Մարզադաշտ

սպորտային կառույց

Մարզադաշտ, ստադիոն, մարզական բացօթյա կառույցների համալիր, որը խմբավորվում է բացօդյա թիմային սպորտաձևի (սովորաբար՝ ֆուտբոլի) դաշտից, վազքուղուց, թեթև աթլետիկական և մարմնամարզական հրապարակներից բաղկացած, մեկ կամ մի քանի կողմից հանդիսականների տրիբունաներով երիզված սպորտային միջուկի շուրջը։

Սանտիագո Բերնաբեու մարզադաշտը Իսպանիայում
Սանտիագո Բերնաբեու մարզադաշտը Իսպանիայում

Առաջին մարզադաշտերը (ստադիոնները) ստեղծվել են Հին Հունաստանում՝ Օլիմպոսում (մ. թ. ա. 7-րդ դարում), Դելփիքում, Աթենքում։ Օլիմպիական խաղերի վերսկսումը (1896) նոր զարկ է տվել մարզադաշտերի շինարարությանը։ Արդի մարզադաշտերը բարդ և տեխնիկապես հագեցված կառույցներ են՝ մարզիկի և հանդիսականի սպասարկման բոլոր հարմարություններով (հանդերձարան, ցնցուղարան, մերսման, բուժական և հանգստի սենյակներ, տրիբունաներ, ճեմասրահներ, բուֆետներ և այլն)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 310