Միխայիլ Մատյուշկին
Միխայիլ Աֆանասևիչ Մատյուշկին (ռուս.՝ Михаил Афанасьевич Матюшкин, 1676 - ապրիլի 17, 1737), ռուս ռազմական գործիչ, ռուսական բանակի գեներալ-անշեֆ (1726)։
| Միխայիլ Մատյուշկին | |
|---|---|
| Ծնվել է | 1676 |
| Մահացել է | ապրիլի 17, 1737 |
| Քաղաքացիություն |  Ռուսական թագավորություն |
| Մասնագիտություն | ռազմական գործիչ |
| Ծնողներ | հայր՝ Afanasy Matyushkin? |
| Պարգևներ և մրցանակներ |  |
| Երեխաներ | Dmitry Matyushkin? |
Եղել է Պետրոս I-ի արտաքին քաղաքականության կողմնակիցներից, ակտիվորեն մասնակցել նրա մղած ռազմական գործողություններին (Ազովի, Սև, Բալթիկ, Կասպից ծովերը կատարած արշավանքներին)։ Պարսկական արշավանքի ժամանակ, որպես 4 գնդից կազմված զորախմբի հրամանատար, մասնակցել է Ապշերոնյան թերակղզում մղված մարտերին, հատկապես աչքի ընկել Բաքվի գրավման (1723 թվականի հուլիսին) մարտերում։ Մատյուշկինի կորպուսում են գործել Հայկական էսկադրոնը և Հայ-վրացական միացյալ էսկադրոնը։ Մատյուշկինի անմիջական նախաձեռնությամբ հայազգի մարտիկներին 1725 թվականին շնորհվել են զինվորական աստիճաններ, հայկական զորամասերը ընդգրկվել են ռուսական ինտենդանտական սպասարկման մեջ։ Մատյուշկինը սերտ կապեր է հաստատել Արցախի հայ ազատագրական շարժման գործիչների հետ։ Պետրոս I-ի մահից (1725 թվական) հետո, երբ Եկատերինա I հրաժարվել է շարունակել նրա Արևելյան քաղաքականությունը, Մատյուշկինը հրաժարականով հեռացել է Կովկասից։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 292)։ 
|
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |