Մկրտիչ Հաճյան
Մկրտիչ Շահենի Հաճյան (հունվարի 11, 1915, Ստամբուլ, Օսմանյան կայսրություն - նոյեմբերի 25, 1985[1], Մեխիկո, Մեքսիկայի Միացյալ Նահանգներ[2]), գրող, գյուտարար, երաժշտության քննադատ, նկարիչ։
Մկրտիչ Հաճյան արմտ. հայ.՝ Մկրտիչ Շահէն Հաճեան | |
|---|---|
 | |
| Ծնվել է | հունվարի 11, 1915 |
| Ծննդավայր | Ստամբուլ, Օսմանյան կայսրություն |
| Վախճանվել է | նոյեմբերի 25, 1985[1] (70 տարեկան) |
| Մահվան վայր | Մեխիկո, Մեքսիկայի Միացյալ Նահանգներ |
| Քաղաքացիություն |  Թուրքիա և  Ֆրանսիա |
| Կրթություն | Կեդրոնական վարժարան (1933) |
| Մասնագիտություն | գրող, նկարիչ, երաժշտական քննադատ և գյուտարար |
Կենսագրություն խմբագրել
Ավարտել է Կ. Պոլսի Կեդրոնական վարժարանը (1933) և համալսարանի դեղագործական ֆակուլտետը (1938)։ 1952-1957 թվականներին ապրել է Ֆրանսիայում, ապա հաստատվել Մեխիկոյում։ 1959 թվականին Փարիզում մասնակցել է պետական քննություններին և ստացել երաժշտական քննադատի վկայական։ Մեխիկոյում կազմակերպել է արհեստական մարմարի արտադրություն (նրան պատկանում է քիմիական եղանակով արհեստական մարմար ստանալու գյուտը)։ Գրել է «Կնատյացը» (1949), «Աստղահարը» (1982, Ալեք Մանուկյան մշակութային հիմնադրամի թատերական մրցանակ) պիեսները[3]։
Ստեղծագործություններ խմբագրել
Հաճյանի «Բոցեր» (1973)[4] և «Հողեն երկինք» (1977) ժողողվածուները (երկուսն էլ՝ Ալեք Մանուկյան մշակութային հիմնադրամի գրական մրցանակ) խոհաքնարական բանաստեղծություններ են ամփոփում։ Թարգմանել է Է. Ռոստանի «Սիրանո դը Բերժըրակ» (1949), Կ. Գոլդոնիի «Հյուրանոցի տիրուհին» (1950), Ժ. Անույի «Ռոմեո և Ժանեթ» (1950) պիեսները։
Ցուցահանդեսներ խմբագրել
Նկարչական գործերի (վերացապաշտական) ցուցահանդեսներ է ունեցել Մեխիկոյում, Նյու Յորքում, Բոստոնում և Երևանում (1977, նվիրել է ՀԱՊ-ին)։
Ծանոթագրություններ խմբագրել
- ↑ 1,0 1,1 1,2 http://am.hayazg.info/index.php?curid=7920
- ↑ Էզմե
- ↑ Paris, Bibliothèque de l'Eglise apostolique arménienne -. «Bibliothèque de l'Eglise apostolique arménienne - Paris - Հաճեան , Մկրտիչ». www.bibliotheque-eglise-armenienne.fr. Վերցված է 2016 թ․ նոյեմբերի 24-ին.
- ↑ Հաճեան, Մկրտիչ (1973 թ․ հունվարի 1). Բոցեր: քերթուածներ (Armenian).
{{cite book}}: CS1 սպաս․ չճանաչված լեզու (link)
Աղբյուրներ խմբագրել
- Garo Kurkman, Armenian painters of Ottoman Empire, Volume I, Matusalem Publications, Istanbul, April, 2004.
Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|
| Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 86)։
|