Մահմուդ Ղազնևի (պարս.՝ محمود غزنوی, նոյեմբերի 2, 971, Ղազնի, Սամանիների պետություն - ապրիլի 30, 1030(1030-04-30)[1], Ղազնի, Ղազնևիների պետություն), Ղազնևիների պետության (X-XII դդ. Միջին Արևելքում) տիրակալ 998 թվականից։ Եղել է եռանդուն անձնավորություն, տաղանդավոր զորավար և հմուտ քաղաքագետ։ 1000-1027 թվականին. ավերիչ արշավանքներ է ձեռնարկել Հյուսիսային Հնդկաստան, Խորեզմ, պատերազմել Կարախանյանների պետության (պետություն Միջին Ասիայում X-XII դդ.) դեմ, պարտության մատնել Բուխարայում հաստատված սելջուկներին։ Նրա օրոք Ղազնևիների պետությունը հասել է ծաղկման գագաթնակետին և իր մեջ ընդգրկել Իրանի, Միջին Ասիայի մի շարք մարզեր, Հնդկաստանի հյուսիսային և հյուսիսարևմտյան նահանգները։ Հովանավորել է գիտության և մշակույթի զարգացումը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 187)։
Mahmud of Ghazni Վիքիպահեստում
