Մեծ Բուդդա
Տյանտյան Բուդդա, հայտնի է նաև Մեծ Բուդդա (չին.՝ 天壇大佛), Բուդդայի բրոնզե մեծ արձան, տեղադրված է Հոնկոնգում՝ Լանտաու կղզում։ Մոտ է Պո Լին վանքին։ Խորհրդանշում է մարդու և բնության հարաբերության ներդաշնակությունը։ Բուդդիզմի կարևոր կենտրոն է Հոնկոնգում, ինչպես նաև՝ հայտնի զբոսաշրջային կենտրոն[1]։
 | |
|---|---|
 | |
| տեսակ | արձան և տեսարժան վայր |
| տարի | 1990 |
| բարձրություն | 26,4 մետր, 34 մետր |
| ժանր | հանրային արվեստ |
| նյութ | բրոնզ |
| գտնվում է | Ngong Ping? |
| քաղաք | Հոնկոնգ |
| հիմնական թեմա | Բուդդա |
պատկերված են
| |
| կայք | |
 Tian Tan Buddha Վիքիպահեստում | |
Նկարագրություն խմբագրել
Արձանի բարձրությունը 34 մետր է (112 ֆունտ), կշիռը՝ 250 տոննա, ինչն էլ «Մեծ Բուդդային» դարձրել է ամենաբարձր բրոնզե Բուդդայի արձանը մինչև 2007 թվականը (ամենաբարձրը գտնվում է Թայվանի Գոասյուն քաղաքում)։ Որպեսզի զբոսաշրջիկները հասնեն արձանին, պետք է բարձրանան 268 աստիճան, չնայած Բուդդայի արձանի մոտ գնացող մեքենայի ոլորապտույտ ճանապարհ կա։ Արձանը դեպի հյուսիս է նայում, ինչը յուրահատուկ է, քանի որ Բուդդայի բոլոր արձանները դեպի հարավ են նայում։
Արձանի շինարարական աշխատանքները սկսվել են 1990 թվականին և ավարտվել 1993 թվականի դեկտեմբերի 29-ին։ Բացման արարողությանը հրավիրվել էին վանականներ աշխարհի տարբեր կողմերից։
Այցելություններ խմբագրել
Պո Լինի վանքը և Բուդդայի արձանը այցելուների համար բաց են տեղական ժամանակով 10:00-17:45։ Մուտքն անվճար է, սակայն «Բուդդայի» ներս մտնելու համար պետք է վճարել։ Այցելուները կարող են տեսնել նաև մոտակայքում գտնվեղ վանքը, որը հայտնի է «Բուդդայի արքայությունը հարավում» անվանումով։ Այն համարվում է Հոնկոնգի խոշոր և հայտնի կառույցներից մեկը։ Վանքը հիմնադրել են Զենի 3 վարպետներ՝ 1920 թվականին։ Զբոսաշրջիկները հաճախ իրենց ժամանակն անց են կացնում մոտակայքում գտնվող թեյի այգում։ Ոչ հեռվում վեր բարձրացող Լանտաոյի գագաթը երրորդ ամենաբարձր գագաթն է Հոնկոնգում(934մ)։
Պատկերասրահ խմբագրել
Ծանոթագրություններ խմբագրել
- ↑ Դեվոլֆ, Քրիստոֆեր «Հոնկոնգի 9 զբոսաշրջային թակարդներ ՝ դեպի լավը կամ վատը» Արխիվացված 2012-11-01 Wayback Machine CNN Go. 2010թ. հոկտեմբերի 27. Վերցված է 2012-03-03
 | Վիքիպահեստն ունի նյութեր, որոնք վերաբերում են «Մեծ Բուդդա» հոդվածին։ |