Մաքսիմ Գորկու հուշարձան (Նիժնի Նովգորոդ)
Մաքսիմ Գորկու հուշարձան (ռուս.՝ Памятник Максиму Горькому), գտնվում է Նիժնի Նովգորոդի Գորկու անվան հրապարակում։ Բացվել է 1952 թվականի նոյեմբերի 2-ին։ Գորկու յոթ մետր բարձրությամբ հուշարձանը ստեղծել են քանդակագործ Վերա Մուխինան, ճարտարապետներ՝ Վիկտոր Լեբեդևը և Պավել Շտելերը։ Հուշարձանը ձուլվել է Լենինգրադի «Մոնումենտսկուլպտուրա» գործարանում։
 | |
|---|---|
 Մաքսիմ Գորկու հուշարձանը համանուն հրապարակում | |
 | |
 | |
| Տեսակ | հուշարձան |
| Ստեղծում | 1952 |
| Երկիր |  Ռուսաստան |
| Քաղաք | Gorky Square? |
| Բնակավայր | Նիժնի Նովգորոդ |
| Հասցե | Площадь Горького |
| Ներկա վիճակ | № 5210010000 |
 Monument to Maxim Gorky (Nizhny Novgorod) Վիքիպահեստում | |
Հուշարձանը ներառված է Նիժնի Նովգորոդում գտնվող դաշնային և տարածաշրջանային նշանակության մշակութային ժառանգության օբյեկտների շարքում։
Պատմություն խմբագրել
1939 թվականին Մաքսիմ Գորկու հուշարձանի նախագծի համար հայտարարվել է Համամիութենական մրցույթ, որտեղ հաղթել է Վերա Մուխինայի նախագիծը։ Հուշարձանի իրականացման նախագծին խոչընդոտել է 1941 թվականին սկսված Հայրենական մեծ պատերազմը։ Պատերազմից հետո Գորկու հրապարակը վերակառուցվել է, և հուշարձանը բացվել է 1952 թվականի նոյեմբերի 2-ին[1]։
Գորկու հուշարձանը վեր է խոյանում հրապարակում։ Այն տեղադրված է քառանիստ պատվանդանի վրա, կարծես վեր է հառնում գրանիտե ժայռից։ Վեռա Մուխինան ստեղծել է հայրենի Նիժնի Նովգորոդում ապրելու տարիներին երիտասարդ Գորկու կերպարը. հենց այդ ժամանակաշրջանում է Գորկին գրել իր նշանավոր «Մրրկահավի երգը» («Песня о Буревестнике»):
|
Նա կանգնած է ուղիղ, ձեռքերը մեջքի հետևում, դեմքը և կրծքավանդակը դեպի հանդիպակաց քամին, որը թափահարում է ուսերի թիկնոցը։ Թիկնոցի մեծ ծալքերը ստեղծում են հուշարձանի գեղեցիկ ուրվագիծ՝ հարստացնելով ընդգծված խիստ ուղղահայց կերպարը։ Խիստ արտահայտված են մեջքն ու ձեռքերը, որոնք գրկել են միմյանց։ Այս ժեստը մեծ ներքին անհանգստություն է հաղորդում, որը զսպված է ուժեղ ցանկությամբ։ | 
|
Այլ հուշարձաններ խմբագրել
Գորկու հրապարակի հուշարձանից բացի, Նիժնի Նովգորոդում Մաքսիմ Գորկուն նվիրված ես 4 հուշարձան կա՝
- Ալյոշա Պեշկովի հուշարձանը Մ. Գորկու անվան «Կաշիրինի տնակ» մանկական թանգարանի բակում (1955-1957 թվականներ, քանդակագործ՝ Ա. Վ. Կիկին)
- Մաքսիմ Գորկու հուշարձանը Ֆեոդորովյան առափնյայում
- Մաքսիմ Գորկու հուշարձանը «Դուբկի» զբոսայգում
- Մաքսիմ Գորկու հուշարձանը Մայիսի 1-ի զբոսայգում
Ծանոթագրություններ խմբագրել
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Մաքսիմ Գորկու հուշարձան (Նիժնի Նովգորոդ) կատեգորիայում։ |