Մասրիկի դաշտ, Գիլ դաշտ, Գիլի դաշտ, Գիլի հարթություն, Զոդի հարթություն, Մազրայի դաշտ, Մազրիայի դաշտ, Մազրիյան հովիտ, Սարզի դաշտ, Սոդքի դաշտ, Սոթքի լեռնադաշտ, հարդավայր ՀայաստանիԳեղարքունիքի մարզումՍևանի ավազանի հարավ-արևելքում։ Զբաղեցնում է Մասրիկի ստորին հոսանքի ավազանը։ Բարձրությունը 1900-2000 մ է։ Հարթ մակերևույթն ունի թեքություն դեպի արևմուտք, ծածկված է լճագետաբերուկային նստվածքների հզոր շերտով։ Արևմուտքում՝ նախկին Գիլի լճի տեղում, կան տորֆի պաշարներ։ Մշակում են կարտոֆիլ, հացահատիկ, ծխախոտ, բանջարեղեն և այլն[1]։ Հնում կոչվում էր Սոդքի (հետագայում՝ Մազրայի) դաշտ։ Ունի եոանկյունաձև, հարթ մակերևույթ։ Երկարություն 20 կմ, լայնություն՛ 15 կմ։ Վաղ ժամանակներում ծաձկվաձ է եղել լճի ջրերով։ Կլիման խստաշունչ է՝ ցուրտ ու երկարատև ձմեռներով և զով ամառներով։ Ծածկված է մուգ շագանակագույն հողերով, ունի հիանալի արոտավայրեր։ Բազմանում են մի քանի տեսակի ճահճային թռչուններ։ Արևմտյան կողմում՝ Գիլլի ցամաքած լճի և ճահճուտների տեղում մնացել են 1500 հա տորֆավայրեր, կա շինարարական քար։ Զոդում է գտնվում ոսկու հանքավայր։ Գյուղատնտեսական շրջան է, ոոոգվում է Մասրիկ գետի, նրա վտակների և Մասրիկի ջրանցքի ջրերով։ Մշակում են կարտոֆիլ, ցորեն, ծխախոտ, բանջարեղեն։ Այստեղ պահպանվել են հին և միջնաղարյան մի շարք հուշարձաններ[2]։
↑Հայաստանի Հանրապետության Ֆիզիկաաշխարհագրական օբյեկտների համառոտ տեղեկատու-բառարան, Երևան, «Գեոդեզիայի և քարտեզագրության կենտրոն ՊՈԱԿ», 2007, էջ 80 — 150 էջ։
Այս հոդվածի կամ նրա բաժնի որոշակի հատվածի սկզբնական տարբերակը վերցված էՀայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։
Հայաստան