Մայքլ Բաֆեր
Մայքլ Բաֆեր (անգլ.՝ Michael Buffer, նոյեմբերի 2, 1944[1], Ֆիլադելֆիա, Փենսիլվանիա, ԱՄՆ), բռնցքամարտի և ըմբշամարտի աշխարհում փորձառու կոնֆերանսիե։ Նա հայտնի է իր թևավոր խոսքով, որը կիրառում է ամեն մարտից առաջ «Let’s get ready to rumble!» («Պատրաստվե՛ք մարտին») և իրեն յուրահատուկ ձևով ներկայացնում է մարզիկներին։ Նա հատուկ հնչերանգով հայտարարում է մարզիկների անունները, ինչը նրա ձայնը ճանաչելի է դարձնում ամբողջ աշխարհում։
| Մայքլ Բաֆեր անգլ.՝ Michael Buffer | |
|---|---|
 | |
| Ծնվել է | նոյեմբերի 2, 1944[1] (79 տարեկան) |
| Ծննդավայր | Ֆիլադելֆիա, Փենսիլվանիա, ԱՄՆ |
| Քաղաքացիություն |  ԱՄՆ |
| Մայրենի լեզու | անգլերեն |
| Մասնագիտություն | լրագրող, հեռուստահաղորդավար, դերասան և ring announcer |
| Կայք | letsrumble.com |
Բաֆերն իր հայտնի թևավոր խոսքերը "Let’s get ready to rumble" առաջին անգամ սկսել է կիրառել 1980-ական թվականներից։ Իսկ 1992 թվականից նա նոր շնչով սկսել է կիրառել այն։ ՀԻմա Բաֆերն այդ արտահայտությունն օգտագործում է գովազդային նպատակով՝ զանազան տարբերակներով, օրինակ՝ համակարգչային խաղերում։
Հետաքրքիր փաստեր խմբագրել
- Աշխատանքային գործունեության ընթացքում վաստակել է շուրջ 400 մլն. դոլար։
- Մայքլ Բաֆերի պապիկը՝ Ջոնի Բաֆը, թեթև քաշային կարգով, եղել է բոքսի աշխարհի չեմպիոն։
- Մայքլի խորթ եղբայրը՝ Մայքլ Բրյուս Բաֆերը, հանդիսանում է UFC բոքսի մրցահարթակի հաղորդավար։
- 1988 թվականին «Homeboy» ֆիլմում խաղացել է մրցահարթակի հաղորդավարի դերը, իսկ գլխավոր դերակատարը Միկի Ռուրկն էր։
- Մայքլ Բաֆերը մարմնավորել է ինքն իրեն «Ռոքի» ֆիլմի չորս սերիաններում՝ «Ռոկի 5», «Ռոկի Բալբոա», «Կրիդ։ Ժառանգությունը Ռոկիի» և «Կրիդ 2».
- Նկարահանվել է «Մի կատակեք Զոհանի հետ» ֆիլմում։
- Նկարահանվել է «Դամբո» ֆիլմում, հայտարարելով փղիկ Դամբոյի մուտքը կրկես։
- Ձայնագրել է ինքն իրեն «Սիմփսոնները» մուլտսերիալի մի սերիայում։
- Բազմաթիվ անգամներ հրավիրվել է «WCW Monday Nitro» պրոֆեսիոնալ ըմբշամարտի ֆեդերացիայի շոուներին, որպեսզի հայտարարի երեկոյի գլխավոր մենամարտը։
- Մայքլ Բաֆերի ձայնը օգտագործվել է «Askband»խմբի «Մի հարվածից» երգի մեջ։
- 2014 թվականի հունիսի 1-ին դարձել է «THE GOLDEN GLOVES 2: BLACK ENERGY» մրցանակի դափնեկիր բոքսի II միջազգային մրցույթում և «Ըմբշամարտի ձայնը» անվանակարգում պարգևատրվել է բացառիկ «Ոսկե ձեռնոց» մրցանակով։
- Տարել է ծանր վիրահատություն՝ կոկորդի քաղցկեղի հեռացման ժամանակ։
- ԱՄՆ-ում 2017թվականի Ֆորմուլա-1 Գրան Պրի մրցանակաբաշխության ժամանակ հայտարարել է մրցարշավի մասանակիցներին[2]։
- 2018 թվականին Ստենլի գավաթի եզրափակչի առաջին խաղից առաջ հայտարարել է «Վեգաս Գոլդեն Նայթս» և «Վաշինգտոն Քեփիթալս» թիմերի մարզիկների անունները[3]։
Ծանոթագրություններ խմբագրել
- ↑ 1,0 1,1 ČSFD (չեխերեն) — 2001.
- ↑ «Майкл Баффер представит гонщиков в Остине» (ռուսերեն). Վերցված է 2017 թ․ հոկտեմբերի 25-ին.
- ↑ Майкл Баффер, прыжок с 300 метров и 10 голов. Хоккей в Вегасе – это нечто!