Մարկանտոնիո Ռայմոնդի
Մարկանտոնիո Ռայմոնդի, (իտալ.՝ Marcantonio Raimondi, 1480[1][2][3][…], Մոլինելլա, Բոլոնյա գավառ, Էմիլիա Ռոմանիա - 1534[1][4][5][…], Բոլոնիա, Պապական մարզ), իտալացի փորագրիչ, առավել հայտնի է որպես Վերածննդի դարաշրջանի գործիչ, ավելի քան 300 փորագրությունների և անտիկ հուշարձանների հեղինակ։
| Մարկանտոնիո Ռայմոնդի իտալ.՝ Marcantonio Raimondi | |
|---|---|
 | |
| Ծնվել է | 1480[1][2][3][…] |
| Ծննդավայր | Մոլինելլա, Բոլոնյա գավառ, Էմիլիա Ռոմանիա |
| Մահացել է | 1534[1][4][5][…] |
| Մահվան վայր | Բոլոնիա, Պապական մարզ |
| Քաղաքացիություն | Իտալիա[6] |
| Երկեր | The Judgment of Paris? |
| Մասնագիտություն | փորագրիչ, նկարիչ, ոսկերիչ, գծանկարիչ և copper engraver |
 Marcantonio Raimondi Վիքիպահեստում | |
Կենսագրություն խմբագրել
Ստույգ հայտնի չէ, թե երբ է ծնվել Մարկանտոնիո Ռայմոնդին։ Նա ծնվել է 1470 -ից մինչև 1482 թվականն ընկած ժամանակահատվածում։ Նրա ծննդավայրը Արջինին է, որը կից է Բոլոնյային։ Գեղանկարչության նրա ուսուցիչը եղել է ոսկերիչ և նկարիչ Ֆրանչեսկո Ֆրանչան։ 1506 - 1508 թվականներին ապրել և ստեղծագործել է Վենետիկում, կրկնօրինակել Դյուրերի թղթերը, որի շնորհիվ ձեռք է բերել կրկնօրինակելու հմտություններ (կեղծել նույնիսկ հեղինակի միացագրերն այնպես, որ երբեմն նույնիսկ կրկնօրինակ նկարը դժվար էր տարբերել բնօրինակ նկարից)։ Ջորջո Վազարիի խոսքերով, երբ Դյուրերը իմացել է այդ մասին, նա իր դժգոհությունն է հայտնել համայնքի ղեկավար մարմնին՝ Բոլոնյայի փորագրիչին արգելելով իր սեփական նկարների տակ ստորագրել որպես Ալբրեխտ։ Դրանից որոշ ժամանակ անց Ռայմոնդին մեկնել է Ֆլորենցիա։ Այդ տարիներին ստեղծել է Ջորջոնեյի և Միքելանջելոյի նկարների կրկնօրինակները, ինչպես նաև «Կաշինի ճակատամարտը» որմնանկարը (պետք է զարդարեր Պալացցո Վեկկիոյի պատը)։ 1510 - 1511 թվականներին տեղափոխվել է Հռոմ, որտեղ ծանոթացել է Ռաֆայելի հետ։ Այդ պահից մինչև Ռաֆայելի մահը՝ 1520 թվականը, Ռայմոնդին կատաել է նրա աշխատանքների գծանկարչական կրկնօրինակները։
Հետագայում շարունակել է իրականացնել Ռաֆայելի արվեստանոցի նկարիչների՝ մասնավորապես Ջուլիո Ռոմանոյի նկարների կրկնօրինակները, ինչը նրան հռչակ է բերել։ Մարկանտոնիոյի ձերբակալման պատճառ է դարձել սկանդալային բովանդակությամբ 16 քանդակներ։ Սակայն կարդինալ Իպոլիտո Մեդիչիի և ճարտարապետ Բաչչո Բանդինելլիի խնդրանքով նրան ներում է շնորհվել։
1527 թվականին Կառլ V-ի կողմից Հռոմի գրավման ժամանակ նա վարձկանների կողմից գերեվարվել է։ Ազատվել է փրկագին վճարելուց հետո, որի արդյունքում էլ սնանկացել է և ենթադրաբար վերադարձել Բոլոնյա։
Ծանոթագրություններ խմբագրել
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 The Stuttgart Database of Scientific Illustrators 1450–1950
- ↑ 3,0 3,1 KulturNav — 2015.
- ↑ 4,0 4,1 4,2 Web umenia (словацк.)
- ↑ 5,0 5,1 5,2 AGORHA (ֆր.) — 2009.
- ↑ https://www.kulturarv.dk/kid/VisKunstner.do?kunstnerId=12416
Արտաքին հղումներ խմբագրել
- «Marcantonio Raimondi» (անգլերեն). Վերցված է 2012-08-26-ին.
- Гравюры Маркантонио Раймонди
- Catholic Encyclopedia(անգլ.)
- Маркантонио Раймонди на сайт ArtCyclopedia.com(անգլ.)
 | Վիքիպահեստն ունի նյութեր, որոնք վերաբերում են «Մարկանտոնիո Ռայմոնդի» հոդվածին։ |