Միխայիլ Գելֆանդ
Միխայիլ Գելֆանդ (ռուս.՝ Михаил Гельфанд, հոկտեմբերի 25, 1963, Մոսկվա, ԽՍՀՄ), ռուսաստանցի գիտնական, ֆիզիկամաթեմատիկական գիտությունների թեկնածու (1993), կենսաբանական գիտությունների դոկտոր (1998), բիոինֆորմատիկայի պրոֆեսոր (2007)[2]։
Միխայիլ Գելֆանդ Михаил Сергеевич Гельфанд | |
|---|---|
 | |
| Ծնվել է | հոկտեմբերի 25, 1963 (60 տարեկան) Մոսկվա, ԽՍՀՄ |
| Քաղաքացիություն |  ԽՍՀՄ և  Ռուսաստան |
| Մասնագիտություն | bioinformatician և հետազոտող |
| Հաստատություն(ներ) | Ալեկսանդր Խարկևիչի անվան տեղեկատվության փոխանցման խնդիրների համալսարան, Սկոլկովոյի գիտության և տեխնոլոգիայի ինստիտուտ, Էկոնոմիկայի բարձրագույն դպրոց և Մոսկվայի պետական համալսարան |
| Գործունեության ոլորտ | կենսաինֆորմատիկա և գենետիկա |
| Անդամակցություն | Ռուսական ընդդիմության կոորդինացման խորհուրդ և Եվրոպական ակադեմիա[1] |
| Ալմա մատեր | ՄՊՀ մեխանիկա-մաթեմատիկական ֆակուլտետ |
| Կոչում | պրոֆեսոր |
| Գիտական աստիճան | կենսաբանական գիտությունների դոկտոր և ֆիզիկամաթեմատիկական գիտությունների թեկնածու |
| Տիրապետում է լեզուներին | ռուսերեն և անգլերեն |
| Կուսակցություն | Ռուսական ընդդիմության կոորդինացման խորհուրդ |
| Հայր | Սերգեյ Գելֆանդ |
 Mikhail Gelfand Վիքիպահեստում | |
Կենսագրություն խմբագրել
Միխայիլ Գելֆանդի պապը ՝ Իզրաիլ Գելֆանդը, եղել է ԽՍՀՄ֊ում հայտնի մաթեմատիկոս, Մոսկվայի պետական համալսարանում բազմաթիվ մաթեմատիկական խմբակների հիմնադիր[3]։ Բացի մաթեմատիկայից, Իզրաիլ Գելֆանդը մի շարք աշխատություններ է հեղինակել ՝ կենսաբանության, նեյրոֆիզիոլոգիայի և բժշկության ասպարեզներում։
Միխայիլը, հետևելով Իզրաիլ Գելֆանդի օրինակին, ավարտել է Մոսկվայի պետական համալսարանի մեխմաթի ֆակուլտետը, այնուհետև շարունակել է իր աշխատանքները բիոինֆորմատիկայի և կենսաբանության բնագավառներում։
Միխայիլ Գելֆանդը Մոսկվայի Մ. Վ. Լոմոնոսովի անվան պետական համալսարանի պրոֆեսոր է, որտեղ նա դասավանդում է Բիոինժեներիա և բիոինֆորմատիկա ֆակուլտետում։
Գելֆանդը հանդիսանում է նաև «Троицкий вариант — наука» թերթի խմբագրի տեղակալը[4][5]։
Գիտական գործունեություն խմբագրել
Գելֆանդի գիտական հետազոտությունների շրջանակը կազմում են ՝ համեմատական գենոմիկան, մետագենոմիկան, գեների և գենոմի ֆունկցիոնալ գործունեության և նյութափոխանակության հիման վրա կատարվող վերակառուցումները, կարգավորող ազդանշանների որոնումը, նյութափոխանակության և կարգավորող ուղիների էվոլյուցիան, այլընտրանքային սփայսինգը, ԴՆԹ հաջորդականությունների վիճակագրությունը։
Հասարակական գործունեություն խմբագրել
Միխայիլ Գելֆանդը «Диссернет» առցանցային նախագծի հիմնադիրներից մեկն է, որը զբաղվում է գիտական կոչումների հանձնման և թեզերի պաշտպանության ոլորտում գրանցվող չարաշահումների և մեքենայությունների բացահայտումներով։
Գելֆանդը հանդիսանում էր Ռուսական ընդդիմության կոորդինացման խորհրդի (22 հոկտեմբեր 2012 թվական ֊ 19 հոկտեմբեր 2013 թվական) անդամ, որտեղ նա հակադրվում էր ուլտրանացիոնալիստական ուժերին և պաշտպանում էր գիտական համայնքի շահերը։
Գելֆանդը տարատեսակ ուսուցողական միջոցառումների մշտական մասնակից է։ Նա կարդում է դասախոսություններ ՝ բիոինֆորմատիկա, բիոքիմիա և մաթեմատիկա թեմաներով ։ Նա "Էվոլյուցիա" հիմնադրամի ղեկավարներից մեկն է, որը ստեղծված է գիտա֊լուսավորական գաղափարների տարածմանը օժանդակելու համար[6]։
Ծանոթագրություններ խմբագրել
- ↑ https://www.ae-info.org/ae/User/Gelfand_Mikhail
- ↑ Միխայիլ Գելֆանդ, Ատրոպոգենեզ.ռու
- ↑ Միխայիլ Գելֆանդ
- ↑ «Троицкий вариант — наука» կայքի խմբագրությունը
- ↑ «Guademaus ուսանողական թերթին տված հարցազրույցը». Արխիվացված է օրիգինալից 2016 թ․ սեպտեմբերի 7-ին. Վերցված է 2016 թ․ նոյեմբերի 24-ին.
- ↑ "Էվոլյուցիա" հիմնադրամ