Մաքուր բանականության հավերժ փայլատակում
«Մաքուր բանականության հավերժ փայլատակում» (անգլ.՝ Eternal Sunshine of the Spotless Mind), ռոմանտիկ դրամա` ֆանտաստիկ տարրերով։ Նկարահանվել է 2004 թվականին Միշել Գոնդրիի կողմից Չարլի Կաուֆմանի սցենարով։ Ֆիլմը արժանացել է «Օսկարի» լավագույն օրիգինալ սցենարի համար։ Այն քիչ ֆիլմերից է, որտեղ Ջիմ Քերրին հանդես է գալիս ոչ կատակերգական դերում։
Սյուժեն խմբագրել
«Կարելի է ջնջել սերը հիշողությունից, բայց ջնջել այն սրտի՜ց... Դա արդեն ուրիշ պատմություն է», - ահա այս արտահայտությունը կարելի է համարել ողջ ֆիլմի գաղափարական խտացումը։ Սուրբ Վալենտինի օրը Ջոելը (Ջիմ Քերրի) սովորականի նման պատրաստվում էր գնալ աշխատանքի, բայց վերջին պահին, երկաթուղային կայարանում կանգնած, նա որոշում է գնացք նստել և գնալ Մոնտոկ։ Նա տեսնում է մի կապույտ մազերով աղջկա։ Վերջինս գնացքում իր ձեռքն է վերցնում նախաձեռնությունը և ծանոթանում Ջոելի հետ։ Ճամփորդության ընթացքում նրանք հասկանում են, որ իրենց կենսագրությունները շատ ընդհանրություններ ունեն։ Ջոելը շատ հաճախ է այցելում այն գրախանութը, որտեղ աշխատում է Քլեմենտինան (Քեյթ Ուինսլեթ)։ Նա խնդրում էր Ջոելին չերգել «Սիրելի Քլեմետինա» երգը, որը հաճախ երգում էր մուլտֆիլմի մի շուն-հերոս։ Կարճ ժամանում նրանք մտերմանում են միմյանց հետ, յուրահատուկ հանդիպում կազմակերպում՝ սառած գետի սառույցի վրա պառկած և նայելով աստղազարդ երկնքին։ Ջոելը՝ երազկոտ մելանխոլիկը, հանդիպում է կյանքով լեցուն ու աշխույժ Քլեմենտինային։ Նրանց կյանքը դառնում է վառ իրադարձությունների հրավառություն։
Մի անգամ Ջոելը գալիս է գրախանութ, որտեղ աշխատում է Քլեմետինան, նրանից ներողություն խնդրելու և նվեր մատուցելու, սական Քլեմետինան չի ճանաչում նրան և Ջոելի հետ շփվում է ինչպես անծանոթի։ Այս դեպքը շատ է զարմացնում Ջոելին, քանի դեռ նրա ընկերները նրան ցույց չեն տալիս հիշողությունների ջնջմամբ զբաղվող «Լակունա» գործակալության այցեքարտը։ Ջոելը հասկանում է, որ Քլեմենտինան օգտվել է այդ ծառայությունից՝ ջնջելով հիշողությունները՝ կապված տհաճ մարդկանց հետ։ Փետրվարի 12-ի առավոտյան Ջոելը գնում է «Լակունա», որպեսզի պատասխան տա Քլեմենտինային, և ինքն էլ ջնջի իր հիշությունները՝ կապված նրա հետ։ Բժիշկը՝ Հովարդ Մերզվիեկը (Թոմ Ուիլկինսոն), զրուցում է Ջոելի հետ։ Ի վերջո, Ջոելը որոշում է ջնջել իր բոլոր հիշողությունները Քլեմենտինայի մասին։ Ջոելը պետք է բերեր բոլոր այն իրերը, որոնք այս կամ այն չափով հիշեցնում էին Քլեմենտինային։ Ստեղծելով հիշողության քարտը՝ Ջոելին ուղարկում են իր տուն։ Տնային պայմաններում 2 մասնագետներ՝ Սթենն (Մարկ Ռուֆալո) ու Պատրիկը (Էլայջա Վուդ), իրականացնելու էին Ջոելի հիշողության ջնջման գործընթացը։ Պատրիկի անունը ինչ-որ տեղ ծանոթ թվաց Ջոելին, բայց նա չկարողացավ մտաբերել, թե որտեղ է լսել այն, և թե ինչու է այդ անունը այդքան տհաճ իրեն։ Այսպես, 2 մասնագետները սկսում են իրենց աշխատանքը։ Այդ ընթացքում Պատրիկը պատմում էր, որ մի անգամ սիրահարվել է մի հաճախորդուհու, որի հիշողությունը ջնջում էր, և անգամ գողացել նրա ներքնազգեստը։ Սա որոշ թշնամանք է առաջացնում Սթենի մոտ, և նա, հիշելով աղջկա անունը, հայտնում է, որ դա հենց Ջոելի ընկերուհին է եղել։ Ավելի ուշ նրանց է միանում Մերին (Քիրսթեն Դանսթ)` բժիշկ Մերզվիեկի քարտուղարուհին։
Հանկարծ Պատրիկին զանգահարում է Քլեմենտինան և հուզված խնդրում շտապ իր մոտ գնալ։ Ջոելը մնում է Մերիի և Սթենի հսկողության ներքո։ Վերջիններս, սակայն, չեն նկատում, որ հիշողության ջնջման գործընթացը նախատեսվածի պես չի իրականանում։ Իր ենթագիտակցության մեջ Ջոելը ակտիվորեն դիմադրում է հիշողության ջնջմանը։ Նրա գլխում մեկը մյուսի հետևից հայտնվում են տարբեր հուշեր` բերելով թախիծ ու տխրություն։ Ջոելը հիշում է Քլեմենտինայի հետ բոլոր հանդիպումները։ Աղջիկը օգնում է Ջոելին պայքարել ջնջման դեմ։ Նա միշտ հետևում է Ջոելին իր հիշողություններում։ Բերելով Քլեմենտինային իր մանուկ տարիքի հիշողությունների մեջ՝ Ջոելը փորձում է պահպանել նրա կերպարը իր հիշողության մեջ, որպեսզի արթնանալով հիշի ամեն ինչ։ Բայց այս պլանը ձախողվում է։ Հենց որ Սթենը նկատում է, որ խնդիրներ են առաջացել, շտապ կանչում է բժիշկ Մերզվիեկին։ Բժիշկը գալիս է և հարթում խնդիրները։ Քլեմենտինային մասին բոլոր հիշողությունները ջնջվում են Ջոելի ուղեղից։ Սթենը դուրս է գալիս սենյակից՝ թողնելով Մերիին և բժշկին միայնակ։ Մերին խոստովանում է բժշկի հանդեպ տածած իր զգացմունքների մասին։ Բժիշկը հորդորում է վերջ տալ և չխոստովանել այլևս ոչինչ, սակայն Մերին գրկում է նրան ու համբուրում։ Այս տեսարանի վկան պատահաբար դառնում է բժշկի կինը, ով պատուհանից տեսնում է ամեն ինչ։ Մերին ներողություն է խնդրում բժշկի կնոջից։ Պարզվում է, որ Մերին մեկ անգամ չէ, որ փորձում է մտերմանալ բժշկի հետ, և նա նույնպես դիմել է բժշկի հետ կապված իր հիշողությունները ջնջելուն։ Նա խիստ վիրավորվում է և լքում դեպքերի վայրը։ Մերին շոկի մեջ է, քանի որ չգիտեր, որ բժիշկն ամուսնացած է։ Նա որոշում է կազմակերպության հաճախորդներին ուղարկել բոլոր այն տեղեկությունները, որոնք վերաբերում են նրանց գործերին։
Քլեմենտինան մտնում է իր տուն և գտնում իր ծրարը՝ ուղարկված Մերիի կողմից։ Ծրարում Քլեմենտինայի ձայնագրությունն էր և բոլոր մանրամասները՝ կապված նրա հիշողությունների ջնջման գործընթացի հետ։ Ջոելը լսում է Քլեմենտինայի խոստովանությունները, խնդրում նրան լքել իրեն և հեռանալ։ Նա լսում է կոպիտ խոսքեր իր հասցեին Քլեմենտինայի կողմից և մտածում, որ սա ինչ-որ դաժան կատակ է։ Քլեմենտինան, լսելով ձայնագրությունը, եզրակացնում է, որ նրանք սիրավեպ են ունեցել, և այն տխուր է վերջացել։
Գնացքում հանդիպելով միմյանց՝ Ջոելը առաջարկում է նորից սկսել ամեն ինչ, և չնայած մտավախությանը, որ ամեն ինչ կարող է կրկնվել նույն կերպ, նրանք իրենց հարաբերությունները սկսում են կառուցել սկզբից։
Դերերում խմբագրել
| Դեր | Դերասան |
|---|---|
| Ջոել Բարիշ | Ջիմ Քերրի |
| Քլեմենտին Կրուցզյունսկի | Քեյթ Ուինսլեթ |
| Պատրիկ | Էլիջահ Վուդ |
| Բժիշկ Հովարդ Միերզվիակ | Թոմ Վիլքինսոն |
| Վանդակի տեքստ | Վանդակի տեքստ |
| Մերի | Քիրստեն Դանստ |
| Սթեն | Մարկ Ռուֆալո |
Ծանոթագրություններ խմբագրել
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 1,18 1,19 1,20 1,21 europeanfilmawards.eu
- ↑ 2,0 2,1 Internet Movie Database — 1990.
- ↑ http://www.kinokalender.com/film4629_vergiss-mein-nicht.html
- ↑ http://www.imdb.com/title/tt0338013/
- ↑ 5,00 5,01 5,02 5,03 5,04 5,05 5,06 5,07 5,08 5,09 http://www.filmaffinity.com/es/film982810.html
- ↑ 6,0 6,1 http://www.sinemalar.com/film/93/sil-bastan
- ↑ 7,0 7,1 7,2 7,3 http://www.allocine.fr/film/fichefilm_gen_cfilm=40191.html
- ↑ 8,0 8,1 8,2 http://www.metacritic.com/movie/eternal-sunshine-of-the-spotless-mind
- ↑ 9,0 9,1 9,2 9,3 9,4 9,5 9,6 9,7 http://www.imdb.com/title/tt0338013/fullcredits
- ↑ 10,0 10,1 10,2 Box Office Mojo — 1999.
Արտաքին հղումներ խմբագրել
- Պաշտոնական կայք
- ««Մաքուր բանականության հավերժ փայլատակում»»(անգլ.) ֆիլմը Allmovie կայքում:
- «Մաքուր բանականության հավերժ փայլատակում»(անգլ.) ֆիլմը Rotten Tomatoes կայքում
- ««Մաքուր բանականության հավերժ փայլատակում»»(անգլ.) ֆիլմը Box Office Mojo կայքում
- Eternal Sunshine of the Spotless Mind Արխիվացված 2013-03-26 Wayback Machine review by Roger Ebert
- Nick Madigan (1998 թ․ հունիսի 15). «Pic pitch plays at Propaganda». Variety.
 | Վիքիքաղվածքն ունի նյութեր, որոնք վերաբերում են «Մաքուր բանականության հավերժ փայլատակում» հոդվածին։ |