Վիքիպեդիա

Մերիլին Միլլեր

ամերիկացի դերասանուհի և պարուհի

Մերիլին Միլլեր (անգլ.՝ Marilyn Miller, ծննդյամբ՝ Մերի Էնն Ռեյնոլդս (անգլ.՝ Mary Ellen Reynolds, սեպտեմբերի 1, 1898(1898-09-01)[1][2][3][…], Էվանսվիլ, Ինդիանա, ԱՄՆ - ապրիլի 7, 1936(1936-04-07)[1][2][4][…], Նյու Յորք, Նյու Յորք, ԱՄՆ), ամերիկացի դերասանուհի և պարուհի, 1920-ական թվականներին եղել է Բրոդվեյի ամենահայտնի աստղերից մեկը։

Մերիլին Միլլեր
Դիմանկար
Ծնվել էսեպտեմբերի 1, 1898(1898-09-01)[1][2][3][…]
ԾննդավայրԷվանսվիլ, Ինդիանա, ԱՄՆ
Մահացել էապրիլի 7, 1936(1936-04-07)[1][2][4][…] (37 տարեկան)
Մահվան վայրՆյու Յորք, Նյու Յորք, ԱՄՆ
ԳերեզմանՎուդլոն
Քաղաքացիություն ԱՄՆ
Մայրենի լեզուամերիկյան անգլերեն
Մասնագիտությունթատրոնի դերասանուհի, կինոդերասանուհի, երգչուհի և պարուհի
ԱմուսինFrank Carter?[5], Ջեք Փիքֆորդ[6] և Chester O'Brien?[7][8]
Պարգևներ և
մրցանակներ
 Marilyn Miller Վիքիպահեստում

Կարիերա խմբագրել

Ծնվել է Էվենսվիլլում՝ Ինդիանա նահանգում, հեռախոսային մալուխագործ Էդվին Դ. Ռեյնոլդսի և իր ամուսին Ադի Լինն Թոմփսոնի ընտանիքում[9][10]։ Իր առաջին ելույթները ցուցադրել է չորս տարեկանում՝ երաժշտական տրիո խմբում, որի կազմում նաև իր մեծ քույրն էր։ Նրանց բեմադրությունները բավականին հայտն էին, և նրանց մանկական խումբը սկսում է շրջել ողջ Միջին արևմուտքում, ինչպես նաև մի շարք ելույթներ է ունենում Եվրոպայում։ Որպես բեմական անուն՝ նա սկսել է օգտագործել Օսկար Կարո Միլլերի խորթ հոր ազգանունը, ինչպես նաև վերցրել է մոր երկրորդ անունը և ավելացրել իր առաջին անվանը[9][11]։

1914 թվականին նա արժանացել է մի թատերական պրոդյուսերի ուշադրությանը, որի շնորհիվ 1914 թվականին Բրոդվեյում ունենում է իր առաջին ելույթը։ Չորս տարի հետո նրան նկատում է հայտնի թատերական իմպրեսարիո Ֆլորենս Զիգֆելդ և հրավիրում է երիտասարդ Միլլերին իր հայտնի «Զիգֆելդի խենթությունները» ներկայացմանը։ Զիգֆելդի հետ նրա համագործակցությունը տևել է չորս տարի, որի ընթացքում դարձել է Բրոդվեյի ամենապայծառ և ամենահայտնի աստղերից մեկը։ 1920-ական թվականների կեսերին Միլլերը պայմանագրով աշխատել է մեկ այլ թատերական պրոդյուսերի՝ Չարլզ Դիլլինեմի հետ, ում հետ աշխատելու արդյունքում ձեռք է բերել ավելի մեծ ճանաչում, ինչպես նաև դարձրել է Բրոդվեյի ամենաշատ վարձատրվող աստղը։ Միլլերի կինոկարիերան եղել է կարճ և պակաս հաջող, քան իր բեմական գործունեությունը։ Նա նկարահանվել է ընդամենը երեք կինոնկարում՝ «Սալլի» (1929), «Արև» (1930), «Նորին մեծություն, սեր» (1931)։ 1930-ական թվականների սկզբին Միլլերը Բրոդվեյում շարունակել է ելույթներ ունենալ, իսկ 1934 թվականին լքել է բեմը, որից հետո իր ամուսինը՝ Չեստեր Օ’բրայենը իր մասնակցությամբ բեմադրությունից հեռացվել է։

Անձնական կյանք խմբագրել

Միլլերը երեք անգամ ամուսնացել է։ Նրա առաջին ամուսինը՝ դերասան և պարող Ֆրենկ Կարտերը[12], հարսանիքից մեկ տարի անց զոհվել է ավտովթարից։ 1922 թվականին ամուսնացել է հայտնի դերասանուհի Մերի Փիքֆորդի եղբոր՝ դերասան Ջեկ Փիքֆորդի հետ։ Փիքֆորդը ուներ թմրադեղերի և ալկոհոլի հետ կապված խնդիրներ, և 1926 թվականին զույգը բաժանվել է[13]։ 1930 թվականին նա դերասան Մայք Ֆարմերի հետ ունեցել է կարճ սիրավեպ, ով հետագայում դարձել է Գլորիա Սվանսոնի ամուսինը[14]։ 1932 թվականին նա հայտարարել է դերասան Դոն Ալվարադոյի հետ ամուսնանալու իր մտադրության մասին, սակայն հարսանիքն այդպես էլ չի կայացել[15]։ 1934 թվականին ամուսնացել է պարող Չեստեր Օ’բրայենի հետ, ով իրենից 12 տարով փոքր էր[16][17]։

Երկար տարիներ Միլլերը տառապել է սինուսիտով, որի պատճառով ձեռք է բերել ալկոհոլից կախվածություն։ Կյանքի վերջին տարիներին հաճախ ունենում էր դեպրեսիաներ և նյարդային խանգարումներ, որից մեկի ժամանակ հոսպիտալացվում է Նյու Յորքի կլինիկաներից մեկում[18]։ Այնտեղ նրա քթի խոռոչը վիրահատել են, որից հետո նա հանկարծ մահացել է բարդություններից։ Հրաժեշտի արարողությունը տեղի է ունեցել Պարկ ավենյուի Սուրբ Բարդուղիմեոսի եպիսկոպոսական եկեղեցում՝ որին ներկա են եղել ավելի քան երկուսուկես հազար մարդ, որոնց թվում են եղել Նյու Յորքի նախկին քաղաքապետ Ջեյմս Ջոն Ուոքերը, Բեատրիս Լիլին եւ Բիլլի Բերկը։ Մերիլին Միլլերը հուղարկավորվել է Բրոնքս քաղաքի Վուդլոն գերեզմանատանը՝ ամուսնու կողքին գտնվող գերեզմանում։

1946 թվականին Ջուջի Հարլենդը խաղացել Է Ջերոմ Քերնի կենսագրական՝ «Քանի դեռ ամպերը լողում են» ֆիլմում։ 1949 թվականին «Արծաթե երեսպատում փնտրելով» կենսագրության մեջ Ջուն Հևերը էկրաններին մարմնավորել է դերասանուհու կերպարը։ 1960 թվականին Մերիլին Միլլերի անունով Հոլիվուդյան փառքի ծառուղում դրվել է աստղ։

Ծանոթագրություններ խմբագրել

  1. ↑ 1,0 1,1 1,2 1,3 1,4 Encyclopædia Britannica
  2. ↑ 2,0 2,1 2,2 2,3 2,4 Internet Broadway Database — 2000.
  3. ↑ 3,0 3,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
  4. ↑ 4,0 4,1 4,2 Lundy D. R. The Peerage
  5. ↑ Marilynn Miller Married — The New York Times, 1919.
  6. ↑ Lundy D. R. The Peerage
  7. ↑ Marilyn Miller Wed to Chester L. O'Brien // The New York Times / J. Kahn — Manhattan, NYC: New York Times Company, A. G. Sulzberger, 1934. — ISSN 0362-4331; 1553-8095; 1542-667X
  8. ↑ Charge of Support by Wife Irked O'Brien // The New York Times / J. Kahn — Manhattan, NYC: New York Times Company, A. G. Sulzberger, 1937. — ISSN 0362-4331; 1553-8095; 1542-667X
  9. ↑ 9,0 9,1 «Marilyn Miller’s Mother Dies», The New York Times, 20 March 1942, page 19
  10. ↑ «Marilyn Miller, Stage Star, Dies». The New York Times. 1936 թ․ ապրիլի 8. Վերցված է 2010 թ․ հուլիսի 22-ին.
  11. ↑ «Marilyn Miller, Stage Star, Dies», The New York Times, 8 April 1936
  12. ↑ «Marilynn [sic] Miller Married», The New York Times, 20 June 1919
  13. ↑ «Marilyn Miller Gets French Divorce», The New York Times, 3 November 1927
  14. ↑ «Marilyn Miller Engaged to Wed». The New York Times. 24 March 1930.
  15. ↑ «Marilyn Miller To Be Wife of Don Alvarado». The New York Times. 10 December 1932.
  16. ↑ «Marilyn Miller Wed to Chester L. O’Brien: Musical Comedy Star Bride of Dancer Who Was in Chorus», The New York Times, 4 October 1934
  17. ↑ «Charge of Support By Wife Irked O’Brien: Marilyn Miller’s Sister Says He Resented Talk — Neglect of Her Denied in Court», The New York Times, 20 April 1937
  18. ↑ «Marilyn Miller Worse», The New York Times, 31 March 1936

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Մերիլին Միլլեր» հոդվածին։
Ստացված է «https://hy.wikipedia.org/w/index.php?title=Մերիլին_Միլլեր&oldid=9828016» էջից