղաքներ

• Գերմանիա Հագեն

Տեսարժան վայրեր

• Հին քաղաք
• Սուրբ Պետրոսի ռոմանական եկեղեցի (XII—XIII դարեր)
• Նոտր Դամ ռոմանագոթական եկեղեցի (XIV դար)
• Բուրբոնի հերցոգների դղյակ (XIII դարի կեսեր)
• Երաժշտության և ֆրանսիական դիմադրության թանգարաններ
• Դը լա Լուվյեր թանգարան-ամրոց

Տես նաև

• Ֆրանսիայի շրջանների ցանկ

Արտաքին հղումներ

• Site officiel de la mairie de Montluçon
• Société savante d'histoire et d'archéologie de la ville de Montluçon installée au Château de Bien-Assis
• Site officiel de l'Office de Tourisme de la Vallée de Montluçon
• Forum non officiel sur la ville de Montluçon

Վիքիպահեստն ունի նյութեր, որոնք վերաբերում են «Մոնլյուսոն» հոդվածին։