Մարկ Հերմոն
Մարկ Հերմոն (անգլ.՝ Mark Harmon, սեպտեմբերի 2, 1951[1], Բըրբանք, Լոս Անջելես շրջան, Կալիֆոռնիա, ԱՄՆ), կինոյի, հեռուստատեսության և թատրոնի ամերիկացի դերասան, որը մի քանի անգամ առաջադրվել է «Էմմի» և «Ոսկե գլոբուս» մրցանակների։ 1986 թվականին People ամսագիրը Հերմոնին ճանաչել է տարվա ամենասեքսուալ տղամարդը[2]։
 | |
|---|---|
 | |
| Ծնվել է | սեպտեմբերի 2, 1951[1] (72 տարեկան) |
| Ծննդավայր | Բըրբանք, Լոս Անջելես շրջան, Կալիֆոռնիա, ԱՄՆ |
| Կրթություն | Լոս Անջելեսի կալիֆոռնյան համալսարան (1974), Los Angeles Pierce College? (1972) և Հարվարդ-Ուեստլեյք դպրոց |
| Քաղաքացիություն |  ԱՄՆ |
| Մասնագիտություն | դերասան, հեռուստատեսային դերասան, կինոդերասան, Ամերիկյան ֆուտբոլիստ, հեռուստառեժիսոր, հեռուստատեսային պրոդյուսեր, հնչյունավորող և կինոպրոդյուսեր |
| Ծնողներ | հայր՝ Թոմ Հարմոն, մայր՝ Նոքս Էլիզ |
| Ամուսին(ներ) | Pam Dawber? |
| Երեխա(ներ) | Շոն Հարմոն |
| Պարգևներ և մրցանակներ | |
Կենսագրություն խմբագրել
Մարկի հայրը՝ Թոմ Հերմոնը, քոլեջում ուսանելու ժամանակ եղել է ազգային մակարդակով ամերիկյան ֆուտբոլի աստղ․ պրոֆեսիոնալ խաղացել է երկու տարի։ Նրա մայրը՝ Էլիզ Նոքսը, 1940 թվականին նկարահանվել է ֆիլմում։ Հերմոնն ունի երկու քույր՝ Քելին և Քրիստինը։ Մարկը ծնվել և մեծացել է Կալիֆոռնիայում, 1974 թվականին գերազանցությամբ ավարտել է Լոս Անջելեսի կալիֆոռնյան համալսարանը[3]։ Համալսարանում նա բավականին հաջող է խաղացել ամերիկյան ֆուտբոլի քվոթերբեկի դիրքում և արժանացել է Ֆուտբոլի ազգային ֆոնդի մրցանակին[4]։
1970-ական թվականների կեսին Հերմոնը սկսել է էպիզոդիկ դերեր խաղալ տարբեր հեռուստասերիալներում։ Դերասանական կարիերայի հենց սկզբից հիմնականում խաղացել է ոստիկանների և բժիշկների դերեր։ 1977 թվականին «Էլեոնոր և Ֆրանկլին։ Տարիներ Սպիտակ տանը» ֆիլմում խաղացած փոքրիկ դերի համար արժանացել է «Էմմի» մրցանակի առաջին անվանակարգին։ 1979 թվականին Հերմոնը ոստիկանների մասին «240-Ռոբերտ» հեռուստասերիալում խաղացել է գլխավոր դերերից մեկը՝ շերիֆի օգնականի դերը։ 1980 թվականին նկարահանվել է «Ֆլամինգո Ռոադ» հեռուստասերիալում, իսկ 1983-1986 թվականներին բժշկի դերում խաղացել է «Սենտ Էլսվեր» հիվանդանոցում աշխատանքի մասին պատմող հեռուստասերիալում։ 1987 թվականին Հերմոնը նկարահանվել է «Լուսնային լույս դետեկտիվ գործակալություն» կատակերգական դետեկտիվ հեռուստասերիալի չորս էպիզոդում։ 1991-1993 թվականներին ոստիկանի դերում խաղացել է «Հիմնավոր կասկածներ» հեռուստասերիալում․ նրա կերպարը և հերոսուհի Մարլի Մաթլինը սերիալի կենտրոնական դերերից էին։ 1996-2000 թվականներին «Չիկագոյի հույսը» բժշկական դրամայում կրկին խաղացել է բժշկի դեր, իսկ 2002 թվականին «Արևմտյան թև» հեռուստասերիալում՝ գաղտնի գործակալության գործակալի դեր։ 2003 թվականին ԱՄՆ-ի քրեական գործերի հետաքննության գործակալ Լերոյ Ջենթրո Գիբսի դերում նկարահանվել է «Ռազմա-իրավաբանական ծառայություն» սերիալում։ Նույն թվականին սկսվել է ցուցադրվել «Ծովային ոստիկանություն։ Հատուկ ստորաբաժանում» սերիալը, որում Հերմոնի կերպարը կենտրոնականներից մեկն էր։
1980-ականների վերջին և 1990-ականների սկզբին սկսել է շատ նկարահանվել ֆիլմերում՝ հիմնականում կատարելով երկրորդական պլանի դերեր։ Կնոջ հետ միասին խաղացել է նաև թատերական ներկայացումներում։
1986 թվականին People ամսագիրը Հերմոնին անվանել է տարվա ամենասեքսուալ տղամարդը[2]։ 1987 թվականի մարտի 21-ին ամուսնացել է դերասանուհի Պեմ Դոբուերի հետ։ Նրանք ունեն երկու երեխա՝ Շոնն ու Թայ Քրիստիանը։ 1996 թվականին Մարկը փրկել է երկու դեռահասների՝ դուրս բերելով նրանց իր տան մոտ այրվող ավտոմեքենայից։
Ֆիլմագրություն խմբագրել
| Տարի | Անվանում | Բնօրինակ անվանում | Դեր |
|---|---|---|---|
| 1979 | Պոսեյդոնի գերիները | Beyond the Poseidon Adventure | Լարի Սիմպսոն |
| 1984 | Անապատների մարտիկը | Tuareg | Գասել Սայա |
| 1986 | Եկենք փրկենք Հարրիին | Let’s Get Harry | Հարրի Բերք |
| 1986 | Զգուշավոր անծանոթը | The Deliberate Stranger | Թեդ Բանդի |
| 1987 | Ամառային դպրոց | Summer School | Ֆրեդի Շուփ |
| 1989 | Երիտասարդության քաղցրաձայն թռչունը | Sweet Bird Of Youth | Չենս Ուեյն |
| 1997 | Զոհեր | Casualties | Թոմի Նենս |
| 1998 | Երկրից դեպի լուսին | From the Earth to the Moon | Ուոլտեր Շիրա |
Ծանոթագրություններ խմբագրել
- ↑ 1,0 1,1 Deutsche Nationalbibliothek Record #1069184675 // Gemeinsame Normdatei (գերմ.) — 2012—2016.
- ↑ 2,0 2,1 All the Sexiest Man Alive Covers Արխիվացված 2016-08-16 Wayback Machine. Cara Lynn Shultz. People
- ↑ Mark Harmon. NSIC on CBS Արխիվացված 2009-02-25 Wayback Machine. CBS.com
- ↑ Florida Citrus Sports Foundation Endows NFF Scholar-Athlete Award Արխիվացված 2009-01-10 Wayback Machine. National Football Foundation. 12 ноября 2003
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Մարկ Հերմոն» հոդվածին։ |